മോഹൻലാലിന്റെ മഞ്ഞിൽ വിരിഞ്ഞ പൂക്കളിന് ശേഷം പുറത്തിറങ്ങിയ ഫാസിൽ ചിത്രങ്ങൾ പരാജയപ്പെട്ടു...

മോഹൻലാലിന് താരമൂല്യം കൂടിയെങ്കിലും ഫാസിലിന് ഒരു വിജയചിത്രം നൽകാൻ വർഷങ്ങൾ എടുത്തു. മഞ്ഞിൽ വിരിഞ്ഞ പൂക്കളിന്റെ വൻ വിജയത്തിന് ശേഷം ഫാസിൽ സംവിധാനം ചെയ്ത ചിത്രമായിരുന്നു ധന്യ.1981 റിലീസ് ചെയ്ത ചിത്രം പ്രതീക്ഷിച്ചത് പോലെ വലിയ വിജയം നേടാനായില്ല. ശ്രീവിദ്യ മോഹൻലാൽ, ജഗതി, നെടുമുടി വേണു തുടങ്ങിയവർ പ്രധാന വേഷത്തിലെത്തിയ ചിത്രം ബോക്സോഫീസിൽ വൻ പരാജയം ഏറ്റുവാങ്ങുകയായിരുന്നു. ഈ ചിത്രത്തിലൂടെയാണ് ബാലതാരമായ കുഞ്ചാക്കോ ബോബൻ സിനിമയിൽ എത്തുന്നത്.

ധന്യയുടെ പരാജയത്തിന് ശേഷം 1983 ൽ മറക്കില്ലൊരിക്കലും എന്ന ചിത്രം സംവിധാനം ചെയ്തു. ഈ ചിത്രവും വേണ്ടത് പോലെ വിജയം നേടിയിരുന്നില്ല. പ്രേംനസീർ, അംബിക, ശങ്കർ, പൂർണ്ണിമ ജയറാം, മമ്മൂട്ടി, സീമ, മോഹൻലാൽ, ജഗന്നാഥ വർമ്മ, കവിയൂർ പൊന്നമ്മ, ആലുംമൂടൻ തുടങ്ങിയവരായിരുന്നു ചിത്രത്തിൽ പ്രധാന വേഷത്തിലെത്തിയത്. അതേ വർഷം തന്നെ പുറത്തു വന്ന മറ്റൊരു ചിത്രം ഫാസിലിനെ പഴയ പ്രൗഢിയിലേയ്ക്ക് തിരികെ കൊണ്ട് വരുകയായിരുന്നു .

വലിയ പരാജയങ്ങൾക്ക് ശേഷം 1983 ൽ ഫാസിൽ സംവിധാനം ചെയ്ത ചിത്രമായിരുന്നു എന്റെ മാമാട്ടുക്കുട്ടിയമ്മയ്ക്ക്. ഭരത് ഗോപി,മോഹൻലാൽ, തിലകൻ, രാജൻ പി ദേവ്, ശാലിനി, ദിവ്യ ഉണ്ണി എന്നിവരായിരുന്നു ചിത്രത്തിൽ പ്രധാന വേഷത്തിലെത്തിയത്. ഈ ചിത്രം വൻ വിജയമായിരുന്നു. മഞ്ഞിൽ വിരിഞ്ഞ പൂക്കളിന് ശേഷം വൻ വിജയമായ ഫാസിൽ ചിത്രമായിരുന്നു . ബാലതാരമായിട്ടായിരുന്നു ശാലിനിയും ദിവ്യ ഉണ്ണിയും ചിത്രത്തിലെത്തിയത് ഈ ചിത്രത്തിലൂടെയാണ് ശാലിനി മലയാളി പ്രേക്ഷകരുടെ പ്രിയപ്പെട്ട ബേബി ശാലിനി ആയത്.

Recommended Video

സൂപ്പര്‍ താരങ്ങളെ കുറിച്ച് ഫാസില്‍ | FilmiBeat Malayalam

1983 ൽ തന്നെ തന്നെ ഫാസിൽ സംവിധാനം ചെയ്ത മമ്മൂട്ടി ചിത്രം പരാജയപ്പെടുകയായിരുന്നു. ഈറ്റില്ലം എന്നായിരുന്നു ചിത്രത്തിന്റ പേര്. മമ്മൂട്ടിക്കൊപ്പം നെടുമുടി വേണു,മേനക, ഭരത് ഗോപി, ജലജ എന്നിവരായിരുന്നു ചിത്രത്തിൽ പ്രധാന വേഷത്തിലെത്തിയ്. വിചാരിച്ചത് പോലെ വഈ ചിത്രവും വിജയിച്ചിരുന്നില്ല. പിന്നീട് പുറത്തു വന്ന നോക്കെത്താദൂരത്തു കണ്ണുംനട്ട് വലിയ വിജയം നേടിയിരുന്നു. നദിയ മൊയ്തു, പത്മിനി, മോഹൻലാൽ , തിലകൻ എന്നിവാരണ് ചിത്രത്തിൽ പ്രധാന വേഷത്തിലെത്തിയത്.യ