ആദിയുടെ വിജയത്തിനു പിന്നിൽ പ്രണവ് മാത്രമല്ല! മറ്റു ചിലതുമുണ്ട്.. അവ എന്താണെന്ന് അറിയാമോ?

ജിത്തു ജോസഫ്

ആദിയിലെ എടുത്തു പറയേണ്ട ഘടകം ജിത്തു ജോസഫ് തന്നെയാണ്. സംവിധായകൻ എന്ന നിലയിൽ ജിത്തു ജോസഫിന്റെ ഹിസ്റ്ററിയിൽ ഹിറ്റ് ചിത്രങ്ങൾ മാത്രമേയുള്ളു. മോഹൻ ലാലിനെ കേന്ദ്ര കഥപാത്രമാക്കിയുള്ള ദൃശ്യം, പൃഥ്വി രാജ് മൂവി മെമ്മറീസ്, പ്രേക്ഷകരെ ചിരിപ്പിച്ചു കൊന്ന ദീലീപ് ചിത്രം മൈ ബോസ് എന്നിവ ബോക്സ് ഓഫീസിൽ വൻ ഹിറ്റായിരുന്നു.

അച്ഛനും മകനും ഓരേ വില്ലൻ

പുലി മുരുകനിൽ ലാലേട്ടന്റെ പ്രതിനായകനായി എത്തിയ ഡാഡി ഗിരിജ എന്ന ജഗപതി ബാബുവാണ് ആദിയിലെ ഹൈലൈറ്റ്. അച്ഛനും മകനും പ്രതിനായകൻ ഒന്നു തന്നെയാണ്. ജഗപതി ബാബുവലിന്റെ പുലിമുരുകനു ശേഷമുള്ള രണ്ടാമത്തെ മലയാള ചിത്രമാണ് ആദി.

പ്രേമം ടീം

പ്രേമം എന്ന സിനിമ കൊണ്ട് പ്രേക്ഷരുടെ പ്രിയപ്പെട്ടവരായ താരങ്ങളാണ് കൃഷ്ണ ശങ്കർ, സിജു വിൻസൺ, ഷറഫുദ്ദീൻ . ഇവരും ആദിയിൽ എത്തുന്നുണ്ട്. സ്വഭാവിക കോമഡിയിലൂടെ പ്രേക്ഷകരെ കയ്യിലെടുക്കാൻ മിടുക്കരാണ്. ഇവർ മൂന്നു പേരും ചേർന്ന് ആദിയിൽ ചിരി വെടിക്കെട്ടിനുള്ള മരുന്നിട്ടിരിക്കുകയാണ്.

ഫ്രീ റണ്ണിങ്

ആദി സനിമയിൽ ഒരു പക്ഷെ പ്രേക്ഷകർ ഒരുപാട് കാത്തിരുന്നത് പ്രണവന്റെ ഫ്രീ റണ്ണിങ്ങാണ്. ചിത്രത്തിന്റെ ചിത്രീകരണം ആരംഭിക്കുന്നതിനു മുൻപ് തന്നെ ഇതിനു ആവശ്യമായ പരിശീലനങ്ങൾ പ്രണവ് നടത്തിയിരുന്നു. ഇത് മാധ്യമങ്ങളിലു മറ്റു വാർത്തയായിരുന്നു. പ്രണവിന്റെ പ്രകടനം ആദിയിലെ മറ്റൊരു ഹൈലൈറ്റാണ്.