ഭാര്യയായ ശ്രുതിയുടെ സന്തോഷത്തിന് കാരണം പറഞ്ഞ് ഫ്രാന്‍സിസ്; ആദ്യം വിശ്വസിക്കാന്‍ സാധിച്ചിരുന്നില്ലെന്നും താരം

എന്റെ ഭാര്യ ശ്രുതി രാമചന്ദ്രന്‍ മികച്ച ഡബ്ബിങ് ആര്‍ട്ടിസ്റ്റിനുള്ള 50-ാമത് കേരള സംസ്ഥാന ചലച്ചിത്ര പുരസ്‌കാര സ്വന്തമാക്കി. ഇത് വിശ്വസനീയമായ നേട്ടമാണ്. ശ്രുതിയൊരു ആര്‍ക്കിടെക്റ്റാണ്. എങ്കിലും അതിശയകരമായ കാര്യം അതൊന്നുമല്ല. അവള്‍ ബാഴ്‌സണലോണയിലെ പ്രശസ്തമായ ഐഎഎസി സ്‌കൂളില്‍ നിന്ന് മാസ്റ്റേഴ്‌സ് ഓഫ് സസ്റ്റെയിനബിള്‍ ഡിസൈനില്‍ ക്ലാസോട് കൂടെ ബിരുദം നേടി. അവളൊരു ഡബ്ബിങ് ആര്‍ട്ടിസ്റ്റല്ല, നടിയാണെന്നും ഫ്രാന്‍സിസ് പറയുന്നു.

കഴിഞ്ഞ വര്‍ഷം അവള്‍ അഭിനയിച്ച പ്രേതം എന്ന സിനിമയുടെ സംവിധായകന്‍ രഞ്ജിത്ത് ശങ്കര്‍ അവളെ ഒരു സഹായത്തിനായി വിളിച്ചു. അദ്ദേഹം എഡിറ്റിംഗ് പൂര്‍ത്തിയാക്കിയ പുതിയ ചിത്രം 'കമല'യാണ്, പക്ഷേ നായികയ്ക്ക് വേണ്ടി ഡബ്ബ് ചെയ്യാന്‍ കഴിയുന്ന ആരെയും കണ്ടെത്തനായില്ല. നായിക മലയാളം സംസാരിക്കാത്ത ാളാണ്. അദ്ദേഹം മിക്ക പ്രൊഫഷണല്‍ ഡബ്ബിങ് ആര്‍ട്ടിസ്റ്റുകളെ സമീപിച്ചു. കുറച്ച് അഭിനേതാക്കളെ പോലും കണ്ടു. പക്ഷേ അദ്ദേഹം തൃപ്തനായില്ല.

ശ്രുതി സ്റ്റുഡിയോയിലെത്തി ചില സംഭാഷണങ്ങള്‍ പറഞ്ഞ് കേള്‍പ്പിച്ചത് അദ്ദേഹത്തിന് ഇഷ്ടപ്പെട്ടു. വെറും രണ്ട് ദിവസത്തിനുള്ളില്‍ സിനിമയുടെ ഡബ്ബിങ് മുഴുവനും അവള്‍ പൂര്‍ത്തിയാക്കി. പിന്നെ ആ കാര്യമെല്ലാം മറന്നിരിക്കുകയായിരുന്നുവെന്നും ഫ്രാന്‍സിസ് പറയുന്നു. പുരസ്‌കാരം കിട്ടിയെന്ന് അറിഞ്ഞപ്പോള്‍ ശ്രുതിയ്ക്ക് ആദ്യം വിശ്വസിക്കാന്‍ പറ്റിയില്ല. ഏകദേശം ഒരു വര്‍ഷത്തിന് ശേഷം ഒരു ഉച്ചകഴിഞ്ഞ് അവളുടെ ഫോണ്‍ റിങ് ചെയ്യാന്‍ തുടങ്ങി.

Recommended Video

Actress Athmeeya reception video

അവളെ അഭിനന്ദിക്കാന്‍ എല്ലായിടത്ത് നിന്നും ആളുകള്‍ വിളിക്കുന്നു. സംസ്ഥാന അവാര്‍ഡ് വിഡയികളെ പ്രഖ്യാപിച്ചു. അവളുടെ പേര് പട്ടികയിലുണ്ട്. അവള്‍ ആശയക്കുഴപ്പത്തിലായി. ഇത് ഒരു തമാശയാണെന്ന് കരുതി ആദ്യം ആളുകളുടെ കോള്‍ കട്ട് ചെയ്തു. അപ്പോള്‍ അവളുടെ മുത്തശ്ശിയും വിളിച്ചു. സംവിധായകന്‍ അവളെ പുരസ്‌കാരത്തിന് വേണ്ടി നാമനിര്‍ദ്ദേശം ചെയ്തിരുന്നത് അവള്‍ അറിഞ്ഞില്ല. ഒടുവില്‍ അവള്‍ വിജയിക്കുകയും ചെയ്തുവെന്നും ഫ്രാന്‍സിസ് സൂചിപ്പിക്കുന്നു.