'അവളുടെ ചിന്തയിൽ ഞാനാണ് ബോസ്, വീട്ടിൽ നിൽക്കണമെന്ന് ഡാഡയ്ക്ക് പറഞ്ഞാൽ എന്തായെന്ന് ചോദിക്കും'; പൃഥ്വിരാജ്

'ഷാജിയേട്ടന്റെ കൈയ്യൊപ്പുള്ള കൊമേഷ്സ്യൽ സിനിമയാണ് കാപ്പയെങ്കിലും അതിനൊരു റിയലിസ്റ്റിക്ക് സ്വഭാവമുണ്ട്. കാപ്പയിലെ കൊട്ട മധു എന്ന കഥാപാത്രത്തിനൊപ്പം തന്നെ പ്രാധാന്യമുണ്ട് ചിത്രത്തിൽ ആസിഫ് അലി അവതരിപ്പിച്ചിരിക്കുന്ന ആനന്ദ് എന്ന കഥാപാത്രത്തിന്. പല കാര്യങ്ങളും പ്രേക്ഷകർ മനസിലാക്കുന്നത് ആനന്ദിലൂടെയായിരിക്കും.'

'കൊട്ട മധുവിനേക്കാൾ സ്ക്രീൻ ടൈമും ആസിഫിന്റെ ആനന്ദിനാണ്. ആസിഫിന്റെ കഥാപാത്രത്തിന്റെ ഭാ​ഗങ്ങൾ നിരവധി ട്രെയിലർ ഉൾപ്പെടുത്താനും സാധിക്കില്ല. അതിനൊരു പരിമിതിയുണ്ടായിരുന്നു. എന്താണ് ഓ‍ഡിയൻസിന് വേണ്ടതെന്നതിൽ കൃത്യമായ ഫോർമുലയില്ല.'

'ഓഡിയൻസിന്റെ അറ്റൻഷൻ‌ ​ഗ്രാബ് ചെയ്യുക എന്നതാണ് സംവിധായകർക്ക് ചെയ്യാൻ പറ്റുക. കാപ്പ ഞാൻ കണ്ടു. അടുത്ത കാലത്ത് ഷാജിയേട്ടൻ ചെയ്ത സിനിമകളിൽ എനിക്ക് ഏറ്റവും ഇഷ്ടപ്പെട്ട സിനിമയും കാപ്പയാണ്. ഷാജിയേട്ടൻ പുതിയ എന്തോ ഒരു കാര്യം ട്രൈ ചെയ്തപോലെയാണ് എനിക്ക് കാപ്പ കണ്ടപ്പോൾ തോന്നിയത്.'

'ആസിഫിനെപ്പോലെയല്ല ഞാൻ പേഴ്സണൽ ലൈഫിന് സമയം കണ്ടെത്താൻ ‍ഞാൻ വളരെ കഷ്ടപ്പെടാറുണ്ട്. പക്ഷെ എന്റെ ചേട്ടനൊക്കെ പേഴ്സണൽ ലൈഫിന് വേണ്ടി സമയം കണ്ടെത്തി ആഘോഷിക്കുന്ന ആളാണ്. ഞാൻ എന്റെ വലിയൊരു ഭൂരിഭാ​ഗം സമയം സിനിമയ്ക്കാണ് മാറ്റിവെച്ചിരിക്കുന്നത്.'

'ഫാമിലി ചിലപ്പോൾ സെക്കന്റ് പ്രയോറിറ്റിയായി പോകാറുണ്ട്. ഞാൻ വീട്ടിൽ ഇല്ലാത്തതിനെ പറ്റി അത്ര മികച്ചൊരു അഭിപ്രായമല്ല ആലിക്കുള്ളത്. ആലിയുടെ വിചാരം ‍ഞാനാണ് ബോസ് എന്നാണ്.'

'അതുകൊണ്ട് തന്നെ വീട്ടിൽ കുറച്ച് കാലം നിൽക്കണമെന്ന് ബോസിന് പറഞ്ഞുകൂടെ എന്നതാണ് അവളുടെ ചോദ്യം. കുട്ടികളോട് നമുക്ക് പറയാൻ പറ്റില്ലല്ലോ... എന്റെ മാത്രം സമയമല്ല ഷൂട്ടിന് വേണ്ടി വരുന്നതെന്ന്. എനിക്ക് കുറച്ച് നാൾ വീട്ടിൽ നിൽക്കണമെന്ന് ഡാഡയ്ക്ക് പറഞ്ഞാൽ എന്താണ് എന്നാണ് അവൾ പറയുന്നത്.'

'എനിക്ക് വലിയ ഫ്രണ്ട്സ് സർക്കിൾ ഒന്നും ഇല്ല. സിനിമയിൽ വരുന്നതിന് മുമ്പും അങ്ങനെ തന്നെയാണ്' പൃഥ്വിരാജ് പറഞ്ഞു. 'എനിക്ക് ​ഗ്രേ ക്യാരക്ടറുകൾ തരുമ്പോൾ ആളുകൾ പറയാറുള്ളത്ത് മുഖത്തൊരു ഇന്നസെൻസ് ഉള്ളതുകൊണ്ട് നീ ഇതൊന്നും ചെയ്താൽ ആളുകൾ വിശ്വസിക്കില്ലെന്നാണ്.'

'ചിത്രത്തിൽ ടെക്കിയാണ് ആനന്ദ്. മുമ്പ് ചെയ്തിട്ടില്ലാത്ത കഥാപാത്രമാണെന്ന് ആനന്ദെന്ന് ഞാൻ പറയില്ല. പക്ഷെ ആ സ്ക്രീൻ പ്ലെയിൽ ആനന്ദിന് വേറൊരു ഭം​ഗിയുണ്ട് അതാണ് സത്യം.'

'ആഘോഷമായി ജീവിക്കണം എന്നാണ് എനിക്ക്. എനിക്ക് എപ്പോഴും കസിൻസും ഫ്രണ്ട്സുമൊക്കെ വേണം. ഞാൻ ഒറ്റയ്ക്ക് നിൽക്കുന്നത് കാണാൻ പറ്റില്ല. ഭാര്യ സമയാണെങ്കിലും വെറുതെ ഒരു കാരണമുണ്ടാക്കി എല്ലാവരേയും ഒന്നിച്ച് കൂട്ടി സെലിബ്രേറ്റ് ചെയ്യും.'

'എനിക്ക് ഷൂട്ടിങ് ഇല്ലെങ്കിൽ എറണാകുളത്ത് എവിടെയെങ്കിലും ഞാനുണ്ടാകും. കൊച്ചിയില്‍ എന്റെ കൂടെ സെല്‍ഫിയെടുക്കാത്തവര്‍ കുറവാണ്. എല്ലാ സിനിമകളും ഞാൻ തിയേറ്ററിൽ പോയി കാണും' ആസിഫ് അലി പറഞ്ഞു.