ഇത് മണിച്ചേട്ടനുള്ള സമ്മാനം!!കലാഭവൻ മണിയുമായുള്ള അടുത്ത ബന്ധം വെളിപ്പെടുത്തി ഹനാൻ..

കലാഭവൻ മണിയ്ക്കൊരു സമ്മാനം

കലഭവൻ മണി വിട്ട് പിരിഞ്ഞ് വർഷങ്ങൾക്ക് ശേഷം അദ്ദേഹത്തിനായി ഒരു പാട്ട ഒരുക്കിയിരിക്കുകയാണ് ഈ കൊച്ചു മിടുക്കി. മണിച്ചേട്ടന്റെ ചിത കത്തി എരിയുന്നത് കണ്ടിട്ടാണ് താൻ ഗാന എഴുതിയത് ആ പാട്ട് മണിച്ചേട്ടൻ മരിച്ച വർഷം തന്നെ ചെയ്യണമെന്നുണ്ടായിരുന്നു. എന്നാൽ അത് ചെയ്യാനുളള സാഹചര്യം അന്ന് തനിയ്ക്ക് ഇല്ലായിരുന്നെന്നും ഹനാൻ പറ‍ഞ്ഞു.

മണിച്ചേട്ടന്റെ ശബ്ദത്തിലൽ

ആ പാട്ട് എഴുതുമ്പോൾ മണിച്ചേട്ടൻ തനിയ്ക്ക് പാടി തരുന്നതു പോലെയായിരുന്നു തോന്നിയത്. മണിച്ചേട്ടന്റെ ശബ്ദത്തിൽ ആ പാട്ട് കേൾക്കണമെന്ന് തനിയ്ക്ക് തന്നെ ആഗ്രഹമുണ്ടായിരുന്നു. അത് കൃത്യമായി രഞ്ജുചേട്ടൻ പാടി തരുകയും ചെയ്തു. പിന്നെ ആ വീഡിയോയിൽ കുഞ്ഞാവേ, കുഞ്ഞാവ മാമുണ്ടോ എന്നു ചോദിക്കുന്ന ഡയലോഗുകൾ ഉണ്ടായിരുന്നു. സ്റ്റുഡിയോയിൽ രഞ്ജു ചേട്ടൻ അത് പാടുമ്പോൾ മണിച്ചേട്ടൻ ഇറങ്ങി വന്നതു പോലെയായിരുന്നു താനിയ്ക്ക് തോന്നിയതെന്നും ഹനാൻ പറഞ്ഞു.

മണിച്ചേട്ടന്റെ മോളേ പോലെ

കലാഭവൻ മണിയുടെ രണ്ടാം ചരമദിന പരിപാടിയിൽ താൻ ഈ ഗാനം ആലപിച്ചിരുന്നു. അന്ന് ഐഎം വിജയനാണ് തന്നെ പാടാൻ സഹായിച്ചത്. മണിച്ചേട്ടന്റെ മോളെപോലുളള കുട്ടി എന്ന പറഞ്ഞു കൊണ്ടായിരുന്നു സദസിൽ വിജയൻ ചേട്ടൻ തന്നെ പരിചയപ്പെടുത്തിയത്. അന്നാണ് ആദ്യമായി ആ ഗാനം ആലപിച്ചതെന്നും ഹനാൻ പറഞ്ഞു.

മണിച്ചേട്ടന്റെ കുഞ്ഞാറ്റ

മണിച്ചേട്ടന്റെ കുഞ്ഞാറ്റ എന്ന് പേര് നൽകിയിരിക്കുന്ന ആൽബത്തിന്റെ രചനയും സംഗീതവും നിർവഹിച്ചിരിക്കുന്നത് ഹനാൻ തന്നെയാണ്. രഞ്ജു ഹനാനും ചേർന്നാണ് പാട്ട് പാടിയിരിക്കുന്നത്. ഹൃദയസ്പർശിയായ ചില രംഗങ്ങൾ ചേർത്താണ് ആൽബം തയ്യാറാക്കിയിരിക്കുന്നത്.