അമ്മയാവാൻ തയ്യാറെടുക്കുന്ന കാജല്‍ അഗര്‍വാളിന്റെ മാത്യക ആരാണ്, ഉഗ്രൻ മറുപടിയുമായി നടി...

കുഞ്ഞിനെ കാത്തിരിക്കുകയാണ് കാജലും ഭർത്താവും. ഇപ്പോഴിത സോഷ്യൽ മീഡിയയിലും സിനിമ കോളങ്ങളിലും വൈറൽ ആകുന്നത് നടിയുടെ പുതിയ അഭിമുഖമാണ് . കുഞ്ഞിന് വേണ്ടിയുളള തയ്യാറെടുപ്പിനെ കുറിച്ചാണ് താരം പറയുന്നത്. കൂടാതെ ജോലിയും സ്വകാര്യ ജീവിതവും ഒന്നിച്ചു കൊണ്ട് പോകുന്നതിനെ കുറിച്ചും താരം പറയുന്നുണ്ട്.

സിനിമ മേഖലയിലെ മാറ്റത്തെ കുറിച്ചും ബോംബെ ടൈംസിന് നൽകിയ അഭിമുഖത്തിൽ പറയുന്നുണ്ട്. കാലം മാറിയതിന് അനുസരിച്ച് സിനിമ മേഖലയിലും മാറ്റം വന്നിട്ടുണ്ട്. കാലത്തിന് അനുസരിച്ച് ആളുകളുടെ കാഴ്ചപ്പാടു മാറി. വിവാഹത്തിനും അമ്മയായതിന് ശേഷവും നടിമാരെ സ്വീകരിക്കാൻ തുടങ്ങിയിട്ടുണ്ട്. ഇത്തരത്തിലുളള മാറ്റത്തിൽ സന്തോഷിക്കുന്നുണ്ടെന്നു താരം പറയുന്നു. ബോളിവുഡിൽ മാത്രമല്ല മറ്റ് സിനിമ മേഖലയും മാറിയെന്നും കാജൽ കൂട്ടിച്ചേർത്തു. വ്യക്തി ജീവിതത്തിലെ മാറ്റത്തിന് അനുസരിച്ച് അപ്പോൾ വേണമെങ്കിലും ജോലിയിൽ തുടരാമെന്നും കാജൽ പറയുന്നുണ്ട്.

കൂടാതെ സിനിമ തിരഞ്ഞെടുപ്പിനെ കുറിച്ചും പറയുന്നുണ്ട്. 'താൻ തിരക്കഥ നോക്കി സെലക്ടീവായിട്ടാണ് ചിത്രം ചെയ്യുന്നത്. വിവാഹത്തിന് ശേഷം മാത്രമല്ല നേരത്തെ മുതൽ അങ്ങനെ തന്നെയാണ്. വിവാഹം ഒരിക്കലും അതിൽ സ്വാധീനം ചെലുത്തിയിട്ടില്ലെന്നു കാജൽ പറയുന്നുണ്ട്'. കുഞ്ഞിനെ കുറിച്ചും താരം പറയുന്നുണ്ട്. കുട്ടിയെ കാണാൻ വേണ്ടി കാത്തിരിക്കുകയാണെന്നാണ് പറയുന്നത്. കൂടാതെ അമ്മയാവാൻ പോകുന്ന ഓരോ നിമിഷവും ആസ്വദിക്കുന്നതായും താരം കൂട്ടിച്ചേർത്തു.

Recommended Video

Bro Daddy Real Review | കണ്ടിരിക്കാൻ പോലും പറ്റില്ലേ ബ്രോ ഡാഡി ? | FilmiBeat Malayalam

നിരവധി തയ്യാറെടുപ്പോടെയാണ് കുഞ്ഞിനായി കാജൽ കാത്തിരിക്കുന്നത്. സിനിമ മേഖലയിലെ ആരേയും മാത്യകയാക്കിയിട്ടില്ലെന്നു കാജൽ അഭിമുഖത്തിൽ പറയുന്നു. തന്റെ വഴിയിലൂടെ സഞ്ചരിക്കാനാണ് താൽപര്യം. തനിക്ക് എന്തൊക്കെ ചെയ്യാൻ പറ്റുമെന്ന് കണ്ടെത്തും. ഇപ്പോൾ ഒരു വീട് നടത്തി കൊണ്ട് പോവുക, കുടംബം നോക്കുക, ജോലി ചെയ്യുക എന്നിങ്ങനെയുള്ള നിരവധി ഉത്തരവാദിത്വങ്ങളുണ്ട്. ഞാൻ ആരേയും പകർത്തുകയല്ല, മറിച്ച് അതെല്ലാം സ്വയം കണ്ടുപിടിക്കുകയും പഠിക്കുകയുമാണ ചെയ്യുന്നതെന്നും കാജൽ പറയുന്നുണ്ട്.