കൊറിയൻ സിനിമയുടെ കോപ്പിയടിയോ? സിഡി അയച്ച് തന്നപ്പോൾ പറയുന്നത് ശരിയാണല്ലോ എന്ന് തോന്നി: ജീത്തു ജോസഫ്

ദൃശ്യം കൊറിയൻ സിനിമയുടെ കോപ്പിയടിയാണെന്ന വാദത്തോട് പ്രതികരിച്ച് സംവിധായകൻ ജീത്തു ജോസഫ്.
ഞാൻ ഇൻസ്പിരേഷനിൽ ചെയ്ത പടമാണ് മെെ ബോസ്. അത് റിലീസിന് മുമ്പേ ഞാൻ പറഞ്ഞിരുന്നു. നാട്ടിൻപുറവും അച്ഛൻ മകൻ ബന്ധവുമൊക്കെ നമ്മുടെ തനതായ ശെെലിയിൽ മാറ്റിയെഴുതി. പക്ഷെ ദൃശ്യത്തിന്റെ സ്ക്രിപ്റ്റ് ഇവർ പറയുന്ന സിനിമ റിലീസ് ചെയ്യുന്നതിന് മുമ്പ് ഞാൻ എഴുതി വെച്ചതാണ്.

ഞാനെന്റെ അസോസിയേറ്റിന് വേണ്ടി എഴുതിയ സ്ക്രിപ്റ്റ് ആണ്. അവസാനം എന്റെ കയ്യിലേക്ക് വന്നതാണ്. പിന്നെ ദൃശ്യം കൊറിയയിൽ വരാൻ പോകുന്നു. കൊറിയിൻ സിനിമയിൽ നിന്നാണ് ഞാൻ കഥയെടുത്തതെങ്കിൽ അവരെന്തിന് ഇപ്പോൾ കൊറിയയിൽ ദൃശ്യം റീമേക്ക് ചെയ്യണം. എന്നാൽ ഒരാൾ ഈ പറയുന്ന കൊറിയൻ സിനിമയുടെ സിഡി അയച്ച് തന്നപ്പോൾ പറയുന്നത് ശരിയാണല്ലോ എന്ന് തോന്നി. ഒരേ പോലെ ചിന്തിക്കുന്ന ഒത്തിരി സിനിമകളുണ്ടെന്നും ജീത്തു ജോസഫ് പറയുന്നു.