ഹോം

വിശേഷങ്ങൾ

വിമാനം എന്ന ചിത്രത്തിലൂടെ മലയാള സിനിമയിലേക്ക് കടന്നുവന്ന നടിയാണ് ദുർ​ഗ്​ഗ കൃഷ്ണ. നാടൻ വേഷങ്ങളിൽ മാത്രം പ്രേക്ഷകർക്ക് മുന്നിലെത്തിയ നടിയുടെ ​ഗ്ലാമർ ഫോട്ടോഷൂട്ട് കഴിഞ്ഞ ദിവസങ്ങളിൽ സോഷ്യൽ മീഡിയയിൽ വൈറലായിരുന്നു. ചില മാറ്റങ്ങളുടെ തുടക്കമാണ് ആ ഫോട്ടോഷൂട്ട് എന്ന് അപ്പോൾ ആരാധകർക്ക് അറിയില്ലായിരുന്നു, ഇപ്പോൾ അതിനുള്ള കാരണം വ്യക്തമാക്കി മറ്റൊരു ഫോട്ടോ പങ്കുവച്ചിരിയ്ക്കുകയാണ് നടി.

പുകവലിയ്ക്കുന്ന ഒരു ചിത്രത്തിനൊപ്പമാണ് ഈ മാറ്റത്തിന്റെ കാരണം നടി വ്യക്തമാക്കുന്നത്. 'ഒരു സാധാരണ കേരള പെൺകുട്ടിയാണ് ദുർ​ഗ്​ഗ കൃഷ്ണ. നർത്തകിയാണ്. സാരിയും സൽവാറും ധരിക്കുന്നതാണ് അവൾക്കിഷ്ടം. ഈ ചിത്രം ഒരു നി​ഗൂഡ മാന്ത്രികതയാണ്' എന്ന് പറഞ്ഞുകൊണ്ടാണ് ദുർ​ഗ്​ഗ ഫോട്ടോയെ വിശദീകരിക്കുന്നത്.

സി​ഗരറ്റ് വലിക്കുന്ന ഈ ഫോട്ടോഷൂട്ട് നടത്താൻ എനിക്ക് എന്നെ തന്നെ സ്വയം ബോധ്യപ്പെടുത്താൻ സമയമെടുത്തു. ഒരു അഭിനേത്രി എന്ന നിലയിൽ വെല്ലുവിളികൾ സ്വീകരിക്കാനും അതിർ വരുമ്പുകൾ ബേധിച്ച് മുന്നോട്ട് പോകാനും ഇഷ്ടപ്പെടുന്ന, ധൈര്യമുള്ള വ്യക്തിയാകാൻ ഞാൻ ആ​ഗ്രഹിക്കുന്നു എന്ന് ദുർ​ഗ്​ഗ വ്യക്തമാക്കി.

Recommended Video

പുകവലി ആരോ​ഗ്യത്തിന് ഹാനീകരമാണെന്ന് എഴുതി വയ്ക്കാൻ ദുർ​ഗ്​ഗ മറന്നില്ല. ദുർ​ഗ്​ഗയുടെ തീരുമാനത്തെ പ്രശംസിയ്ക്കുന്ന കമന്റുകളാണ് ഫോട്ടോയ്ക്ക് വന്നുകൊണ്ടിരിയ്ക്കുന്നത്. ബഡായി ബം​ഗ്ലാവ് ഫെയിം ആര്യ ഉൾപ്പടെയുള്ളവർ പോസ്റ്റിന് ലൈക്കും കമന്റുമിട്ടിട്ടുണ്ട്. കില്ലർ ലുക്ക് എന്നാണ് ആര്യ എഴുതിയിരിയ്ക്കുന്നത്. ഈ കൊറോണ കാലത്ത് ഇതിന്റെ ആവശ്യമുണ്ടായിരുന്നോ എന്ന് ചോദിക്കുന്ന കമന്റുകളും ചിത്രത്തിന് താഴെ വരുന്നുണ്ട്.

പൃഥ്വിരാജിന്റെ നായികയായി വിമാനം എന്ന ചിത്രത്തിലൂടെയാണ് ദുർ​ഗ്​ഗ സിനിമാ ലോകത്ത് എത്തിയത്. പിന്നീട് പ്രേതം 2, കുട്ടിമാമ, ലവ് ആക്ഷൻ ​ഡ്രാമ എന്നീ ചിത്രങ്ങളിൽ അഭിനയിച്ചു. മോഹൻലാലും തൃഷയും കേന്ദ്ര കഥാപാത്രങ്ങളായി എത്തുന്ന, ജീത്തു ജോസഫിന്റെ റാം എന്ന ചിത്രത്തിലാണ് അടുത്തതായി ദുർ​ഗ്​ഗ അഭിനയിക്കുന്നത്. ചിത്രത്തിൽ തൃഷയുടെ സഹോദരിയുടെ വേഷമാണ്. ലോക്ക് ഡൗൺ കഴിഞ്ഞാൽ ഉടൻ സിനിമയുടെ ഷൂട്ടിങ് ആരംഭിയ്ക്കും എന്നാണ് നിലവിലുള്ള വിവരം.