ശോഭിത ​ഗർഭിണിയോ? നാ​​ഗാർജുനയുടെ മറുപടി; മരുമകൾ വിവാഹത്തിന് മുമ്പേ തീരുമാനിച്ചു

സന്തോഷകരമായ വിവാഹ ജീവിതം നയിക്കുകയാണ് താരദമ്പതികളാണ് നാ​ഗ ചെെതന്യയും ശോഭിത ധുലിപാലയും. കഴിഞ്ഞ വർഷമായിരുന്നു ഇവരുടെ വിവാഹം. വിവാഹ ജീവിതം ഒരു വർഷം പിന്നിടുമ്പോൾ രണ്ട് പേർക്കും പറയാനുള്ളത് ഒരുമിച്ചുള്ള ജീവിതത്തിലെ സന്തോഷങ്ങളെക്കുറിച്ചാണ്. നാ​ഗ ചെെതന്യയുടെ രണ്ടാം വിവാഹമാണിത്. നടി സമാന്തയുമായുള്ള ആദ്യ വിവാഹ ബന്ധം തകർന്ന ശേഷം വെെകാതെ നടൻ ശോഭിത ധുലിപാലയുമായി അടുത്തു. സോഷ്യൽ മീഡിയയിലൂടെയായിരുന്നു ഇവരുടെ പരിചയപ്പെടൽ. വെെകാതെ ഇവർ ‍ഡേറ്റിം​ഗിലേക്ക് ക‌ടന്നു. രണ്ട് പേരുടെയും വീട്ടുകാരുടെ സമ്മതത്തോടെ വിവാഹവും നടന്നു.

മകനെയും മരുമകളെയും കുറിച്ച് നാ​ഗാർജുന പറഞ്ഞ വാക്കുകളാണിപ്പോൾ ശ്രദ്ധ നേടുന്നത്. ശോഭിത ​ഗർഭിണിയാണോ എന്ന ചോദ്യങ്ങൾ വരുന്നുണ്ട്. ഇതേക്കുറിച്ച് മീഡിയ നാ​ഗാർജുനയോട് ചോദിച്ചു. അച്ഛനിൽ നിന്നും മുത്തശ്ശനായി പ്രൊമോഷൻ കിട്ടിയോ എന്നായിരുന്നു ചോദ്യം. ഉചിതമായ സമയത്ത് നിങ്ങളെ അറിയിക്കുമെന്നാണ് നാ​ഗാർജുന നൽകിയ മറുപടി.

കുട്ടികൾ വേണമെന്നത് വിവാഹത്തിന് മുമ്പേ നാ​ഗ ചെെതന്യ പ്രകടിപ്പിച്ച ആ​ഗ്രഹമാണ്. മാതൃത്വം അറിയണമെന്ന് ശോഭിതയും പറഞ്ഞിരുന്നു. എനിക്ക് മാതൃത്വം അനുഭവിക്കണമെന്ന് എപ്പോഴും ആ​ഗ്രഹമുണ്ടായിരുന്നു. അതിലെനിക്ക് വ്യക്തതയുണ്ട്. വിവാഹം ചെയ്യുന്നത് താൻ സങ്കൽപ്പിക്കാറുണ്ടായിരുന്നെന്നും ശോഭിത ധുലിപാല പറഞ്ഞു. വിവാഹ നിശ്ചയത്തിന് ശേഷം നൽകിയ അഭിമുഖത്തിലായിരുന്നു ഈ പരാമർശം.
ശോഭിതയിൽ പിറക്കുന്ന മക്കളിലൂടെ തനിക്ക് തന്റെ കുട്ടിക്കാലം വീണ്ടും അനുഭവിക്കണമെന്നാണ് നാ​ഗ ചെെതന്യ ഒരിക്കൽ പറഞ്ഞത്.

ആദ്യ വിവാ​ഹ ബന്ധം തകർന്ന ശേഷം നാ​ഗ ചെെതന്യ നിരാശയിലായിരുന്നെന്ന് നാ​ഗാർജുന പറഞ്ഞിട്ടുണ്ട്. പ്രണയിച്ച് വിവാഹം ചെയ്തവരാണ് നാ​ഗ ചെെതന്യയും സമാന്തയും. പക്ഷെ നാല് വർഷത്തിനുള്ളിൽ ഈ ബന്ധം പിരിയേണ്ടി വന്നു. ഒരുപിടി ഹിറ്റ് സിനിമകളിൽ ഇവർ ഒരുമിച്ച് അഭിനയിച്ചിട്ടുണ്ട്. യെ മായ ചെസവെ, മനം, മജ് ലി എന്നീ സിനിമകളിലെ സമാന്ത-ചെെതന്യ കെമിസ്ട്രി ഏറെ ശ്രദ്ധിക്കപ്പെട്ടു. യെ മായ ചെസവെയാണ് ഇവർ ആദ്യമായി ഒരുമിച്ച് അഭിനയിച്ച സിനിമ.

ഈയടുത്താണ് സമാന്ത രണ്ടാമത് വിവാ​ഹിതയായത്. ഫിലിം മേക്കർ രാജ് നി​ദിമൊറാണ് സമാന്തയുടെ ഭർത്താവ്. രാജിന്റെയും രണ്ടാം വിവാഹമാണിത്. വിവാ​ഹ മോചനം കഴിഞ്ഞ് ഏറെക്കാലം ആരോ​ഗ്യ പ്രശ്നങ്ങൾ സമാന്തയെ അലട്ടിയിരുന്നു. മയോസിറ്റിസ് എന്ന ഓട്ടോ ഇമ്മ്യൂൺ കണ്ടീഷൻ സമാന്തയെ ബാധിച്ചു. ആദ്യ വിവാഹബന്ധം വേർപിരിഞ്ഞ് കുറച്ച് മാസങ്ങൾക്ക് ശേഷമാണ് ഈ കണ്ടീഷൻ ബാധിച്ചത്. ആ കാലഘട്ടത്തിൽ സമാന്തയ്ക്കൊപ്പം ആശ്വാസമായി രാജ് ഉണ്ടായിരുന്നു.