നിങ്ങളുടെ സ്ഥാനത്ത് നിൽക്കു, അന്ന് മമ്മൂക്കയോട് ജോർജ്ജ് പറഞ്ഞു, പൂച്ച അനുസരിക്കുന്ന പോലെ ചെയ്തു

മറ്റൊരാൾ' എന്ന ചിത്രത്തിൽ ഒരു രം​ഗമുണ്ട്. കരമന ജനാർദ്ധനൻ നായർ സീമയെ വല്ലാതെ ദേഹോപദ്രവം ഏൽപ്പിക്കുന്നിടത്തേയ്ക്ക് മമ്മൂട്ടി കടന്നുവരുന്നു. മമ്മൂട്ടി പിടിച്ചുമാറ്റി ജനാർദ്ധനൻ നായരേയും കൂട്ടിക്കൊണ്ട് കടന്നുപോകുന്നു. എല്ലാ വിറങ്ങലിപ്പോടും കൂടി സീമയുടെ കഥാപാത്രം ഭിത്തിയിൽ ചാരി നിലത്തേയ്ക്ക് ഊർന്നിരിക്കുന്നു. ജോർജ്ജ് ഇത് ലൈറ്റ്അപ് ചെയ്ത് ഷോട്ട് ഡിവൈഡ് ചെയ്ത് എല്ലാം കഴിയുമ്പോഴാണ് മമ്മൂട്ടി വരുന്നത്. മമ്മൂട്ടി അതിനകം ഉയർന്ന് പ്രതിഷ്ട നേടിക്കഴിഞ്ഞ താരമായി മാറിയിരുന്നു.

ഷോട്ടിന്റെ ഒരു പൊസിഷൻ കണ്ട് കഴിഞ്ഞപ്പേൾ മമ്മൂട്ടി പറഞ്ഞു, 'ജോർജ്ജ് സാറേ നമുക്കിത് ഇങ്ങനെ എടുത്താലോ? നടന്നുവരുമ്പോൾ ഇവിടുത്തെ ശബ്ദം കേട്ടിട്ട് ഞാൻ അങ്ങോട്ട് നോക്കുന്നു. എന്റെ സബ്ജക്ടീവിൽ ഇവർ പിടീം വലീം നടത്തുന്നത് കാണുന്നു. ഞാൻ ഓടിവന്ന് പിടിച്ചുമാറ്റുന്നു. എന്നിട്ട് ഞാൻ ജനാർദ്ധനൻ നായരേയും കൊണ്ട് നടന്ന്, മെല്ലെ പുറകോട്ടു തിരിഞ്ഞുനോക്കുമ്പോൾ എന്റെ സബ്ജക്ടീവിൽ സീമ ഊർന്ന് താഴേയ്ക്ക് ഇരിക്കുന്നത് കാണുന്നു. രണ്ടും ഒന്നാണ്.' അപ്പോൾ ജോർജ്ജിന്റെ മറുപടി ഇങ്ങനെയായിരുന്നു. അതേ മമ്മൂട്ടി, ഇതങ്ങനെയും എടുക്കാം, പക്ഷെ ഇത് ഞാൻ എടുക്കുന്ന സിനിമയാണ്, ഞാൻ ഉദ്ധേശിക്കുന്ന രീതിയിൽ തന്നെ എടുക്കണം. ​ഗോ ആന്റ് സ്റ്റാന്റ് ഇൻ യുവർ പൊസിഷൻ.' പൂച്ച അനുസരിക്കുന്നപോലെ മമ്മൂട്ടി അത് അനുസരിക്കുന്നത് ഞാൻ കണ്ടിട്ടുണ്ട്.

മമ്മൂട്ടിയുമായി അടുത്ത ആത്മബന്ധമാണ് ജോർജ്ജിനുള്ളത്. മുമ്പെരിക്കൽ മെഗസ്റ്റാറുമായുള്ള അടുപ്പത്തെ കുറിച്ച് ജോർജ്ജ് പറഞ്ഞിരുന്നു. തന്നെ സഹായിച്ച ഒരു സംഭവമായിരുന്നു സംവിധായകൻ വെളിപ്പെടുത്തിയത്. റച്ച് നല്ല ചിത്രങ്ങൾ ചെയ്തുവെങ്കിലും സാമ്പത്തികമായി വലിയ നേട്ടമൊന്നും ഉണ്ടായിരുന്നില്ല. അന്ന് കണക്ക് പറഞ്ഞ് വാങ്ങുന്ന രീതിയില്ലായിരുന്നു. എന്നെ സഹായിക്കാനായി മമ്മൂട്ടിയും മാക് അലിയും കൂടിയാണ് ഞാന്‍ നിര്‍മ്മാതാവായ ‘മഹാനഗരം' നിര്‍മ്മിച്ചത്. മികച്ച സിനിമയല്ലെങ്കിലും സാമ്പത്തികമായി വിജയമായി. എനിക്ക് എടുത്തുപറയത്തക്ക സാമ്പത്തിക നേട്ടമുണ്ടാക്കിയ സിനിമ അത് മാത്രമാണ്. അതിന്റെ വിജയത്തിലൂടെ കുറച്ചു പണം കിട്ടിയത് ആശ്വാസമായി-കെജി ജോർജ്ജ് പറഞ്ഞു.

മമ്മൂട്ടി വളരെ ഡെഡിക്കേറ്റഡായ നടനാണെന്നും ജോർജ്ജ് അഭിമുഖത്തിൽ പറഞ്ഞു. അദ്ദേഹത്തിന്റെ ജീവിതം മുഴുവൻ സിനിമയാണ്.നന്നായി ഹാര്‍ഡ് വര്‍ക്ക് ചെയ്യും. ഇത്രയും ഹാര്‍ഡ് വര്‍ക്ക് ചെയ്യുന്ന നടനില്ല. . ഇപ്പോള്‍ കാണണമെന്ന് തോന്നാറുള്ള ആളാണ്', കെ.ജി ജോര്‍ജ് പറയുന്നു. കൂടാതെ മമ്മൂട്ടി സ്വയം പഠിച്ച് വളർന്ന് ഉന്നതിയിൽ എത്തിയ നടനാണെന്നും അദ്ദേഹം കൂട്ടിച്ചേർത്തു. മമ്മൂട്ടി നായകനായ 'ഇലവങ്കോട് ദേശം' എന്ന സിനിമയാണ് കെജി ജോര്‍ജ്ജ് അവസാനമായി സംവിധാനം ചെയ്ത ചിത്രം