ആസിയ താത്ത ഇനി വെള്ളിത്തിരയിൽ!! ജിമിക്കി കമ്മൽ ജീവിതം മാറ്റി, പുതിയ സിനിമയെ കുറിച്ച്..

ആത്മവിശ്വാസം

ചേരാനെല്ലൂരിലുള്ള വാടക വീട്ടിലെ പ്രളയത്തിൽ നിന്ന് രക്ഷപ്പെട്ടാണ് ആൻസിയ മുളംതുരുത്തിയിലെ ക്യാംപിൽ എത്തിയത്. ഇനി നഷ്ടത്തെ ഓർത്ത് ദുഃഖിച്ചിട്ട് കാര്യമില്ല. ആദ്യം മുതൽ എല്ലാം തുടങ്ങണം എന്നുളള ആത്മവിശ്വാസത്തിലായിരുന്നു ഇവർ നൃത്തം ചവിട്ടിയത്. കേവലം ഇത് ക്യാംപിലെ ഒരു വിനോദമല്ല ആത്മവിശ്വാസവും അതിജീവനത്തിന്റേയും സൂചനയാണ് ഇവരുടെ നൃത്തത്തിൽ നാം കണ്ടത്.

ഇനി സിനിമയിൽ‌

ഇനി മുതൽ ആസിയ താത്തയെ വെള്ളിത്തരയിൽ കാണാം. കിസ്മത്ത് സിനിമയുടെ സംവിധായകൻ ഷാനവാസ് കെ ബാവക്കുട്ടി സംവിധാനം ചെയ്യുന്ന അടുത്ത ചിത്രത്തിലാണ് ആസിയ ബീവി അഭിനയിക്കുക. ആസിയയുടെ ക്യാംപിലെ ആത്മവിശ്വാസ നിറഞ്ഞു നില്‍ക്കുന്ന വീഡിയോയും കണ്ടാണ് സംവിധായകന്‍ തന്റെ അടുത്ത ചിത്രത്തില്‍ അഭിനയിക്കാന്‍ ക്ഷണിച്ചത്.

ഡോക്ടർമാരുടെ നിർദ്ദേശം

ഒരു ആയുഷ്കാലം കൊണ്ട് കഷ്ടപ്പെട്ടതാണ് പ്രളയം കൊണ്ടു പോയത്. അതിന്റെ സങ്കടവും നാഷ്ടബോധവും മാനസിക പിരിമുറുക്കവുമെല്ലാം ക്യാപിലുളള പലർക്കുമുണ്ടായിരുന്നു. ഇതെല്ലാം അവരെ വല്ലാതെ തളർത്തുന്നുമുണ്ടായിരുന്നു. ഇതിൽ നിന്ന് അവരെ പുറത്തു കൊണ്ടുവരാനായും മാനസ്സിക സമ്മർദ്ദം കുറയ്ക്കാൻ വേണ്ടിയും ഡോക്ടർമാർ തന്നെയാണ് ക്യാംപിൽ കലപരിപാടികൾ സംഘടിപ്പിക്കാൻ നിർദ്ദേശിച്ചത്. ഇതിനെ തുടര്‍ന്നാണ് ആസിയ കുട്ടികള്‍ക്കൊപ്പം ചുവടുവച്ചത്.

ജിമ്മിക്കി കമ്മൽ വേറൊരു ലെവൽ തന്നെ

ജിമിക്കി കമ്മൽ എന്ന ഗാനം ലോക ജനത ഒന്നടങ്കം ഏറ്റുപാടിയ ഗാനമായിരുന്നു. ലോകത്തിലെ വിവിധ ഭാഗത്തുള്ള ജനങ്ങൾ തങ്ങളുടേതായ രീതിയിൽ ഈ ഗാനത്തിന് ചുവട് വെച്ചിരുന്നു. എന്നാൽ ഇതേ ഗാനം തന്നെ ദുരിതാശ്വാസ ക്യാംപിൽ നിന്ന് ആൻസിയ താത്തയും കൂട്ടരും ചുവട് വെച്ചപ്പോൾ കണ്ടു നിന്ന് പ്രേക്ഷകർക്ക് ഒരു പ്രത്യേക സന്തോഷമാണ്. കാരണം ഇത് വെറും നൃത്തമല്ല. ഉയർത്തെഴുന്നേൽപ്പിന്റെ സൂചനയാണ്.

ആല്‍ബി ചേട്ടന്റെ ഡപ്പാം കൂത്ത്

ആസിയ താത്ത മാത്രമല്ല സോഷ്യൽ മീഡിയയിലെ താരം. ആൽബി ചേട്ടനും ഇപ്പോൾ സമൂഹമാധ്യമങ്ങളിൽ താരമായി മാറുകയാണ്. ദുരുതാശ്വാസ ക്യാംപിലെ ചേട്ടന്റെ തമിഴ് ഡപ്പാംകൂത്ത് ഡാൻസ് ഇപ്പോൾ സമൂഹ മാധ്യമങ്ങളിൽ വൈറലാണ്.എറണാകുളം ഗവണ്‍മെന്റ് ഗേള്‍സ് ഹയര്‍ സെക്കന്‍ഡറി സ്‌കൂളിലെ ക്യാമ്പിലാണ് ആല്‍ബി ചേട്ടന്റെ ഡപ്പാം കൂത്ത് ഡാന്‍സ്. ഇവരുടെ ഡാൻസും പാട്ടുമെല്ലാം പ്രമുഖർ ഉൾപ്പെടെ കേരള ജനത സ്വന്തം ഫേസ്ബുക്ക് പേജിലിൽ പങ്കുവെച്ചിട്ടുണ്ട്.