സിംഗിള്‍ മദറായോ? അച്ഛനില്ലാതെ വളര്‍ന്നയാള്‍ സ്വന്തം കുട്ടിയ്ക്കും അതേ അവസ്ഥ വരുത്തുന്നു, അനുശ്രീയോട് ആരാധകര്‍

ഭര്‍ത്താവ് വിഷ്ണുവുമായി ചില സൗന്ദര്യ പിണക്കമാണുള്ളതെന്ന് അനുശ്രീ പറഞ്ഞെങ്കിലും ഇരുവരും ഒരുമിക്കുന്നതിനെ പറ്റി വിവരമൊന്നുമില്ല. മകന്റെ നൂല് കെട്ട് ചടങ്ങിനോ ഓണാഘോഷത്തിനോ ഒന്നും വിഷ്ണു എത്താത്തതും ചര്‍ച്ചയായി. ഇതിനിടയിലാണ് പുതിയൊരു ഫോട്ടോയുമായി അനുശ്രീ എത്തിയത്. ചിത്രത്തിന് നല്‍കിയ ക്യാപ്ഷനില്‍ താനൊരു സിംഗിള്‍ മദറാണെന്നും സ്വതന്ത്രയായ ആര്‍ട്ടിസ്റ്റാണെന്നുമൊക്കെ സൂചിപ്പിച്ചിരുന്നു.

സിംഗിള്‍ മദറാണെന്നുള്ള നടിയുടെ വാചകമാണ് ആരാധകരും ഏറ്റുപിടിച്ചത്. വിവാഹം കഴിഞ്ഞ് മാസങ്ങള്‍ക്കുള്ളില്‍ ഇങ്ങനൊരു വേര്‍പിരിയല്‍ ആവശ്യമുണ്ടോന്നാണ്് പലരും അനുവിനോട് ചോദിക്കുന്നത്. ഭര്‍ത്താവുമായിട്ടുള്ള പ്രശ്‌നം പറഞ്ഞ് തീര്‍ക്കാന്‍ പറ്റുന്നതല്ലേ ഉള്ളുവെന്നും അത് വൈകാതെ വേഗം വേണമെന്നുമൊക്കെ നടിയോട് ആരാധകര്‍ ഉപദേശിക്കുന്നു. മറ്റ് ചിലര്‍ നടിയുടെ ജീവിതത്തില്‍ തന്നെ ഉണ്ടായ മറ്റൊരു അനുഭവവും ചൂണ്ടി കാണിച്ചിരുന്നു.

വളരെ ചെറിയ പ്രായത്തില്‍ അനുശ്രീയുടെ അച്ഛനും അമ്മയും വേര്‍പിരിഞ്ഞവരാണ്. ഒറ്റമകളായ അനുശ്രീ അമ്മയുടെ കൂടെയാണ് ജീവിച്ചത്. അച്ഛനുമായി സൗഹൃദമുണ്ടെങ്കിലും രണ്ടാളുടെയും കൂടെ ജീവിക്കാനുള്ള ഭാഗ്യം നടിയ്ക്ക് ഇല്ലാതെ പോയി. ഇതേ അവസ്ഥ തന്നെയല്ലേ, ജനിച്ച് മാസങ്ങളായ കുഞ്ഞിനും സംഭവിക്കാന്‍ പോവുന്നതെന്നാണ് അനുശ്രീയോട് പലരും ചോദിക്കുന്നത്. എന്തായാലും മുന്നോട്ടുള്ള ജീവിതത്തില്‍ രണ്ടാളും ഒന്നിക്കണമെന്ന് തന്നെയാണ് ആരാധകരും പറയുന്നത്.

അനുശ്രീയെ പോലെ തന്നെ പ്രണയിച്ച് വിവാഹം കഴിച്ചവരാണ് നടിയുടെ മാതാപിതാക്കളും. അടുത്ത് അടുത്ത വീട്ടില്‍ താമസിക്കുമ്പോഴാണ് അനുശ്രീയുടെ മാതാപിതാക്കള്‍ ഇഷ്ടത്തിലാവുന്നത്. എന്നാല്‍ പതിനൊന്ന് വര്‍ഷത്തോളം ഒരുമിച്ച് ജീവിച്ചതിന് ശേഷം ഇരുവരും വേര്‍പിരിഞ്ഞു. ആ സമയത്ത് തനിക്ക് നാലര വയസേ ഉണ്ടായിരുന്നുള്ളുവെന്ന് അനുശ്രീ തന്നെ ഒരു അഭിമുഖത്തില്‍ പറഞ്ഞിരുന്നു.

തന്റെ എല്ലാ കാര്യത്തിനും അച്ഛന്‍ വരാറുണ്ടെന്നും. അവരെ ഒന്നിപ്പിക്കാന്‍ നോക്കിയിട്ട് നടന്നില്ലെന്നുമൊക്കെ നടി തന്നെയാണ് പറഞ്ഞത്. ഇത് സ്വന്തം ജീവിതത്തിലും പ്രാവര്‍ത്തികമാക്കണമെന്നാണ് അനുശ്രീയോട് എല്ലാവരും ആവശ്യപ്പെടുന്നത്.