നിരവധി അവസരങ്ങൾ തേടി എത്തി, സ്വീകരിച്ചില്ല, കാവ്യ അധികം അന്യഭാഷ ചിത്രങ്ങൾ ചെയ്യാത്തത് ഇതുകൊണ്ട്

മഞ്ജു വാര്യർക്ക് ശേഷം മലയാളി പ്രേക്ഷകർ നെഞ്ചിലേറ്റിരുന്ന താരമായിരുന്നു കാവ്യ. മലയാളത്തിൽ മികച്ച അഭിനേത്രിയായി തിളങ്ങിയ താരം അന്യഭാഷ ചിത്രങ്ങളിൽ അധികം അഭിനയിച്ചിരുന്നില്ല. മേളിവുഡ് താരങ്ങൾക്ക് മികച്ച സ്വീകാര്യതയാണ് അന്യഭാഷ സിനിമകളിൽ നിന്ന് ലഭിക്കുന്നത്. പല പ്രമുഖ നടിമാരും മലയാളം വിട്ട് അന്യഭാഷ ചിത്രങ്ങളിലേയ്ക്ക് ചേക്കേറാറുണ്ട്. എന്നാൽ കാവ്യ സജീവമായിരുന്നില്ല. നിരവധി ഓഫറുകൾ തേടി എത്തി എന്നും എന്നാൽ ഓഫറുകൾ സ്വീകരിച്ചില്ലെന്നും കാവ്യ പറയുന്നു.

കംഫര്‍ട്ട് അല്ലാത്തത് കൊണ്ടാണ് സിനിമ ചെയ്യാതിരുന്നത്. നടിയുടെ വാക്കുകൾ ഇങ്ങനെ....''അന്യഭാഷയില്‍ നിന്നും നിരവധി അവസരങ്ങള്‍ ലഭിച്ചിട്ടുണ്ടെങ്കിലും അത്ര കംഫര്‍ട്ടല്ല അക്കാര്യത്തില്‍. മലയാളത്തില്‍ എല്ലാം എനിക്ക് പരിചയമാണ്. അറിയാവുന്നവര്‍ക്കൊപ്പം പ്രവര്‍ത്തിക്കാനാണ് ഇഷ്ടം. ഭാഷയും ആളുകളേയുമൊന്നും അറിയാതെ പോയി അഭിനയിക്കാന്‍ താല്‍പര്യമില്ല. കുറേ ആളുകള്‍ക്കിടയില്‍ ആരേയും അറിയാതെ നില്‍ക്കുന്നത് താല്‍പര്യമില്ലെന്നും'' കാവ്യ പറയുന്നു.

കൂടാത കഥ പോലും അറിയാതെ സിനിമ ചെയ്തിട്ടുണ്ടെന്നും അഭിമുഖത്തിൽ നടി പറയുന്നു. ''കഥ പോലും അറിയാതെ ചെയ്ത സിനിമകളുണ്ട്. അത് വലിയ തെറ്റായൊന്നും ആരും കാണാറില്ല. ശീലാബതി ചെയ്യും മുന്‍പ് ശീലാബതിയെ അറിഞ്ഞിരിക്കണമെന്ന് ശരത് സാറിന് നിര്‍ബന്ധമുണ്ടായിരുന്നു. മുഴുവനായും കഥ മനസ്സിലാക്കി ചെയ്ത സിനിമയാണ്. സിനിമ തുടങ്ങിക്കഴിഞ്ഞ് എനിക്ക് കഥ അറിയില്ലട്ടോ എന്ന് പറഞ്ഞ സംഭവങ്ങളേറെയാണ്. കുഴപ്പമില്ല, ഇന്നത്തെ ദിവസം ഇങ്ങനെ പോട്ടെ നാളെ പറയാം എന്ന് പറഞ്ഞ ആളുകളുമുണ്ടെന്നും കാവ്യ അഭിമുഖത്തിൽ പറയുന്നു.

സഹപ്രവർത്തകരുമായി വളരെ അടുത്ത ബന്ധമാണ് കാവ്യ കാത്തുസൂക്ഷിക്കുന്നത്. നടിയെ കുറിച്ച് നല്ല അഭിപ്രായമാണ് സഹപ്രവർത്തകർക്കുളളത്. ഇപ്പോഴിത പാക്ക് അപ്പിനെ കുറിച്ച് പറയുകയാണ് താരം. യാത്ര പറച്ചിലുകൾ എന്നും വേദനാജനകമാണെന്നാണ് കാവ്യ പറയുന്നത്. ''യാത്ര പറച്ചിലുകൾ എന്നും വേദനാജനകമാണ്. അവസാന സീനാണെന്ന് മനസ്സിലായാൽ തന്നെ പോവാനുള്ള കാര്യങ്ങളും ചെയ്യും. ഷോട്ട് കഴിഞ്ഞ് എവിടെയാ വണ്ടിയെന്ന് ചോദിച്ച് നേരെ അങ്ങോട്ടേക്ക് പോവും. കാവ്യയുടെ വിക്കറ്റ് വീണു, പാക്കപ്പായി എന്ന് പറഞ്ഞ് എല്ലാവരും കൈയ്യടിക്കുന്നതിനായി കാത്തിരിക്കാറില്ല അതുപോലെ ആരോടും യാത്ര പറയാൻ നിൽക്കാതെ പെട്ടെന്ന് അവിടെ നിന്ന് പെട്ടെന്ന് പോവുമെന്നും കാവ്യ പറയുന്നു.

Recommended Video

Dileep's family pic goes viral on social media

2016 ൽ ആയിരുന്നു കാവ്യയുടേയും ദിലീപിന്റേയും വിവാഹം. താരങ്ങളുടെ വിവാഹത്തെ കുറിച്ച് നിരവധി തവണ വാർത്തകൾ പ്രചരിച്ചിരുന്നു. എന്നാൽ വളരെ അപ്രതീക്ഷിതമായിട്ടായിരുന്നു വിവാഹം. മലയാള സിനിമയിലെ ഭൂരിഭാഗം താരങ്ങളും വിവാഹത്തിന് എത്തിയിരുന്നു. 2015 ൽ മ‍ഞ്ജു വാര്യരുമായുള്ള വിവാഹബന്ധം നിയമപരമായി വേർപിരിഞ്ഞതിന് ശേഷമാണ് ദിലീപ് കാവ്യയെ ജീവിത സഖിയാക്കുന്നത്. പിന്നേയും ആണ് നടി ഏറ്റവും ഒടുവിൽ അഭിനയിച്ച സിനിമ. ദിലീപായിരുന്നു നായകൻ.