ഡിവോഴ്സ് ആയിരിക്കെ ഡേറ്റിം​ഗ് ആപ്പിലൂടെ പരിചയപ്പെട്ട യുവ സുന്ദരി?; ഹൃതിക്-സബ പ്രണയം തുടങ്ങിയതിങ്ങനെ

ഈ വർഷം സിനിമ റിലീസ് ചെയ്യുമെന്നാണ് വിവരം. ദീപിക പദുകോൺ ആണ് സിനിമയിൽ ഹൃതിക്കിന്റെ നായിക ആയെത്തുന്നത്. ഇരുവരും ആദ്യമായി ഒരുമിച്ച് അഭിനയിക്കുന്ന സിനിമ ആണിത്. കരിയറിനൊപ്പം തന്നെ ഹൃതിക്കിന്റെ വ്യക്തി ജീവിതവും വാർത്തകളിൽ നിറയാറുണ്ട്.

സൂസൻ ഖാനുമായുള്ള പ്രണയ വിവാഹം, പിന്നീടുണ്ടായ വിവാഹ മോചനം, കങ്കണയുമായുണ്ടാെയെന്ന് പറയപ്പെടുന്ന പ്രണയം, യുവ നടി സബ അസദുമായുള്ള പ്രണയം തുടങ്ങിയവ എല്ലാം ഹൃതിക്കിനെ ​ഗോസിപ്പ് കോളങ്ങളിൽ നിറച്ചിരുന്നു.

Also Read: സിനിമയിൽ അഭിനയിച്ചാൽ ഭർത്താവിന് സംശയമാകുമെന്ന് പറഞ്ഞു!, ഒരു വർഷത്തോളം മിണ്ടാതിരുന്ന സുഹൃത്ത് വരെയുണ്ടെന്ന് നയന

കാമുകി സബ അസദുമായി നടൻ വിവാഹം കഴിക്കാൻ പോവുകയാണെന്നാണ് ഏറ്റവും ഒടുവിലായി പുറത്ത് വരുന്ന റിപ്പോർട്ടുകൾ. ഇതിനിടെ ​ഹൃതിക്കും സബയും തമ്മിലുള്ള പ്രണയകഥ സോഷ്യൽ മീഡിയയിൽ വീണ്ടും ചർച്ച ആവുകയാണ്.

പ്രണയത്തിലായി മാസങ്ങളോളം ഇക്കാര്യം പുറത്തറിയാതിരിക്കാൻ സബയും ഹൃതിക്കും ശ്രമിച്ചിരുന്നു. എന്നാൽ പിന്നീട് ഇരുവരും കൂടുതൽ അടുത്തറിയുകയും ഹൃതിക്കിന്റെ ബന്ധുക്കളുമായി സബ പരിചയപ്പെടുകയും ചെയ്തു. ഹൃതിക്കിനും കുടുംബത്തിനും ഒപ്പം സബ ഒത്തു ചേരാറുമുണ്ട്.

ഇരുവരും ഒരു ഡേറ്റിം​ഗ് ആപ്പിലൂടെ ആണ് പരിചയപ്പെട്ടതെന്ന് നേരത്തെ അഭ്യൂഹം ഉണ്ടായിരുന്നു. എന്നാൽ ട്വിറ്ററിലൂടെ ആണ് ഹൃതിക്-സബ സൗഹൃദം ഉടലെടുക്കുന്നതെന്നാണ് പിന്നീട് പുറത്ത് വന്ന വിവരം.

സബയുടെ ഒരു മ്യൂസിക് വീഡിയോ ഹൃതിക് ട്വിറ്ററിൽ ഷെയർ ചെയ്തിരുന്നു. ഇതിന് നന്ദി അറിയിച്ച് ഹൃതിക്കിന് സബ മെസേജ് അയച്ചു. അങ്ങനെയാണ് പരിചയം തുടങ്ങുന്നത്.

49 കാരനായ ഹൃതിക് വിവാഹ മോചിതനും രണ്ട് കുട്ടികളുടെ അച്ഛനുമാണ്. 37 കാരിയാണ് സബ അസദ്. വിവാഹ ബന്ധം വേർപിരിഞ്ഞെങ്കിലും ആദ്യ ഭാര്യ സൂസൻ ഖാനുമായി ഹൃതിക്കിന് ഇപ്പോഴും സൗഹൃദം ഉണ്ട്. രണ്ട് മക്കളെയും ഇരുവരും ഒരുമിച്ചാണ് നോക്കുന്നത്. പാർട്ടികളിലും മറ്റും ഇരുവരും ഒത്ത് ചേരാറുണ്ട്.

ഹൃതിക്കിനെ പോലെ തന്നെ സൂസനും പുതിയ പ്രണയം കണ്ടെത്തി. നടൻ അർസ്ലൻ ​ഗോണി ആണ് സൂസൻ ഖാന്റെ കാമുകൻ. ഹൃതിക്കിന്റെയും സുഹൃത്താണ് ഇദ്ദേഹം. ഹൃതിക്കും സബയും വിവാഹം കഴിക്കാൻ പോവുകയാണെന്ന വാർത്ത കഴിഞ്ഞ ദിവസമാണ് പുറത്ത് വന്നത്. താരങ്ങൾ ഇക്കാര്യം സ്ഥിരീകരിച്ചിട്ടില്ല. നേരത്തെ സൂസനും അർസ്ലനും വിവാഹം കഴിക്കാൻ പോവുകയാണെന്നും ​ഗോസിപ്പ് വന്നിരുന്നു.