അഭിമുഖം എടുക്കുന്നതിനിടെ നില കരഞ്ഞു, പേളിയെ അഭിനന്ദിച്ച് ആരാധകർ, സ്ത്രീകൾക്ക് അഭിമാനമാണ്

2019 ആണ് പേളിയുടേയും ശ്രീനീഷിന്റേയും വിവാഹം നടക്കുന്നത. ഹിന്ദു- കൃസ്ത്യൻ ആചാരപ്രകാരം 2 ദിവസമായിട്ടായിരുന്നു കല്യാണം. ഇപ്പോൾ ഇരുവർക്കും നില എന്നൊരു മകളുണ്ട്. നിലയ്ക്കൊപ്പം ജീവിതം ആഘോഷമാക്കുകയാണ് പേളിയും ശ്രീനീഷും. സോഷ്യൽ മീഡിയയിൽ സജീവമായ പേളി ജീവിതത്തിലെ ചെറിയ സംഭവങ്ങൾ പോലും ആരാധകരുമായി പങ്കുവെയ്ക്കാറുണ്ട്. ഇപ്പോൾ താരത്തിന്റ സോഷ്യൽ മീഡിയ പേജ് നിറയെ നില ബേബിയാണ്. കുഞ്ഞിന്റെ ചെറിയ ചുവട് വയ്പ്പുകളും സന്തോഷങ്ങളുമെല്ലാം താരം പങ്കുവെയ്ക്കാറുണ്ട്. സോഷ്യൽ മീഡിയയിലെ കുഞ്ഞ് താരമായി നില മാറിയിരിക്കുകയാണ്.

പേളിയോടും ശ്രീനിയോടും നിലയുടെ വിശേഷം ചോദിച്ച് പ്രേക്ഷകരും രംഗത്ത് എത്താറാണ്ടുണ്ട്. കുഞ്ഞ് ജനിച്ചതിന് ശേഷം പേളി തന്റെ ജോലിയിൽ സജീവമായിരിക്കുകയാണ്. മകളുടെ കാര്യങ്ങൾ കൃത്യമായി നോക്കുന്നതിനോടൊപ്പമാണ് തന്റെ ജോലിയും ചെയ്യുന്നത്. സൈമ പുരസ്കാരദാന നിശയിൽ മകളോടൊപ്പമാണ് പേളി എത്തിയത്. കുഞ്ഞിനോടൊപ്പമുള്ള പേളിയുടെ ചിത്രങ്ങൾ സിനിമ കോളങ്ങളിൽ ഏറെ ചർച്ചയായിരുന്നു. പേളി ഒരു മാത്യകയാണെന്നാണ് ആരാധകർ പറഞ്ഞത്. ജോലിക്കൊപ്പം കുഞ്ഞിന്റെ കാര്യങ്ങളും പേളി വളരെ കൃത്യമായി നോക്കുന്നുണ്ട്.

ഇപ്പോൾ സോഷ്യൽ മീഡിയയിൽ വൈറലാവുന്നത് അഭിമുഖം എടുക്കുന്നതിനിടെ കരയുന്ന നിലയെ സമാധാനിപ്പിക്കുന്ന പേളിയുടെ വീഡിയോ ആണ്. താരത്തെ പ്രശംസിച്ച് നിരവധി പേർ രംഗത്ത് എത്തുന്നണ്ട്. ടെവിനോ തോമസ്- ഐശ്വര്യ ലക്ഷ്മി പ്രധാന വേഷത്തിലെത്തിയ ഏറ്റവും പുതിയ ചിത്രമാണ് കാണെക്കാണെ. ചിത്രത്തിന് മികച്ച പ്രേക്ഷക സ്വീകാര്യതയാണ് ലഭിക്കുന്നത്. കഴിഞ്ഞ ദിവസം സിനിമയിലെ താരങ്ങളായ ടൊവിനോ തോമസ്, ഐശ്വര്യ ലക്ഷ്മി നിർമ്മാതാവ് എന്നിവർ സിനിമയിലെ വിശേഷം പങ്കുവെച്ച് കൊണ്ട് രംഗത്ത് എത്തിയിരുന്നു. ഗൂഗിൾ മീറ്റിലൂടെ പേളിയായിരുന്നു ഇവരുടെ അഭിമുഖം എടുത്തത്. അഭിമുഖത്തിനിടെ നില കരയുകയായിരുന്നു. കുഞ്ഞിന്റെ കരച്ചിൽ കേട്ടതോടെ പേളിയുടെ മുഖം ആകെ മാറി. എത്ര ശ്രമിച്ചിട്ടും ശ്രീനിയെ കൊണ്ട് നിലയെ സമാധാനിപ്പിക്കാൻ കഴിഞ്ഞില്ല. തുടർന്ന് അതിഥികളോട് ക്ഷമ ചോദിച്ച് പേളി കുഞ്ഞിനെ വാങ്ങുകയായിരുന്നു. മകളെ തോളിലിട്ട് കൊണ്ട് അഭിമുഖം തുടരുകയായിരുന്നു. പേളിയുടെ ഈ വീഡിയോ സോഷ്യൽ മീഡിയയിൽ വൈറലായിട്ടുണ്ട്. താരത്തെ അഭിനന്ദിച്ച് നിരവധി പേരാണ് രംഗത്ത് എത്തുന്നത്. ഏതൊരു സ്ത്രീയ്ക്കും അഭിമാനമാണ് പേളി എന്നാണ് ആരാധകകര്‍ പറയുന്നത്.

Recommended Video

ഹോ എന്താ ഒരു ചിരി..പേർളിയുടെ മകളുടെ തകർപ്പൻ വീഡിയോ

ഗർഭിണിയായിരുന്നപ്പോഴും പേളിയെ അഭിനന്ദിച്ച് ആരാധകർ രംഗത്ത് എത്തിയിരുന്നു. ഗര്‍ഭിണിയായിരുന്ന കാലത്ത് ഡേ ഇന്‍ മൈ ലൈഫ് എന്ന് പറഞ്ഞ് പോളി ഒരു വീഡിയോ ചെയ്തിരുന്നു. വീഡിയോയില്‍ പൂര്‍ണ ഗര്‍ഭിണി ആയിരിക്കുമ്പോഴും സ്വന്തം കാര്യങ്ങളെല്ലാം ഒറ്റയ്ക്ക് നോക്കി, അപ്പോഴും തന്റെ ജോലി കൃത്യമായി ചെയ്യുന്ന പേളിയെ ആരാധകര്‍ വാനോളം പുകഴ്ത്തിയിരുന്നു. നടി, അവതാരിക എന്നതിനപ്പുറം നല്ലൊരു മോട്ടിവേഷന്‍ സ്പീക്കര്‍ കൂടെയാണ് പേളി മാണി.