Don't Miss!
- Automobiles പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- Lifestyle ഭാര്യയില് ഈ അഞ്ച് സ്വഭാവമുണ്ടോ? ദാമ്പത്യം പകുതിയില് അവസാനിക്കും
- News പിണറായിയെ ഇഡി അറസ്റ്റ് ചെയ്താല് ആദ്യം പ്രതിഷേധം നടത്തുക രാഹുല് ഗാന്ധി: കെ സുരേന്ദ്രന്
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Sports IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മെഗാസ്റ്റാറിന്റെ സിനിമ മാത്രമല്ല പാട്ടും ഗംഭീരം, 2020 ൽ പ്രേക്ഷകർ ആഘോഷമാക്കിയ ഗാനങ്ങൾ...
കൊവിഡ് പ്രതിസന്ധി ഏറ്റവും കൂടുതൽ ബാധിച്ച ഒരു മേഖലയായിരുന്നു സിനിമ. വിരലിൽ എണ്ണാവുന്ന ചിത്രങ്ങൾ മാത്രമാണ് ഈ വർഷം തിയേറ്ററുകളിൽ എത്തിയത്. ഇവയ്ക്കൊന്നും മികച്ച രീതിയിൽ ഓടാനും കഴിഞ്ഞിരുന്നില്ല. ഏറെ പ്രതീക്ഷയോടെയായിരുന്നു ഈ ചിത്രങ്ങൾ തിയേറ്ററുകളിൽ എത്തിയത്. 2019ൽ മികച്ച ഒരുപിടി ചിത്രങ്ങളായിരുന്നു തിയേറ്ററുകളിൽ എത്തിയത്. അതിനാൽ തന്നെ 2020 ലും ഇത് പ്രതീക്ഷിച്ചിരുന്നു. എന്നാൽ ബിഗ് ബജറ്റ് ചിത്രങ്ങൾ പ്രഖ്യാപിച്ചിരുന്നുവെങ്കിലും തിയേറ്ററുകൾ കാണാതെ പോകുകയായിരുന്നു.
ഒ.ടിടി റിലീസുകൾ കൊവിഡ് കാലത്ത് സിനിമ പ്രേമികൾക്ക് അൽപം ആശ്വാസം ആയിരുന്നു. തിയേറ്ററുകളിൽ ഓടാൻ കഴിയാതിരുന്ന ചിത്രങ്ങൾ ഓടിടി റിലീസായി എത്തുകയായിരുന്നു. ഇവയ്ക്കെല്ലാം മികച്ച പ്രേക്ഷക സ്വീകാര്യത ലഭിക്കുകയും ചെയ്തിരുന്നു. സിനിമകൾ പോലെ തന്നെ മികച്ച ഗാനങ്ങളായിരുന്നു ഈ വർഷം പുറത്തിറങ്ങിയത്. മലയാളി പ്രേക്ഷകർ ഏറ്റവും കൂടുതൽ പാടി നടന്ന പാട്ടുകൾ ഇവയാണ്.
2020 ന്റെ തുടക്കത്തിൽ പുറത്തിറങ്ങിയ മെഗാസ്റ്റാർ ചിത്രമാണ് ഷൈലോക്ക്. അജയ് വാസുദേവ് സംവിധാനം ചെയ്ത ചിത്രം തിയേറ്ററുകളിൽ വൻ വിജയം നേടുകയായിരുന്നു. കൊവിഡ് കാലത്തിന് മുൻപായിരുന്നത് കൊണ്ട് തന്നെ തിയേറ്ററുകളിൽ വലിയ കാഴ്ചക്കാരെ നേടാൻ ചിത്രത്തിന് കഴിഞ്ഞിരുന്നു. മെഗാസ്റ്റാർ മമ്മൂട്ടിയുടെ ഒരു പക്കാ എന്റര്ടെയിനറായിരുന്നു ഷൈലോക്ക്. സിനിമ പോലെ തന്നെ ചിത്രത്തിലെ ഗാനങ്ങളും ഏറെ ശ്രദ്ധിക്കപ്പെട്ടിരുന്നു. കണ്ണേ കണ്ണേ വീസാതെ എന്നു തുടങ്ങുന്ന ഗാനം യൂട്യൂബിൽ ട്രെന്റിങ്ങായിരുന്നു. ഗോപി സുന്ദര് സംഗീതം നല്കിയ ഗാനം സീ കേരളം സംഗീത റിയാലിറ്റി ഷോയിലെ മത്സരാർഥികളായിരുന്ന ശ്വേത അശോക്, നാരായണി ഗോപന്, നന്ദ ജെ ദേവന് തുടങ്ങിയവര് ചേര്ന്നാണ് ആലപിച്ചത്.
2020 ൽ പുറത്തിറങ്ങിയ മികച്ചചിത്രങ്ങളിലൊന്നായിരുന്നു സച്ചി സംവിധാനം ചെയ്ത അയ്യപ്പനും കോശിയും. 2020 ഫെബ്രുവരി 7ന് തിയേറ്ററുകളിൽ എത്തിയ ചിത്രം മികച്ച വിജയം നേടുകയായിരുന്നു. ആക്ഷൻ രംഗങ്ങളും പഞ്ച് ഡയലോഗുകളും കൊണ്ട് സമ്പുഷ്ടമായിരുന്നു ചിത്രം. പൃഥ്വിരാജും ബിജു മേനോനും പ്രധാന വേഷത്തിലെത്തിയ ചിത്രത്തിലെ 'കളകാത്ത സന്ദനമേറി'... എന്ന് തുടങ്ങുന്ന ഗാനം പ്രേക്ഷകരുടെ ഇടയിൽ ഏറെ ശ്രദ്ധിക്കപ്പെട്ടിരുന്നു. അട്ടപ്പാടിയുടെ സ്വന്തം നഞ്ചിയമ്മ പാടിയ ഗാനം മലയാളി പ്രേക്ഷകർ കൂടെ പാടുകയായിരുന്നു.ജേക്സ് ബിജോയ് ആണ് ചിത്രത്തിന്റെ സംഗീത സംവിധാനം നിര്വ്വഹിച്ചത്.
തിയേറ്ററുകളിൽ മികച്ച രീതിയിൽ ഓടാൻ സാധിക്കാതെ പോയ ചിത്രമായിരുന്നു കപ്പേള.ദേശീയപുരസ്ക്കാര ജേതാവായ മുഹമ്മദ് മുസ്തഫയുടെ ആദ്യ സംവിധാന സംരംഭമായിരുന്നു ഇത്.നാട്ടിന്പുറത്തെ ഒരു പ്രണയകഥയില് തുടങ്ങി പിന്നീട് അപ്രതീക്ഷിതമായ സംഭവങ്ങളിലൂടെയാണ് ചിത്രം സഞ്ചരിച്ചത്. കപ്പേള സിനിമ പോലെ തന്നെ ചിത്രത്തിലെ സിത്താര പാടിയ കടുകുമണിക്കൊരു കണ്ണുണ്ട് എന്നു തുടങ്ങുന്ന ഗാനവും പ്രേക്ഷകരുടെ ഇടയിൽ ചർച്ചയായിരുന്നു. സുഷിന് ശ്യാമായിരുന്നു സംഗീതം.
ഒടിടി ഫ്ലാറ്റ് ഫോമില് റിലീസ് ചെയ്ത ആദ്യ മലയാള ചിത്രമായിരുന്നു സൂഫിയും സുജാതയും. നരണിപ്പുഴ ഷാനവാസ് സംവിധാനം ചെയ്ത ചിത്രത്തില് ജയസൂര്യ ബോളിവുഡ് താരം അദിതി റാവു ഹൈദരിയാണ് നായികയായി എത്തിയത്. ഒരു മനോഹരമായ പ്രണയകാവ്യമായിരുന്നു
സൂഫിയും സുജാതയും. ചിത്രത്തിലെ ഗാനങ്ങളും ഏറെ ശ്രദ്ധിക്കപ്പെട്ടിരുന്നു. ബി കെ ഹരിനാരായണന് എഴുതി എം ജയചന്ദ്രന് ഈണം നല്കിയ ചിത്രത്തിലെ വാതിക്കല് വെള്ളരിപ്രാവ്... എന്ന ഗാനം 2020ലെ സൂപ്പര്ഹിറ്റ് ഗാനങ്ങളിലൊന്നാണ്. നിത്യ മമ്മന്, അര്ജ്ജുന് കൃഷ്ണ എന്നിവര് ചേര്ന്നാണ് ഗാനം ആലപിച്ചിരിക്കുന്നത്.
-
ഒരുമിച്ച് ആ കഥാപാത്രം ചെയ്യാന് അന്ന് രജിനികാന്ത് സമ്മതിച്ചില്ല; പിണങ്ങി പോയി മീന
-
ഗര്ഭിണിയാണെന്ന് പറഞ്ഞ് പറ്റിക്കുവാണോ? ദീപിക പദുക്കോണിന്റെ വയര് കാണുന്നില്ലെന്ന് ആരോപണം! ഫോട്ടോ വൈറൽ
-
ഭര്ത്താവിനോട് ആ കാര്യത്തില് പരാതിയുണ്ട്; ആദ്യം കാണുമ്പോള് എനിക്ക് ആരാണെന്ന് അറിയില്ലായിരുന്നു: പരിണീതി