നടിമാരുടെ വയറ് കാണിച്ച് അഭിനയിപ്പിക്കുന്നതിന് കാരണമിതാണ്..! തന്റെ അനുഭവം വെളിപ്പെടുത്തി നടി ഇല്യാന..

വയറിനോടാണ് താല്‍പര്യം

തെന്നിന്ത്യന്‍ സിനിമയില്‍ നായികമാരെ കൊണ്ട് വയറ് കാണിച്ച് അഭിനയിപ്പിക്കുന്നതിനെ കുറിച്ച് നടി ഇല്യാന തുറന്ന് പറഞ്ഞിരിക്കുകയാണ്. നടി ആദ്യമായി അഭിനയിച്ച സിനിമയിലെ അനുഭവമടക്കമാണ് ഇല്യാന ഇക്കാര്യങ്ങള്‍ വ്യക്തമാക്കിയിരിക്കുന്നത്.

നടിമാരുടെ വയറ്

ഇന്ത്യയിലെ സ്ത്രീകളുടെ സൗന്ദര്യം വയറിലും ഇടുപ്പിലുമാണെന്നാണ് പലരുടെയും വിചാരം. ഇതാണ് സിനിമകളില്‍ കൂടുതലും അത്തരം രംഗങ്ങള്‍ ഉള്‍പ്പെടുത്തിയിരിക്കുന്നത്. താന്‍ ആദ്യമായി അഭിനയിക്കാന്‍ എത്തിയപ്പോള്‍ അതെന്തിനാണെന്ന് പോലും തനിക്കറിയില്ലായിരുന്നെന്നാണ് നടി പറയുന്നത്.

ആദ്യ സിനിമയിലെ അനുഭവം

തെലുങ്ക് സിനിമയിലൂടെയായിരുന്നു ഇല്യാന സിനിമയിലേക്കെത്തിയത്. ആ സിനിമയിലെ ഒരു ഷോട്ടില്‍ തന്റെ വയറിലേക്ക് ഒരു ശംഖ് വന്ന് വീഴുന്ന ശബ്ദമുണ്ടായിരുന്നു. അതും സ്ലോ മോഷനിലായിരുന്നു ചിത്രീകരിച്ചിരുന്നത്. അങ്ങനെ ചെയ്യുന്നതെന്തിനായിരുന്നെ് സംവിധായകനോട് തന്നെ നടി ചോദിച്ചിരുന്നു. അത് വളരെ മനോഹരമായ കാര്യമെന്നായിരുന്നു സംവിധായകന്റെ മറുപടിയും.

ഇന്ത്യന്‍ സ്ത്രീകളുടെ സൗന്ദര്യം

പലരും ഇന്ത്യന്‍ സ്ത്രീകളുടെ സൗന്ദര്യമായിട്ടാണ് അരക്കെട്ടിനെ കാണുന്നത്. എന്നാല്‍ തന്നെ സംബന്ധിച്ചിടത്തോളം അത് വെറും സിനിമയിലെ രംഗങ്ങള്‍ മാത്രമായിരുന്നു ഇല്യാന പറയുന്നു.... ഒരു സിനിമയില്‍ തന്നെ വയറ് കാണിക്കുന്ന ഒട്ടനവധി സീനുകളായിരുന്നു ചിത്രീകരിക്കപ്പെട്ടിരുന്നത്്. അതൊക്കെ കാണുമ്പോള്‍ സഹിക്കാന്‍ പറ്റാത്തത് പോലെ തോന്നുമെന്നും നടി പറയുന്നു.

വലിയ മാറ്റമൊന്നുമില്ല..

കാലം എത്ര മാറി മറിഞ്ഞ് വന്നാലും അക്കാര്യങ്ങളില്‍ ഇനിയും കാര്യമായ മാറ്റമൊന്നും വന്നിട്ടില്ല. സിനിമയില്‍ വരുമ്പോള്‍ തന്റെ പ്രായം 18 വയസായിരുന്നു. അന്നൊക്കെ പണം മാത്രമായിരുന്നു മുന്നിലുണ്ടായിരുന്നത്. വരുന്ന ഓഫറുകളെല്ലാം സ്വീകരിച്ചിരുന്നതും പണം കണ്ടിട്ട് മാത്രമായിരുന്നെന്നും ഇല്യാന പറയുന്നു..