സിദ്ധിഖിന്റെ ഭക്ഷണം കഴിക്കലിനെ ട്രോളി ജയറാം, സീരിയല്‍ ചിത്രീകരണ അനുഭവം പറഞ്ഞ് നടന്‍

ജയറാമുമായുളള സിദ്ധിഖിന്റെ അടുത്ത സൗഹൃദം ഇന്‍ഡസ്ട്രിയിലുളള മിക്കവര്‍ക്കും അറിയാം. സിദ്ധിഖിനെ ട്രോളിക്കൊണ്ടുളള ജയറാമിന്റെ ഒരു വീഡിയോ സോഷ്യല്‍ മീഡിയയില്‍ വൈറലായിരുന്നു. കൈരളി ടിവിയിലെ ജെബി ജംഗ്ഷനില്‍ അതിഥിയായി എത്തിയപ്പോഴാണ് സിദ്ധിഖിനെ ജയറാം അനുകരിച്ചത്. ജയറാം അനുകരിക്കുന്നതിന് മുന്‍പ് പ്രിയ സുഹൃത്തിനോട് ചോദ്യങ്ങളുമായി സിദ്ധിഖ് എത്തിയിരുന്നു.

നസീര്‍ സാര്‍ ചെയ്ത പോലെ രാഷ്ട്രീയത്തിലേക്കുളള ഒരു പ്രവേശനം ജയറാം പ്ലാന്‍ ചെയ്യുന്നുണ്ടോ ഉണ്ടെങ്കില്‍ എപ്പോഴാണെന്ന് ചോദിച്ചുകൊണ്ടായിരുന്നു സിദ്ധിഖ് എത്തിയത്. ഉണ്ടെങ്കില്‍ തന്നെ ഇപ്പോ ഇല്ലാ എന്നേ ജയറാം പറയത്തുളളൂ. അവനെ എനിക്ക് നന്നായിട്ടറിയാം. അപ്പോ ഞാന്‍ മനസില്‍ കാണുന്നത് ചിലപ്പോ ജയറാം അതിനെ കുറിച്ച് ആളുകളുമായിട്ടെല്ലാം ഡിസ്‌കസ് ചെയ്തു കാണും. അങ്ങനെ ഒരു രാഷ്ട്രീയ പ്രവേശനം പ്ലാന്‍ ചെയ്യുന്നുണ്ടെങ്കില്‍ ഏത് രാഷ്ട്രീയ പാര്‍ട്ടിയോടാകും ജയറാമിന്റെ ആഭിമുഖ്യം. ഏത് പാര്‍ട്ടിയിലാവും ജയറാം വരിക. എന്നതാണ് എന്റെ ചോദ്യം സിദ്ധിഖ് പറഞ്ഞു.

ഒപ്പം സ്ത്രീ സീരിയലില്‍ ഞാന്‍ ഭക്ഷണം കഴിക്കുന്ന ഒരു സീന്‍ ജയറാം നന്നായിട്ട് അനുകരിക്കുമെന്ന് സിദ്ധിഖ് പറയുന്നു. അത് എനിക്ക് എറ്റവും സന്തോഷം തരുന്ന കാര്യമാണ്. അപ്പോ അതുകൂടി അനുകരിക്കാന്‍ ആവശ്യപ്പെട്ട് ജയറാമിന് എല്ലാവിധ നന്മകളും നേര്‍ന്ന ശേഷമാണ് സിദ്ധിഖിന്റെ വീഡിയോ അവസാനിച്ചത്. പിന്നാലെ രാഷ്ട്രീയത്തിലേക്ക് വരികയാണെങ്കില്‍ സിനിമയെല്ലാം നിര്‍ത്തിയശേഷമേ വരികയൂളളൂവെന്ന് ജയറാം പറഞ്ഞു. രണ്ടും കൂടി ഒരുമിച്ചുകൊണ്ടുപോവാന്‍ കഴിയില്ല.

ജനങ്ങളുടെ ഇടയിലേക്ക് ഇറങ്ങിച്ചെന്ന് അവരുടെ ഓരോരുത്തരുടെയും പ്രശ്‌നങ്ങള്‍ അറിഞ്ഞ് അതിനായി പ്രവര്‍ത്തിക്കാനാണ് താല്‍പര്യം. എന്നാല്‍ രാഷ്ട്രീയത്തിലേക്ക് ഇറങ്ങുന്നതിനെ കുറിച്ച് താന്‍ ഇതുവരെ ചിന്തിച്ചിട്ടില്ലെന്ന് ജയറാം. പറഞ്ഞു. സിദ്ധിഖ് ഓരോന്നു തട്ടിവിടുന്നതാണ്. പിന്നാലെ സ്ത്രീ സീരിയലിലെ സിദ്ധിഖിന്റെ അഭിനയവും ജയറാം അനുകരിച്ച് കാണിച്ചു.

Recommended Video

നടന്‍ സിദ്ദിഖിന് എതിരെ ലൈംഗീകാരോപണം | #Siddique | filmibeat Malayalam

കുടുംബത്തിലെ ചില പ്രശ്‌നങ്ങള്‍ കാരണം സിദ്ധിഖ് കുറച്ചുകാലം സിനിമയില്‍ നിന്നും വിട്ടുനിന്നിരുന്നതായി ജയറാം പറയുന്നു. പിന്നീട് തിരിച്ചുവരവില്‍ സ്ത്രീ സീരിയലിലൂടെയാണ് സിദ്ധിഖ് പ്രേക്ഷകര്‍ക്ക് മുന്‍പില്‍ എത്തിയത്. സ്ത്രീ സീരിയലിന്റെ ചിത്രീകരണത്തിനിടെ സിദ്ധിഖിനെ ഒരുതവണ നേരില്‍ക്കണ്ടിരുന്നു, ആ സീരിയലില്‍ പഴനിയില്‍ ഒകെ പോയി ഒളിച്ചുതാമസിക്കുന്ന എല്ലാം ത്യജിച്ച് അമ്പലവും ഒകെ ആയി നടക്കുന്ന ഒരാളായിട്ടാണ് സിദ്ധിഖ് അഭിനയിച്ചത്.