'തെരുവ് നായകൾ പണിയില്ലാതെ നടക്കുന്നുണ്ട്, എല്ലാറ്റിനേയും തല്ലിയോ‌ടിക്കാനാവില്ല'; വിമർശകരോട് ഗോപി സുന്ദർ

| Published: Tuesday, June 7, 2022, 19:00 [IST]

തങ്ങളുടെ പ്രണയം വെളിപ്പെടുത്തിയതിന്റെ പേരിൽ കഴിഞ്ഞ കുറച്ച് ദിവസങ്ങളായി ഏറ്റവും കൂടുതൽ വിമർശനം നേരിട്ടുകൊണ്ടിരിക്കുന്ന രണ്ടുപേരാണ് ഗോപി സുന്ദറും അമൃത സുരേഷും. ചില മലയാളികളുടെ സോക്കോൾഡ് ചിന്താഗതിയാണ് സൈബർ ബുള്ളിയിങായി ഇരുവർക്കുമെതിരെ സോഷ്യൽമീഡിയയിൽ കമന്റുകളായി പ്രത്യക്ഷപ്പെടുന്നത്.

വിമർശകർ നിരവധി മോശം കമന്റുകൾ പങ്കുവെച്ചതോടെ പ്രതികരണവുമായി അമൃത സുരേഷും ഗോപി സുന്ദറും എത്തിയിരുന്നു. ഒരാഴ്ച മുമ്പാണ് തങ്ങൾ പ്രണയത്തിലാണെന്ന് സൂചിപ്പിക്കുന്ന ചിത്രം ഗോപിയും അമൃതയും സോഷ്യൽമീഡിയയിൽ പങ്കുവെച്ചത്.

'എന്നേക്കും നീയും ഞാനും മാത്രം.... ഒരേയൊരു ചിരു....'; പ്രിയപ്പെട്ടവന്റെ വേർപാടിന്റെ രണ്ടാം വർഷത്തിൽ മേഘ്ന! 'എന്നേക്കും നീയും ഞാനും മാത്രം.... ഒരേയൊരു ചിരു....'; പ്രിയപ്പെട്ടവന്റെ വേർപാടിന്റെ രണ്ടാം വർഷത്തിൽ മേഘ്ന!

'പിന്നിട്ട കാതങ്ങൾ മനസിൽ കുറിച്ച് അനുഭവങ്ങളുടെ കനൽവരമ്പ് കടന്ന് കാലവും കാറ്റും പുതിയ വഴികളിലേക്ക്' എന്ന അടിക്കുറുപ്പോടെയാണ് ഇരുവരും ചിത്രം സോഷ്യൽമീഡിയയിൽ പങ്കുവെച്ചത്. പിന്നാലെ നിരവധി പേർ ആശംസകൾ നേർന്നും ചിലർ അവഹേളിച്ചും കമന്റുകൾ ഇടുകയായിരുന്നു.

സൈബർ ബുള്ളിയിങ് നടത്തുന്നവരോടുള്ള കുറിക്ക് കൊള്ളുന്ന മറുപടിയുമായി എത്തിയിരിക്കുകയാണ് ഗോപി സുന്ദർ ഇപ്പോൾ. തെരുവ് പട്ടികൾ നിരവധി അലഞ്ഞ് തിരിഞ്ഞ് നടക്കുന്നുണ്ടാവുമെന്നും അതിനെയെല്ലാം തല്ലിയോടിക്കാൻ കഴിയില്ലെന്നുമാണ് ഗോപി സുന്ദർ പറയുന്നത്.

'കുളക്കടവിലെ കുത്തിതിരിപ്പ് ഇവിടെ നടത്തിയാൽ പിടിക്കപ്പെടും, മൈൻഡ് ഗെയിം നടത്താൻ വിവരമുള്ളവർ ഇല്ല'; വിനയ് 'കുളക്കടവിലെ കുത്തിതിരിപ്പ് ഇവിടെ നടത്തിയാൽ പിടിക്കപ്പെടും, മൈൻഡ് ഗെയിം നടത്താൻ വിവരമുള്ളവർ ഇല്ല'; വിനയ്

'സോഷ്യൽമീഡി‌യ ഒരു പബ്ലിക്ക് പ്ലാറ്റ്ഫോമാണ്. പൊതുവഴിയിൽ പോസ്റ്റർ വെക്കുന്നതിന് സമമാണ് അത്. ചിലർ കാർക്കിച്ച് തുപ്പും. പട്ടികൾ മുള്ളും, ചിലപ്പോൾ കീറി കളയും അങ്ങനെയെല്ലാം സംഭവിച്ചേക്കാം.'

'പക്ഷെ അതേ പോസ്റ്റർ എന്റെ വീട്ടിൽ ‍ഞാൻ ഫ്രെയിം ചെയ്ത് വെച്ചശേഷം കോളിങ് ബെല്ലടിച്ച് മറ്റൊരാൾ വീട്ടിൽ കയറി വന്ന് കല്ലെറിഞ്ഞ് തകർക്കാൻ നോക്കിയാൻ ഞാൻ‌ അയാളെ കത്തിക്കും.'

'തെരുവ് പട്ടികൾ നിരവധി ഒരു പണിയുമില്ലാതെ അലഞ്ഞ് നടക്കുന്നുണ്ട്. അവരെയെല്ലാം പോയി അടിച്ച് നന്നാക്കാൻ ആർക്കും സാധിക്കില്ല. അതാണ് വ്യത്യാസം. ഞാൻ അങ്ങനെ മാത്രമെ ഇത്തരം പ്രവൃത്തികളെ കാണുന്നുള്ളൂ' ഗോപി സുന്ദർ പറയുന്നു.

ആദ്യ ഭാര്യയുമായി വേർപിരിഞ്ഞ ഗോപി സുന്ദർ കഴിഞ്ഞ ഒമ്പത് വർഷത്തോളം ഗായിക അഭയ ഹിരണ്മയിയുമായി ലിവിങ് റിലേഷനിലായിരുന്നു. പല പൊതുപരിപാടികളിലും അഭയയും ഗോപിയും ഒരുമിച്ച് പങ്കെടുത്തിട്ടുള്ള ചിത്രങ്ങൾ സോഷ്യൽ മീഡിയയിൽ വൈറലായിട്ടുണ്ട്.

എന്നാൽ അടുത്തിടെയായി ഇരുവരും ഒരുമിച്ചുള്ള ചിത്രങ്ങൾ പ്രത്യക്ഷപ്പെടുന്നില്ലായിരുന്നു. ഏറ്റവും അവസാനമായി 2021 ഓഗസ്റ്റിലാണ് ഗോപി സുന്ദറും അഭയയുമായിട്ടുള്ള ചിത്രം സംഗീത സംവിധായകൻ ഫേസ്ബുക്കിൽ പങ്കുവെച്ചിട്ടുള്ളത്.

അഭയയുടെ സോഷ്യൽമീഡിയ പേജുകളിലും ഗോപിക്കൊപ്പമുള്ള ചിത്രങ്ങൾ ഇല്ല. ഗോപി സുന്ദർ ഇപ്പോഴും ആദ്യ ഭാര്യയുമായുള്ള ബന്ധം നിയമപരമായി വേർപെടുത്തിയിട്ടില്ല.

ഐഡിയ സ്റ്റാർ സിങ്ങറിലൂടെ സുപരിചിതയായ ഗായികയാണ് അമൃത സുരേഷ്. നടൻ ബാല 2010ൽ അമൃതയെ വിവാഹം ചെയ്തിരുന്നു. എന്നാൽ 2019ൽ ഇരുവരും വിവാഹ ബന്ധം വേർപെടുത്തി.

ആ ബന്ധത്തിൽ അവന്തിക എന്ന് പേരുളള ഒരു മകളുണ്ട്. 2021 സെപ്റ്റംബറിലാണ് ബാല രണ്ടാമത് വിവാഹം ചെയ്യുന്നത്. തൃശൂർ കുന്നംകുളം സ്വദേശി എലിസബത്തിനെയാണ് ബാല രണ്ടാമത് വിവാഹം ചെയ്തത്.

ഗോപി സുന്ദറിനൊപ്പമുള്ള നിരവധി ചിത്രങ്ങൾ അമൃത ഇപ്പോൾ സോഷ്യൽമീഡിയയിൽ പങ്കുവെക്കുന്നുണ്ട്.