തകർപ്പൻ ഹോളി ആഘോഷവുമായി മാമാങ്കം ടീം!! താരങ്ങൾക്കൊപ്പം സംവിധായകനും, ചിത്രങ്ങൾ പുറത്ത്..

ഹോളി ആഘോഷിച്ച് മാമാങ്കം

മാമാങ്കത്തിലെ അണിയറ പ്രവർത്തകർക്കൊപ്പം ഹോളി ആഘോഷിക്കുന്ന ചിത്രമാണ് നടി പങ്കുവെച്ചിരിക്കുന്നത്. സംവിധായകൻ പദ്മകുമാറിനോടൊപ്പമുളള ഹോളി ആഘോഷ ചിത്രങ്ങളും നടി പങ്കുവെച്ചിട്ടുണ്ട്. പദ്മകുമാർ ചിത്രത്തിന്റെ സംവിധായകനായ ശേഷമുളള ചിത്രങ്ങളൊന്നും പുറത്തു വന്നിരുന്നില്ല. എല്ലാവർക്കും താരം ഹോളി ആശംസിക്കുന്നുമുണ്ട്.

മൾട്ടിസ്റ്റാർ ചിത്രം

മാമാങ്കത്തിൽ വൻ താരനിരയാണ് അണിനിരക്കുന്നത്. മമ്മൂട്ടിയ്ക്കൊപ്പം ഉണ്ണി മുകുന്ദൻ, സുദേവ് നായർ, തരൺ രാജ് അറോറ, കനിഹ, അനു സിത്താര എന്നിവരും പ്രധാന വേഷത്തിലെത്തുന്നുണ്ട്. കൂടാതെ മലയാളത്തിലേയും മറ്റ് അന്യഭാഷ ചിത്രങ്ങളിലേയും പ്രമുഖ താരങ്ങൾ അണിനിരക്കുന്നുണ്ട്. ചിത്രത്തിന്റെ ചിത്രീകരണം പുരോഗമിക്കുകയാണ്. മമ്മൂക്കയുടെ മാമാങ്കത്തിനായി അതീവ ആകാംക്ഷയിലാണ് പ്രേക്ഷകർ.

ധ്രുവന്റെ പുറത്താക്കൽ

യുവതാരം ധ്രുവിനെ പുറത്താക്കിയതു മുതലാണ് മാമാങ്കത്തിനെ ചുറ്റിപ്പറ്റിയുടെ വിവാദങ്ങൾ ആരംഭിക്കുന്നത്. യോദ്ധാവിന്റെ കഥാപാത്രത്തിനു വേണ്ടി അങ്ങേറ്റം കഠിനാധ്വാനം ചെയ്തിരുന്നു താരം. കൂടാതെ അണിയറയിലും വൻ അഴിച്ചു പണികളായിരുന്നു നടന്നത്. തെന്നിന്ത്യൻ ഛായാഗ്രാഹകൻ ഗണേഷ് രാജവേലു, ആർട് ഡയറക്റ്റർ സുനിൽ ബാബു, കോസ്റ്റിയൂം ഡിസൈനർ അനു വർദ്ധൻ എന്നിവരും ചിത്രത്തിൽ നിന്നും പുറത്തായി. ഏറ്റവും ഒടുവിലാണ് സജീവ് പിള്ളയെ മാറ്റി പദ്മകുമാറിനെ ഏൽപ്പിക്കുന്നത്.

ചിത്രവുമായി ഒരു ബന്ധവുമില്ല

സംവിധായകൻ സ്ഥാനത്ത് നിന്ന് മാറ്റിയതിന് ശേഷം ആരോപണങ്ങളുമായി സജീവ് പിള്ള രംഗത്തെത്തിയിരുന്നു. തന്റെ ജീവന് ഭീഷണിയുണ്ടെന്നായിരുന്നു സംവിധായകൻ സജീവ് പിള്ളയുടെ വെളിപ്പെടുത്തൽ. സംവിധായകന്റെ ഈ ആരോപണത്തിന് തൊട്ട് പിന്നാലെപേജുകൾ നീളുന്ന പ്രസ്താവനയുമായി ചിത്രത്തിന്റെ നിർമാതാക്കൾ രംഗത്തെത്തിയിരുന്നു. മാമാങ്കത്തിന്റെ തിരക്കഥയിൽ സജീവ് പിള്ളക്ക് ഇനി അവകാശം ഇല്ലെന്നായിരുന്നു പ്രഖ്യാപനം. എന്നാൽ മെഗാ സ്റ്റാർ മമ്മൂട്ടി ഡെയ്റ്റ് നൽകിയ സ്ക്രിപ്റ്റിന് തുച്ഛമായ വില പറഞ്ഞയാളാണ് നിർമ്മാതാവ് എന്ന നിലപാടുമായി സജീവ് തലസ്ഥാനത്തെ മാധ്യമപ്രവർത്തകർക്കു മുൻപിൽ പത്രസമ്മേളനം വിളിച്ചു ചേർത്തിരുന്നു.