ഹര്‍ദ്ദിക്ക് പാണ്ഡ്യ മുതല്‍ ശില്‍പ്പ ഷെട്ടി വരെ, ഈ വര്‍ഷം കുഞ്ഞുണ്ടായ ബോളിവുഡ് സെലിബ്രിറ്റികള്‍

ബോളിവുഡ് താരം റസ്ലാന്‍ മുംതാസിന് കുഞ്ഞ് ജനിച്ചത് ഈ വര്‍ഷമാണ്. 2014ലാണ് നിരാലി മേഹ്തയുമായുളള നടന്റെ വിവാഹം കഴിഞ്ഞത്. തുടര്‍ന്ന് ആറ് വര്‍ഷത്തിന് ശേഷമാണ് ഇവരുടെ ജീവിതത്തിലേക്ക് ആദ്യത്തെ കണ്‍മണി എത്തിയത്. റയാന്‍ എന്നാണ് മകന് ദമ്പതികള്‍ പേരിട്ടത്. കുഞ്ഞിനൊപ്പമുളള ചിത്രങ്ങള്‍ മുന്‍പ് റസ്ലാന്‍ പങ്കുവെച്ചിരുന്നു.

ഏറെ നാളത്തെ കാത്തിരിപ്പിനൊടുവിലാണ് നടി ശില്‍പ്പ ഷെട്ടിക്കും ഭര്‍ത്താവ് രാജ് കുന്ദ്രയ്ക്കും രണ്ടാമത്തെ കുഞ്ഞുണ്ടായത്. വാടക ഗര്‍ഭപാത്രത്തിലൂടെയായിരുന്നു താരപുത്രിയുടെ ജനനം. മകള്‍ക്ക് ഷമീഷ ഷെട്ടി കുന്ദ്ര എന്നാണ് ശില്‍പ്പ ഷെട്ടി പേരിട്ടത്. കുഞ്ഞിനൊപ്പമുളള ചിത്രങ്ങള്‍ മുന്‍ ശില്‍പ്പ സോഷ്യല്‍ മീഡിയയില്‍ പങ്കുവെച്ചിരുന്നു.

ഈ വര്‍ഷം ജുലായിലാണ് ക്രിക്കറ്റ് താരം ഹര്‍ദ്ദിക്ക് പാണ്ഡ്യയ്ക്കും ഭാര്യയും നടിയുമായ നടാഷ സ്റ്റാന്‍കോവികിനും കുഞ്ഞ് പിറന്നത്. അഗസ്ത്യ എന്നാണ് ആദ്യത്തെ കണ്‍മണിക്ക് ഹര്‍ദ്ദിക്ക് പേരിട്ടത്. മകന്‌റെ ചിത്രം പങ്കുവെച്ച് ഹര്‍ദ്ദിക്ക് തന്നെയായിരുന്നു സോഷ്യല്‍ മീഡിയയിലൂടെ സന്തോഷം പങ്കുവെച്ചത്. അഗസ്ത്യയുടെ ചിത്രങ്ങളെല്ലാം സോഷ്യല്‍ മീഡിയയില്‍ വൈറലാകാറുണ്ട്.

ബോളിവുഡ് താരം കല്‍ക്കി കൊച്ച്‌ലിനും കാമുകന്‍ ഹെര്‍ഷ്‌ബെര്‍ഗിനും പെണ്‍കുഞ്ഞാണ് ഉണ്ടായത്. ഇക്കഴിഞ്ഞ ഫെബ്രുവരിയിലായിരുന്നു താരപുത്രിയുടെ ജനനം. സാഫോ എന്നാണ് മകള്‍ക്ക് കല്‍ക്കി പേരിട്ടത്. യെ ജവാനി ഹേ ദിവാനി പോലുളള സിനിമകളിലൂടെ ബോളിവുഡില്‍ ശ്രദ്ധേയയായ താരമാണ് കല്‍ക്കി കൊച്ച്‌ലിന്‍.

ബോളിവുഡ് നടി ലിസ ഹെയ്ഡനും ഭര്‍ത്താവ് ഡിനോ ലാല്‍വാനിക്കും രണ്ടാമത്തെ കുഞ്ഞ് പിറന്നത് ഈ വര്‍ഷം ഫെബ്രുവരിയിലാണ്. മകന് ലിയോ എന്നാണ് ഇരുവരും പേരിട്ടത്. ആദ്യത്തെ കുഞ്ഞിന് സാക്ക് എന്നാണ് ഇരുവരും പേരിട്ടിരുന്നത്. അടുത്തിടെയാണ് നടിയും ഭര്‍ത്താവും തങ്ങളുടെ അഞ്ചാം വിവാഹ വാര്‍ഷികം ആഘോഷിച്ചത്.