കാജലിന്റെ വിവാഹത്തിന് ദിവസങ്ങൾ മാത്രം, പ്രേക്ഷകർ കാണാൻ ആഗ്രഹിച്ച വീഡിയോ പങ്കുവെച്ച് നടി

കാജലിന്റെ വിവാഹ നിശ്ചയം കഴിഞ്ഞിരിക്കുകയാണ്. എൻഗേജ് മെന്റ് വീഡിയോ പങ്കുവെച്ചിരിക്കുകയാണ് നടി ഇപ്പോൾ. കഴിഞ്ഞ മാസമായിരുന്നു നടിയുടെ വിവാഹ നിശ്ചയം. എൻഗേജ് മെന്റ് മോതിരത്തിൻറെ ചിത്രം പങ്കുവെച്ച് കൊണ്ടാണ് കാജൽ വിവാഹ നിശ്ചയം കഴിഞ്ഞ വിവരം ആരാധകരെ അറിയിച്ചത്. നടി പങ്കുവെച്ച വീഡിയോയിൽ കാജൽ ഡയമണ്ട് മോതിരം കാണിച്ചിട്ടുണ്ട്. വിരുകൾ ചലിപ്പിക്കുകയും അതിനൊപ്പം തംസ് അപ്പ് ചിഹ്നം കാണിക്കുകയും ചെയ്തുകൊണ്ടാണ് കാജൽ മോതിരം കാണിച്ചിരിക്കുന്നത് .നടി പങ്കുവെച്ച വീഡിയോ സോഷ്യൽ മീഡിയയിൽ വൈറലായിട്ടുണ്ട്.

വ്യവസായി ഗൗതം കിച് ലുവാണ് കാജലിന്റെ വരൻ. വിവാഹത്തിന് ഇനി ദിവസങ്ങൾ മാത്രമാണുള്ളത്. ഒക്ടോബർ 30 നാണ് കാജലിന്റെ ഗൗതമിന്റേയും വിവാഹം. നടിയുടെ ബാല്യകാല സുഹൃത്താണ് ഗൗതം. സ്കൂൾ കാലഘട്ടം മുതൽ ഇരുവർക്കും അടുത്തറിയാം. ഇ-കൊമേഴ്സ് സ്ഥാപനമായ ഡിസേൺ ലിവിങ് മേധാവിയാണ് ഗൗതം കിച്ലു. മുംബൈയിൽ വെച്ചാണ് വിവാഹം. ബന്ധുക്കൾ മാത്രമാണ് ചടങ്ങിൽ പങ്കെടുക്കുന്നത്.

ബാല്യകാല സുഹൃത്തുക്കളാണെങ്കിലും വീട്ടുകാർ നിശ്ചയിച്ച വിവാഹമാണ് ഇവരുടേത്. നേരത്തെ ഗോസിപ്പ് കോളങ്ങിൽ നടിയുടെ പ്രണയകഥ ചർച്ച വിഷയമായിരുന്നു. നടി തന്നെയാണ് ഇക്കാര്യം വെളിപ്പെടുത്തിയത്. എന്നാൽ അന്ന് പേരോ മറ്റ് വിവരങ്ങളോ വെളിപ്പെടുത്താൻ നടി തയ്യാറായില്ലായിരുന്നു. എന്നാൽ പിന്നീട് ഈ ബന്ധം അവസാനിപ്പിച്ചതിനെ കുറിച്ചും നടി തന്നെ വെളിപ്പെടുത്തുകയായിരുന്നു.