ബോളിവുഡ് നടിമാരുടെ ദുരൂഹമരണം, എല്ലാം ഒരുപോലെ! പ്രശസ്തി വിനയാവുന്നത് എങ്ങനെയാണെന്ന് അറിയാമോ?

ശ്രീദേവി

ബോളിവുഡിലെ ആദ്യത്തെ ലേഡീ സൂപ്പര്‍സ്റ്റാര്‍ എന്ന് വിശേഷണത്തിന് യോഗ്യത നേടിയ ശ്രീദേവിയുടെ മരണം അപ്രത്യക്ഷിതമായിരുന്നു. ദുബായില്‍ നിന്നും ഹൃദയാഘാതം വന്നിട്ട്ാണ് നടി മരിച്ചതെന്ന് പറഞ്ഞിരുന്നെങ്കിലും ബാത് ടാബ്ബില്‍ മുങ്ങി മരിക്കുകയായിരുന്നു. എന്നാല്‍ നടിയുടെ മരണത്തില്‍ ദുരൂഹതയില്ലെന്നാണ് പ്രോസീക്യുഷന്റെ വാദം. ഇതോടെ മൃദദേഹം ഇന്ന് മുംബൈയിലെത്തിക്കും.

ദിവ്യാ ഭരതി

ഹിന്ദിയിലും തെലുങ്കിലും നിരവധി ഹിറ്റ് സിനിമകളിലഭിനയിച്ച നടിയായിരുന്നു ദിവ്യാ ഭരതി. 1990 ല്‍ സിനിമയിലെത്തി 1993 ല്‍ സിനിമയില്‍ നിന്നും പോയ നടി അക്കാലയളവിനുള്ളില്‍ 21 സിനിമകളില്‍ അഭിനയച്ചിരുന്നു. എന്നാല്‍ 2013 ല്‍ ഭര്‍ത്താവ് സാജിദ് നദിയാദ്വലയുടെ വീടിന്റെ ആറാം നിലയില്‍ നിന്നും വീണ് മരിക്കുകയായിരുന്നു. നടിയുടെ മരണത്തില്‍ സംശയങ്ങള്‍ ഉയര്‍ന്നിരുന്നു.

പര്‍വീന്‍ ബാബി

ഇന്ത്യന്‍ നടിയായ പര്‍വീന്‍ ബാബി 1973 ലായിരുന്നു സിനിമയിലെത്തിയത്. ശേഷം 60 ഓളം ഫീച്ചര്‍ സിനിമയില്‍ അഭിനയിച്ച നടി എഴുപതുകളിലെ ഗ്ലാമര്‍ റാണിയായി അറിയപ്പെട്ടിരുന്നു. എന്നാല്‍ നടിയുടെ മരണത്തിലും ദുരൂഹതയുണ്ടായിരുന്നു. 2005 ല്‍ മുംബൈയിലെ ഫഌറ്റില്‍ പര്‍വീണിനെ മരിച്ച നിലയില്‍ കണ്ടെത്തുകയായിരുന്നു. നടിയുടെ രക്തത്തില്‍ മദ്യത്തിന്റെ സാന്നിധ്യവുമുണ്ടായിരുന്നെന്ന് അന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ തെളിഞ്ഞിരുന്നു.

നഫീസ ജോസഫ്

ഇന്ത്യന്‍ മോഡലും എംടിവി വീഡിയോ ജോക്കിയുമായിരുന്ന നഫീസ ജോസഫ് ഫെമിന മിസ് ഇന്ത്യ യൂണിവേഴ്‌സായും മിസ് യൂണിവേഴ്‌സായി തിരഞ്ഞെടുക്കപ്പെട്ടിരുന്നു. 2004 ജൂലൈ 29 ന് നടിയെ മുംബൈയിലെ വീട്ടില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.

വിവേക ബാബാജി

മേഡലും നടിയുമായ വിവേക ബാബാജിയുടെ മരണവും ദുരൂഹതയോടെയായിരുന്നു. മുംബൈയിലെ ഫഌറ്റില്‍ 2010 ലായിരുന്നു നടിയെ തൂങ്ങി മരിച്ച നിലയില്‍ കണ്ടെത്തിയിരുന്നത്. നടിയുടെ ആത്മഹത്യയുമായി ബന്ധപ്പെട്ട് കാമുകന്‍ ഗൗതമിനെയും ബന്ധുക്കളെയും സുഹൃത്തുക്കളെയും പോലീസ് ചോദ്യം ചെയ്തിരുന്നു. കാമസൂത്ര മോഡല്‍ ആയിട്ടായിരുന്നു വിവേക അറിയപ്പെട്ടിരുന്നത്. നടിയുടെ മരണം പ്രണയനൈരാശ്യത്തെ തുടര്‍ന്നായിരുന്നെന്നാണ് അന്ന് വന്ന റിപ്പോര്‍ട്ടുകളില്‍ പറഞ്ഞിരുന്നത്.

ജിയ ഖാന്‍

ബ്രീട്ടിഷ് അമേരിക്കന്‍ നടിയായിരുന്ന ജിയ ഖാന്‍ മൂന്ന് ഹിന്ദി സിനിമയിലും അഭിനയിച്ചിരുന്നു. നിശബ്ദ് എന്ന ചിത്രത്തില്‍ അമിതാഭ് ബച്ചന്റെ നായികയായിരുന്ന ജിയ 2013 ലായിരുന്നു മരിച്ചത്. മുംബൈയിലെ വീട്ടില്‍ വെച്ച് തൂങ്ങി മരിച്ച നിലയിലായിരുന്നു നടിയെ കണ്ടെത്തിയിരുന്നത്. സംവിധാന സഹായിയും സൂരജ് പഞ്ചോളിയ്‌ക്കെതിരെ അന്ന് പോലീസ് കേടെടുത്തിരുന്നു.