മോഹൻലാൽ, സാനിയ ഇയ്യപ്പൻ, മാളവിക മോഹനൻ, 2020 ൽ വസ്ത്രധാരണത്തിലൂടെ ശ്രദ്ധിക്കപ്പെട്ടവർ ഇവരാണ്

മോഹൻലാൽ

മലയാളത്തിൽ മാത്രമല്ല തെന്നിന്ത്യൻ സിനിമാ ലോകത്തും കൈനിറയെ ആരാധകരുള്ള താരമാണ് മോഹൻലാൽ. സിനിമയിൽ മികച്ച പ്രകടനം കാഴ്ചവെയ്ക്കുന്ന താരത്തിന്റെ വസ്ത്രധാരണവും പ്രേക്ഷകരുടെ ഇടയിൽ ചർച്ചയാകാറുണ്ട്. 2020ൽ പ്രേക്ഷകരുടെ മുന്നിൽ പ്രത്യക്ഷപ്പെപ്പെട്ട ലാലേട്ടന്റെ ലുക്ക് ഏറെ ശ്രദ്ധിക്കപ്പെട്ടിരുന്നു. സിമ്പിൾ കളർ ഫുൾലുക്കിലാണ് മോഹൻലാൽ അധികവും പ്രത്യക്ഷപ്പെടുന്നത്. താരത്തിന്റെ വസ്ത്രധാരണത്തെ കുറിച്ച് മികച്ച അഭിപ്രായമാണ് സഹപ്രവർത്തകരുടെ നിന്ന് ലഭിക്കുന്നത്.

മാളവിക മോഹനൻ

ദുൽഖറിന്റെ നായികയായി വെള്ളിത്തിരയിൽ എത്തിയ മാളിവിക മോഹനൻ. 2013ൽ പുറത്തിറങ്ങിയ പട്ടം പോലെ എന്ന ചിത്രത്തിലൂടെയാണ് മാളവിക വെള്ളിത്തിരയിൽ എത്തിയത്. പിന്നീട് തെന്നിന്ത്യൻ സിനിമാ ലോകത്ത് സജീവമാകുകയായിരുന്നു. മാളവിക മോഹനന്റെ പേര് ഫാഷൻ കോളങ്ങളിൽ ചർച്ച വിഷയമാണ്. 2020 ൽ മാളവിക മോഹനന്റെ ഫാഷൻ ലുക്ക് വളരെ അധികം ശ്രദ്ധിക്കപ്പെട്ടിരുന്നു.നടിയുടെ ഗെറ്റപ്പ് വളരെയധികം ചർച്ചയായിരുന്നു.

സാനിയ ഇയ്യപ്പൻ

മോളിവുഡിന്റെ ഫാഷൻ ഐക്കൺ ആണ് സാനിയ ഇയ്യപ്പൻ. നടിയുടെ ലുക്ക് ഫാഷൻ കോളങ്ങളിൽ വലിയ ചർച്ച വിഷയമാണ്. 2020ൽ പുറത്തു വന്ന നടിയുടെ സാരി ലുക്ക് ഏറെ ചർച്ചയായിരുന്നു. കൂടാതെ സാനിയയുടെ മറ്റ് ഗ്ലാമറസ് ഗെറ്റപ്പും പ്രേക്ഷകരുടെ ഇടയിൽ തരംഗം സൃഷ്ടിച്ചിരുന്നു. വസ്ത്രധാരണത്തിന്റെ പേരിൽ വിമർശനങ്ങൾ നടിയെ തേടിയെത്താറുണ്ടെങ്കിലും ഇതൊന്നും സാനിയ പരിഗണിക്കാറില്ല. മികച്ച വസത്രങ്ങൾ ധരിക്കാൻ തനിക്ക് ഇഷ്ടമാണെന്ന് നടി തന്നെ പല അബിമുഖത്തിലും പറഞ്ഞിട്ടുണ്ട്.

അന്ന ബെൻ

യുവതാരങ്ങളിൽ പ്രധാനിയാണ് നടി അന്ന ബെൻ. വിരലിൽ എണ്ണാവുന്ന ചത്രങ്ങളിൽ മാത്രമാണ് നടി പ്രത്യക്ഷപ്പെട്ടതെങ്കിലും ഇവയെല്ലാം ഏറെ ശ്രദ്ധിക്കപ്പെടുകയും ചെയ്തിരുന്നു. നടിയുടെ കഥാപാത്രങ്ങൾ പോലെ അന്നയുടെ ഫാഷൻ ലുക്കും പ്രേക്ഷകരുടെ ഇടയിൽ ചർച്ചയാണ്. ഈ വർഷം മലയാളി പ്രേക്ഷകരുടെ ഇടയിൽ നടിയുടെ ഗെറ്റപ്പ് ഏറെ ചർച്ച ചെയ്യപ്പെട്ടിരുന്നു. എല്ലാത്തരം വസ്ത്രങ്ങളും നടിക്ക് ഇണങ്ങുമെന്നാണ് ആരാധകർ പറയുന്നത്.