ആട് 2 വിജയിച്ചതിന് പിന്നില്‍ ശക്തമായ കാരണങ്ങളുണ്ട്, ഷാജി പാപ്പന് അനുകൂലമായി ഭവിച്ച ആ കാരണങ്ങളിതാ!

കഥാപാത്രങ്ങളെയെല്ലാം ഒരുമിപ്പിച്ച് നിര്‍ത്തി

കഥാപാത്രങ്ങളെല്ലാം രണ്ടാം ഭാഗത്തിലും എത്തിയെന്നുള്ളതെന്നാണ് പ്രധാനപ്പെട്ട കാരണം. ഷാജി പാപ്പനെയും പ്രധാന കഥാപാത്രങ്ങളെയും മാത്രം നിലനിര്‍ത്തി സിനിമയെടുക്കാനുള്ള അവസരമുണ്ടായിട്ടും അതിന് തയ്യാറാവാതിരുന്ന സംവിധായകന് തന്നെയാണ് കൈയ്യടി നല്‍കേണ്ടത്.

അഭിനയവും മേക്കിങ്ങും

ചിത്രത്തിന്റെ മറ്റൊരു പ്രധാന സവിശേഷത താരങ്ങളുടെ പ്രകടനവും മേക്കിങ്ങുമാണ്. ആദ്യ ഭാഗത്തിനേക്കാള്‍ മികച്ച പ്രകടനമാണ് അഭിനേതാക്കള്‍ കാഴ്ച വെച്ചത്. ഇത് കൃത്യമായി പ്രേക്ഷകര്‍ക്ക് മനസ്സിലാവുകയും ചെയ്തിരുന്നു. അതിനുള്ള അംഗീകാരം കൂടിയാണ് മിഥുനും സംഘത്തിനും ലഭിച്ചത്.

തെറ്റുകള്‍ തിരുത്തി

ആദ്യ ഭാഗത്തില്‍ സംഭവിച്ച പാകപ്പിഴകളെ മാറ്റിയാണ് രണ്ടാം ഭാഗം ഒരുക്കിയതെന്നാണ് മറ്റൊരു പ്രധാനപ്പെട്ട കാര്യം. സാധാരണക്കാരന് ഇഷ്ടപ്പെടുന്ന തരത്തിലാണ് ചിത്രത്തിന്റെ രണ്ടാം ഭാഗം ഒരുക്കിയത്.

ഷാജി പാപ്പന്‍രെ സ്വീകാര്യത

ആദ്യ ഭാഗത്തിനേക്കാള്‍ കൂടുതല്‍ സ്വീകാര്യതയാണ് രണ്ടാം വരവില്‍ ഷാജി പാപ്പന് ലഭിച്ചത്. ഓവറാക്കാതെ മിതമായ രീതിയില്‍ കഥാപാത്രത്തെ മുന്നോട്ട് നയിക്കാന്‍ ജയസൂര്യയ്ക്ക് കഴിഞ്ഞുവെന്ന് പ്രേക്ഷകരും സാക്ഷ്യപ്പെടുത്തുന്നു.

പശ്ചാത്തല സംഗീതം നിലനിര്‍ത്തി

ആദ്യ ഭാഗത്തിന്റെ അതേ പശ്ചാത്തല സംഗീതമാണ് രണ്ടാം ഭാഗത്തിലും ഉപയോഗിച്ചത്. ചെറിയ ചില മാറ്റങ്ങള്‍ വരുത്തിയെന്നതൊഴിച്ചാല്‍ പല കഥാപാത്രങ്ങളെ പരിചയപ്പെടുത്തുമ്പോഴും അതേ ട്യൂണാണ് ഉപയോഗിച്ചത്.

വിജയകരമായി പ്രദര്‍ശനം തുടരുന്നു

ക്രിസ്മസിന് മുന്നോടിയായാണ് പാപ്പനും സംഘവും തിയേറ്ററുകളിലേക്കെത്തി. മൂന്നാഴ്ച പിന്നിടുന്നതിനിടയിലും മികച്ച പ്രതികരണം നേടി ചിത്രം മുന്നേറുകയാണ്. കലക്ഷന്റെ കാര്യത്തിലും ഏറെ മുന്നിലാണ് ഈ സിനിമ.