നെ​ഗ​റ്റീവിന് മറുപടി കൊടുക്കാൻ ടെന്റസി, ഇത് ഞാൻ ജീവിതത്തിൽ പ്രയോ​ഗിക്കുന്നത്; എലിസബത്തിന്റെ വീഡിയോ!

ആശിച്ച് മോഹിച്ച് ഒരു വിവാഹ ജീവിതത്തിലേക്ക് കടന്നിട്ടും വിചാരിച്ചതുപോലെ ആ ബന്ധം നിലനിർത്തി കൊണ്ടുപോകാൻ എലിസബത്തിന് സാധിച്ചില്ല. പക്ഷെ അതിന്റെ പേരിൽ ആരെയും പഴിചാരാൻ നിൽക്കാതെ വീണ്ടും ഒന്ന് കൂടി ലൈഫ് റീ സ്റ്റാർട്ട് ചെയ്യുകയാണ് എലിസബത്ത് ചെയ്തത്. ജീവിതം വീണ്ടും ആരംഭിക്കുന്നതിന്റെ ആദ്യ ഘട്ടമായി ഏറ്റവും പ്രിയപ്പെട്ട ജോലിക്കായി താരം അഹമ്മദാബാദിലേക്ക് പോവുകയാണ് ചെയ്തത്.

ബാലയുമായി കുടുംബജീവിതം നയിച്ചിരുന്ന സമയത്ത് കേരളത്തിലെ ഒരു ആശുപത്രിയിൽ തന്നെയായിരുന്നു എലിസബത്ത് ഡോക്ടറായി സേവനം അനുഷ്ഠിച്ചിരുന്നത്. എല്ലാത്തിൽ നിന്നും മാറി നിൽക്കാം എന്നുള്ള ചിന്ത കൂടി അഹമ്മദാബാദിൽ ജോലിക്ക് എലിസബത്ത് പ്രവേശിച്ചതിന് പിന്നിലുണ്ട്. എലിസബത്തിന്റെ ഏറ്റവും വലിയ വിനോദങ്ങളിൽ ഒന്ന് കുട്ടി വ്ലോ​ഗുകളിലൂടെ തന്നെ സ്നേഹിക്കുന്നവരോട് ‌സംസാരിക്കുക എന്നതാണ്.

എത്ര വിഷമകരമായ ഷിഫ്റ്റ് കഴിഞ്ഞ് വരികയാണെങ്കിലും വ്ലോ​ഗ് എടുക്കാൻ എലിസബത്ത് സമയം കണ്ടെത്താറുണ്ട്. ഇപ്പോഴിതാ ആരാധകരുടെ ചില പരാതികൾക്കും പരിഭവങ്ങൾക്കും താരം നൽകിയ മറുപടിയാണ് ശ്രദ്ധ നേടുന്നത്. കഴിഞ്ഞ കുറച്ച് നാളുകളായി എലിസബത്ത് കമന്റുകൾക്ക് മറുപടി നൽകുന്നില്ലെന്ന പരാതി സ്ഥിരം പ്രേക്ഷകർക്കുണ്ട്. അതിനുള്ള മറുപടിയാണ് പുതിയ വീഡിയോയിലൂടെ എലിസബത്ത് നൽകിയത്.

ഞാൻ ഇടുന്ന പല വീഡിയോകളിലും നെ​ഗറ്റീവ് കമന്റുകൾ വരുന്നുണ്ട്. അതുപോലെ ഞാൻ കമന്റുകൾക്ക് മറുപടി കൊടുക്കുന്നില്ലെന്ന പരാതിയും വരുന്നുണ്ട്. മുമ്പൊക്കെ ഞാൻ എല്ലാ കമന്റുകൾക്കും മറുപടി കൊടുക്കാറുണ്ടായിരുന്നു. പിന്നെ നെ​ഗറ്റീവ് കമന്റുകൾ കൂടി. മാത്രമല്ല അതിനെല്ലാം മറുപടി ഇടാനുള്ള ടെന്റൻസിയും കൂടി. അതുകൊണ്ട് ഇനി മറുപടി കൊടുക്കേണ്ടെന്ന് തീരുമാനിച്ചു.

അതോടെ നല്ല കമന്റുകൾ മറുപടി കൊടുക്കുന്നതും ഇല്ലാതെയായി. പക്ഷെ ഞാൻ മൊത്തത്തിൽ എല്ലാ കമന്റുകളും നോക്കുന്നയാളാണ്. നെ​ഗറ്റീവും പോസിറ്റീവുമെല്ലാം കാണാറുണ്ട്. അതിനെല്ലാം വീഡിയോകളിലൂടെ റിപ്ലൈ ചെയ്യാറുമുണ്ട്. ഓരോരുത്തർ ചോ​ദിച്ച കാര്യങ്ങൾക്ക് വീഡിയോയിലൂടെ ഞാൻ റിപ്ലൈ ചെയ്യാറുണ്ട്. എത്ര നല്ല കാര്യങ്ങളുണ്ടെങ്കിലും നമ്മുടെ മനസ് ആദ്യം പോവുക നെ​ഗറ്റിവിറ്റിയിലേക്കാണ്. സപ്പോർട്ടിങ് കമന്റുണ്ടെങ്കിൽ നെ​​ഗറ്റീവ് കമന്റിലേക്ക് ശ്രദ്ധ പിടിക്കുന്ന അവസ്ഥയുണ്ടായി.

ഇതുപോലെ തന്നെയാണ് ജീവിതത്തിലും നെ​ഗറ്റീവ് കാര്യങ്ങൾക്ക് കൂടിതൽ അട്രാക്ഷനുണ്ട്. ഇതൊന്ന് എല്ലാവരോടും ഷെയർ ചെയ്യണമെന്ന് തോന്നി. എല്ലാവരും ഹാപ്പിയായി ഇരിക്കുക. അധികം നെ​ഗറ്റിവിറ്റിയിലേക്ക് പോകാതിരിക്കുക. ചുറ്റിനും ഒരുപാട് പോസിറ്റീവ് കാര്യങ്ങൾ നടക്കുന്നുണ്ട്. അതൊന്നും ശ്രദ്ധിക്കാതെ നെ​ഗറ്റീവ് ചിന്തിച്ച് ഡിപ്രഷനിലേക്ക് പോകാതിരിക്കുക. ഇതൊക്കെ ഞാൻ ജീവിതത്തിൽ ചെയ്യുന്ന കാര്യങ്ങളാണ്.

ഇത് മറ്റാർക്കെങ്കിലും പ്രയോജനപ്പെട്ടാലോയെന്ന് കരുതിയാണ് ഇവിടെ പറയുന്നത്. ആരെങ്കിലും എന്തെങ്കിലും പറ‍ഞ്ഞാൽ വിഷമിച്ച് ദിവസം നശിപ്പിക്കാതെ ഇരിക്കുക. അതൊക്കെ നോർമലാണ്. മാക്സിമം ലൈഫ് എ‍ഞ്ചോയ് ചെയ്യുക എന്നാണ് എലിസബത്ത് പറഞ്ഞത്. നെഗറ്റീവ് കമന്റ്‌ പേടിച്ചാണോ റിപ്ലെ ഡോക്ടർ താരത്തത്?. നെഗറ്റീവ് ഇല്ലാത്ത ആരെങ്കിലുമുണ്ടോ ഡോക്ടറെ?. അതിനെ അതിന്റെ വഴിക്ക് വിടൂ. ഡോക്ടറെ ഇഷ്ട്ടപെടുന്ന ഞങ്ങൾക്ക് ലൈക്കും റിപ്ലെയും തരൂ, ആളുകൾ എപ്പോഴും നെഗറ്റീവ് കാര്യങ്ങൾ പറയും.

നിങ്ങൾ ആരാണെന്നും നിങ്ങളുടെ ഉദ്ദേശങ്ങളിലും ശ്രദ്ധ കേന്ദ്രീകരിക്കണം. അവ ശരിയാണെങ്കിൽ ആളുകൾ എന്ത് പറയുന്നു എന്നതിനെ കുറിച്ച് വിഷമിക്കേണ്ട. ദിവസാവസാനം നമ്മൾ നമ്മുടെ സ്വന്തം മനസാക്ഷിയോട് മാത്രമെ ഉത്തരം പറയാവൂ എന്നിങ്ങനെയാണ് താരത്തിന്റെ പുതിയ വീഡിയോയ്ക്ക് വന്ന കമന്റുകൾ. തൃശൂർ സ്വദേശിനിയാണ് എലിസബത്ത്.