ഭര്‍ത്താവിന് ആശംസകളുമായി നടി പൂര്‍ണിമ! ഇന്ദ്രജിത്തിന്റെ രസകരമായ വീഡിയോസും പുറത്ത്

നാല്‍പതിലേക്ക് കടന്ന പങ്കാളിയ്ക്ക് സ്വാഗതം. പുതിയൊരു ഇരുപത് വര്‍ഷത്തിലേക്ക് കടന്ന നിങ്ങളോട് എനിക്ക് പറയാന്‍ ചിലതുണ്ട്. ഭര്‍ത്താവ് എന്ന നിലയിലും ഒരു അച്ഛനെന്ന നിലയിലും നല്ലൊരു കൂട്ടുകാരനെന്ന നിലയിലും നിങ്ങളൊരു ഉദാത്ത മാതൃകയാണ്. പ്രിയപ്പെട്ട ഭര്‍ത്താവിന് പിറന്നാള്‍ ആശംസകള്‍. എന്നുമായിരുന്നു പൂര്‍ണിമയുടെ ആശംസ. ഇന്‍സ്റ്റാഗ്രാമിലൂടെ പങ്കുവെച്ച ആശംസകള്‍ക്കൊപ്പം ഇന്ദ്രജിത്തിന്റെ ചില രസകരമായ വീഡിയോസും നടി പുറത്ത് വിട്ടിരിക്കുകയാണ്.

മകള്‍ നക്ഷത്രയ്‌ക്കൊപ്പം ചേര്‍ന്ന് മാജിക് കാണിച്ച് കൊടുക്കുന്നതാണ് ഒന്നാമത്തെ വീഡിയോ. അച്ഛന്റെ മാജിക് കണ്ട് ഞെട്ടിത്തരിക്കുന്ന മകളെയും വീഡിയോയില്‍ കാണാം. ഒപ്പം മകള്‍ക്കൊപ്പം അത്യുഗ്രാന്‍ ഡാന്‍സ് കളിക്കുന്ന ഇന്ദ്രജിത്താണുള്ളത്. ഇപ്പോള്‍ അഭിനയിച്ച് കൊണ്ടിരിക്കുന്ന തമിഴ് ചിത്രത്തിലെ ഡയലോഗ് പറയുന്ന ഇന്ദ്രജിത്ത്. ചീട്ട് കളിക്കുന്നതിനിടെ പൂര്‍ണിമയുടെ കഴുത്തില്‍ കെട്ടിപിടിച്ച് സ്‌നേഹം പങ്കുവെക്കുന്ന താരം. ഫോണില്‍ ഗെയിം കളിക്കുന്ന ഇന്ദ്രജിത്ത്. പ്രിയ മോഹന്റെ കുഞ്ഞിനെ കളിപ്പിക്കുന്ന വീഡിയോ. പാട്ട് പാടുന്ന താരം, ഭാര്യയുടെ ഷൂ കെട്ടി കൊടുക്കുന്ന ഭര്‍ത്താവ്, അവസാനം പൂര്‍ണിമയ്‌ക്കൊപ്പം ഡാന്‍സ് കളിക്കുന്ന വീഡിയോസാണ് പുറത്ത് വന്നത്.

ഭര്‍ത്താവിനെ കുറിച്ച് പൂര്‍ണിമ പറഞ്ഞ എല്ലാ കാര്യങ്ങളും സത്യമാണെന്ന് തെളിയിക്കുന്നതായിരുന്നു ഓരോ വീഡിയോസും. ഇതോടെ ഇന്ദ്രജിത്തിനെ സ്‌നേഹിക്കുന്ന ആരാധകരുമെത്തി. സോഷ്യല്‍ മീഡിയ നിറയെ ആശംസാപ്രവാഹമാണ്. പൂര്‍ണിമയുടെ പോസ്റ്റിന് താഴെ നടന്‍ സുദേവ് നായര്‍ അടക്കമുള്ള താരങ്ങളും ആരാധകരും ജന്മദിനത്തിന്റെ ആശംസകള്‍ അറിയിച്ചിരിക്കുകയാണ്. ഒപ്പം സഹോദരന്‍ പൃഥ്വിരാജ് സുകുമാരനും എത്തിയിരുന്നു.

സഹോദരനൊപ്പം ഇരിക്കുന്നൊരു ചിത്രവുമായിട്ടായിരുന്നു പൃഥ്വിരാജ് എത്തിയത്. പിറന്നാള്‍ ആശംസകള്‍ ഇന്ദ്രേട്ടാ എന്നായിരുന്നു പൃഥ്വിയുടെ ക്യാപ്ഷന്‍. ഇതേ പോസ്റ്റിന് താഴെ പൃഥ്വിരാജിന്റെ ഭാര്യ സുപ്രിയ മേനോനും ഇന്ദ്രജിത്തിന് ആശംസ അറിയിച്ചിരുന്നു. പിറന്നാള്‍ ആശംസകള്‍ ഇന്ദ്രേട്ടാ... അടുത്ത വര്‍ഷം ബ്ലോക്ബസ്റ്റര്‍ ആയിരിക്കട്ടെ എന്നായിരുന്നു സുപ്രിയയുടെ കമന്റ്.

ഇന്ദ്രജിത്തിന്റെ മൂത്തമകള്‍ പ്രാര്‍ഥന ഇന്ദ്രജിത്തും അച്ഛന് ആശംസകളുമായി എത്തിയിരിക്കുകയാണ്. പിറന്നാള്‍ ആശംസകള്‍ അച്ഛാ... നിങ്ങളാണ് എന്റെ ഏറ്റവും വലിയ പ്രചോദനം. എന്നെ എപ്പോഴും സംരക്ഷിക്കുന്നതിന് നന്ദി പറയുകയാണ്. നിങ്ങള്‍ സംരക്ഷിച്ച് കൊണ്ടിരിക്കുന്നു. നിങ്ങള്‍ അക്ഷരാര്‍ഥത്തില്‍ ഏറ്റവും മികച്ച അച്ഛനാണ്. നിങ്ങള്‍ ഈ ലോകം അതിനപ്പുറവും അര്‍ഹിക്കുന്നുണ്ട്. നിങ്ങളുടെയൊപ്പം കുസൃതി കാണിച്ച് കൊണ്ട് യാത്ര ചെയ്യുന്നതിന് ഇനിയും കാത്തിരിക്കാന്‍ വയ്യ. നിങ്ങളുടെ മകളായതില്‍ ഞാന്‍ അഭിമാനിക്കുന്നു. വാക്കുകള്‍ക്കതീതമായി നിങ്ങളെ ഞാന്‍ സ്‌നേഹിക്കുന്നു. എന്നുമാണ് പ്രാര്‍ഥന ഇന്ദ്രജിത്ത് പറയുന്നത്.