സുപ്രിയ പൃഥ്വിയുടേതായിട്ട് 8 വര്‍ഷം! ഇത്തവണത്തെ ആഘോഷം കിടുക്കുമെന്ന് ആരാധകര്‍! കാണൂ!

8ാമത്തെ വര്‍ഷത്തിലേക്ക്

8 വര്‍ഷം മുന്‍പൊരു ഏപ്രില്‍ 25നായിരുന്നു പൃഥ്വിരാജ് സുപ്രിയയെ ജീവിതസഖിയാക്കിയത്. സിനിമയിലെത്തി അധികം കഴിയുന്നതിനിടയില്‍ത്തന്നെ ഗോസിപ്പ് കോളങ്ങളില്‍ നിറഞ്ഞുനിന്നിരുന്നു അദ്ദേഹം. ആരെയായിരിക്കും വിവാഹം ചെയ്യുന്നതെന്ന തരത്തിലുള്ള ചര്‍ച്ചകളായിരുന്നു അരങ്ങേറിയത്. കാവ്യ മാധവന്‍, നവ്യ നായര്‍, മീര ജാസ്മിന്‍ തുടങ്ങിയ നായികമാരുമായി ചേര്‍ത്ത് അദ്ദേഹത്തിന്‍രെ പേരുകള്‍ പ്രചരിച്ചിരുന്നു. തനിക്കിണങ്ങിയ ഒരു പെണ്‍കുട്ടി എത്തിയാല്‍ വിവാഹത്തെക്കുറിച്ച് അറിയിക്കാമെന്നായിരുന്നു പൃഥ്വി പറഞ്ഞത്.

ശക്തമായ പിന്തുണ

വിവാഹത്തിന് ശേഷം ഭര്‍ത്താവിന്‍രെയും കുടുംബത്തിന്റേയും കാര്യങ്ങളുമായി തിരക്കിലായിരുന്നു സുപ്രിയ. പൃഥ്വിയുടെ സിനിമാജീവിതത്തിനും ശക്തമായ പിന്തുണയാണ് സുപ്രിയ നല്‍കിക്കൊണ്ടിരിക്കുന്നത്. മാതൃകാ താരദമ്പതികളായാണ് പലപ്പോഴും ഇവരെ വിശേഷിപ്പിക്കാറുള്ളത്. പങ്കെടുക്കുന്ന പരിപാടികളിലെല്ലാം പൃഥ്വിക്കൊപ്പം സുപ്രിയയും എത്താറുണ്ട്. സുപ്രിയയെക്കുറിച്ച് തുടക്കത്തില്‍ ആശങ്കയുണ്ടായിരുന്നുവെന്നും അധികം വൈകാതെ അത് മാറിയെന്നും മല്ലിക സുകുമാരന്‍ വ്യക്തമാക്കിയിരുന്നു.

മകളുടെ വരവ്

2014 ലാണ് പൃഥ്വിക്കും സുപ്രിയയ്ക്കുമിടയിലേക്ക് കുഞ്ഞതിഥി എത്തിയത്. അലംകൃതയെന്ന അല്ലിയാണ് ഇപ്പോള്‍ ഈ കുടുംബത്തിലെ താരം. മകള്‍ ജനിച്ച സന്തോഷം പങ്കുവെച്ച് പൃഥ്വിയെത്തിയിരുന്നു. വികൃതിക്കാരിയാണ് അവളെന്നും അവള്‍ ആരാവരുത് എന്ന കാര്യത്തെക്കുറിച്ച് മാത്രമേ താന്‍ ചിന്തിക്കുന്നുള്ളൂവെന്നും താരം പറഞ്ഞിരുന്നു. പിറന്നാള്‍ ദിനത്തിലായിരുന്നു മകളുടെ ആദ്യചിത്രം പൃഥ്വി പങ്കുവെച്ചത്.

അലംകൃതയും താരമായി മാറി

അല്ലിയാണ് ഇപ്പോള്‍ താരം. പാത്തൂട്ടിക്കും നച്ചുവിനും പിന്നാലെയായെത്തിയ അല്ലിയാണ് ഇപ്പോള്‍ കുടുംബത്തിലെ താരമെന്നും അവളാണ് ഇപ്പോള്‍ തന്‍രെ കൂട്ടെന്നും മല്ലിക സുകുമാരന്‍ പറഞ്ഞിരുന്നു. അല്ലിയുടെ വിശേഷങ്ങള്‍ പങ്കുവെച്ച് പൃഥ്വിരാജും സുപ്രിയയും എത്താറുണ്ട്. മുഖം വ്യക്തമാക്കാത്ത തരത്തിലുള്ള ചിത്രങ്ങളാണ് ഇരുവരും പോസ്റ്റ് ചെയ്യാറുള്ളത്. എങ്ങനെ ഇത് സാധിക്കുന്നുവെന്ന് ചോദിച്ച് ആരാധകരെത്തിയിരുന്നു.

സോഷ്യല്‍ മീഡിയയില്‍ സജീവം

സോഷ്യല്‍ മീഡിയയില്‍ സജീവമായ ഇടപെടലുകള്‍ നടത്തുന്നവരാണ് പൃഥ്വിരാജും സുപ്രിയയും. ഡയറക്ടര്‍ സാറിനെ കാണാന്‍ കിട്ടുന്നില്ലെന്നും മകളേയും കൂട്ടി ലൊക്കേഷനിലേക്ക് പോവുകയാണ് ഇപ്പോഴത്തെ ഡ്യൂട്ടിയെന്നും സുപ്രിയ പറഞ്ഞിരുന്നു. ഇനിയും വീട്ടിലേക്ക് തിരികയെത്തിയില്ലെങ്കില്‍ മകള്‍ക്കൊപ്പം താനും മുംബൈയിലേക്ക് പോവുമെന്ന് ഭീഷണിപ്പെടുത്തിയും സുപ്രിയ എത്തിയിരുന്നു.

നിര്‍മ്മാണ പങ്കാളിയായി

ഭാവിയില്‍ സിനിമാകമ്പനി തുടങ്ങാനുള്ള പദ്ധതിയെക്കുറിച്ചും പൃഥ്വിരാജ് വ്യക്തമാക്കിയിരുന്നു. ഓഗസ്റ്റ് സിനിമാസില്‍ നിന്നും പിന്‍വാങ്ങുന്നതിനിടയിലായിരുന്നു ഇക്കാര്യത്തെക്കുറിച്ച് അദ്ദേഹം വ്യക്തമാക്കിയത്. ഒന്നര വര്‍ഷത്തെ പ്രയ്തനത്തിനൊടുവിലായിരുന്നു പൃഥ്വിരാജ് പ്രൊഡക്ഷന്‍സ് പിറവിയെടുത്തത്. നിര്‍മ്മാണ പങ്കാളിയായി സുപ്രിയയും ഒപ്പമുണ്ടായിരുന്നു. ജെനൂസ് മുഹമ്മദ് ച്ിത്രമായ നയനായിരുന്നു ഈ ബാനറില്‍ നിന്നും പുറത്തിറങ്ങിയ ആദ്യ സിനിമ.

ലൂസിഫര്‍ സന്തോഷത്തില്‍

ഇത്തവണത്തെ വിവാഹവാര്‍ഷികത്തിന് മാറ്റ് കൂടുതലാണെന്നാണ് ആരാധകരും പറയുന്നത്. നീണ്ട നാളത്തെ കാത്തിരിപ്പിനൊടുവില്‍ സംവിധാനമെന്ന മോഹവും സാക്ഷാത്ക്കരിച്ച പൃഥ്വിക്ക് നിറഞ്ഞ കൈയ്യടിയാണ് ലഭിച്ചുകൊണ്ടിരിക്കുന്നത്. ബോക്‌സോഫീസിലെ സകലമാന റെക്കോര്‍ഡുകളും സ്വന്തം പേരിലേക്ക് മാറ്റിയാണ് ലൂസിഫര്‍ കുതിക്കുന്നത്. സിനിമയ്ക്ക് രണ്ടാം ഭാഗമൊരുങ്ങുമോയെന്ന തരത്തിലുള്ള ചര്‍ച്ചകളും സജീവമായി നടക്കുന്നുണ്ട്.

ആശംസാപ്രവാഹമാണ്

സോഷ്യല്‍ മീഡിയയിലൂടെ നിരവധി പേരാണ് പൃഥ്വിക്കും സുപ്രിയയ്ക്കും ആശംസ നേര്‍ന്ന് രംഗത്തെത്തിയിട്ടുള്ളത്. ലൂസിഫര്‍ പൂര്‍ത്തിയാക്കിയതിന് പിന്നാലെയായി വിദേശത്തേക്ക് പോയ ഇരുവരും തിരിച്ചെത്തിയത് അടുത്തിടെയായിരുന്നു തിരിച്ചെത്തിയത്. കലാഭവന്‍ ഷാജോണ്‍ സംവിദാനം ചെയ്യുന്ന ബ്രദേഴ്‌സ് ഡേയിലാണ് പൃഥ്വി അഭിനയിച്ചുകൊണ്ടിരിക്കുന്നത്.

ഇത്തവണത്തെ ആഘോഷം

ഇത്തവണത്തെ ആഘോഷം എവിടെ വെച്ചാണെന്നും ചിത്രങ്ങളൊന്നും പുറത്തുവന്നില്ലല്ലോയെന്ന ചോദ്യവുമൊക്കെയായി ആരാധകരും രംഗത്തെത്തിയിട്ടുണ്ട്. നിമിഷനേരം കൊണ്ടാണ് ഇവരുടെ ചിത്രങ്ങള്‍ വൈറലായി മാറുന്നത്. ലൂസിഫറിന്റെ രണ്ടാം ഭാഗത്തെക്കുറിച്ച് പ്രഖ്യാപിച്ചൂടേയെന്ന ചോദ്യവുമായി ആരാധകര്‍ എത്തിയിട്ടുണ്ട്.