37 വയസിൽ കുഞ്ഞ്; അമ്മയാകുമോ എന്ന് ആശങ്കപ്പെട്ടിരുന്നു; ഒരാളുടെ അനു​ഗ്രഹം; കലാ മാസ്റ്റർ

ഡാൻസ് കൊറിയോ​ഗ്രാഫ് രം​ഗത്ത് വർഷങ്ങളുടെ അനുഭവ സമ്പത്തുള്ള കലാകാരിയാണ് കലാ മാസ്റ്റർ. ‍ഡാൻസിന് വേണ്ടി ജീവിതത്തിലെ വലിയൊരു ഭാ​ഗം സമർപ്പിച്ച കലാ മാസ്റ്റർ തെന്നിന്ത്യയിൽ ഐക്കോണിക്കായി മാറിയ നിരവധി ​ഗാനരം​ഗങ്ങൾ ചിട്ടപ്പെടുത്തി. 'കൊച്ചു കൊച്ചു സന്തോഷങ്ങൾ' എന്ന സിനിമയിലെ ഡാൻസ് കൊറിയോ​ഗ്രാഫിക്ക് ദേശീയ പുരസ്കാരം കലാ മാസ്റ്റർക്ക് ലഭിച്ചിട്ടുണ്ട്.

ഡാൻസ് വശമില്ലാത്ത താരങ്ങളെ പോലും അനായാസമായി ​ഗാനരം​ഗങ്ങളിൽ ചുവട് വെപ്പിക്കാൻ കലാ മാസ്റ്റർക്ക് കഴിയുന്നു. 12ാം വയസിൽ അസിസ്റ്റന്റ് കൊറിയോ​ഗ്രഫറായാണ് കലാ മാസ്റ്റർ കരിയർ തുടങ്ങുന്നത്. വിവിധ ഭാഷകളിലായി നാലായിരത്തോളം ​ഗാനങ്ങൾക്ക് കലാ മാസ്റ്റർ നൃത്തമൊരുക്കി.

കലാ മാസ്റ്ററുടെ കുടുംബത്തിലെ നിരവധി പേർ ഡാൻസ് കൊറിയോ​ഗ്രഫിയിൽ പേരെടുത്തിട്ടുണ്ട്. കലയുടെ ഇളയ സഹോദരിയാണ് പ്രമുഖ കൊറിയോ​ഗ്രഫർ ബ്രിന്ദ മാസ്റ്റർ. ​ഗിരിജ, ജയന്തി എന്നീ സഹോരിമാരും കൊറിയോ​ഗ്രഫ് രം​ഗത്ത് ശോഭിച്ചു. രണ്ട് വിവാഹങ്ങളാണ് കലാ മാസ്റ്ററുടെ ജീവിതത്തിൽ നടന്നത്. യുഎഇയിൽ ബിസിനസ് ചെയ്യുന്ന ​ഗോവിന്ദരാജനായിരുന്നു ആദ്യ ഭർത്താവ്. 1997 ലാണ് വിവാഹം നടന്നത്. നടി സ്നേഹയുടെ സഹോദരനാണ് ​ഗോവിന്ദരാജൻ.

വിവാഹശേഷം കല ദുബായിലേക്ക് പോയി. എന്നാൽ പിന്നീട് ഇരുവർക്കും ഇടയിൽ പ്രശ്നങ്ങൾ ഉടലെടുത്തു. ചെന്നെെയിലേക്ക് തിരിച്ചെത്തിയ കല കൊറിയോ​ഗ്രഫി കരിയർ വീണ്ടും തുടർന്നു. 1999 ലാണ് ഇവർ വിവാഹമോചിതരായത്. 2004 ലാണ് കല രണ്ടാമതൊരു വിവാഹത്തിന് തയ്യാറായത്. മഹേഷ് എന്നാണ് ഭർത്താവിന്റെ പേര്. 2007 ൽ വിദ്യുത് എന്ന മകനും ദമ്പതികൾക്ക് ജനിച്ചു. തനിക്കും കുടുംബത്തിനും എല്ലാ വിധ ഐശ്വര്യങ്ങളും നൽകുന്ന ശക്തിയെ പരിചയപ്പെടുത്തുകയാണ് കലാ മാസ്റ്റർ ഇപ്പോൾ.

​ഗണപതി ഭ​ഗവാനാണ് തന്നെയും കുടുംബത്തെയും സംരക്ഷിക്കുന്നതെന്ന് കല പറയുന്നു. വീട്ടിൽ പൂജിക്കുന്ന വിനായക വി​ഗ്രഹവം കലാ മാസ്റ്റർ കാണിക്കുന്നുണ്ട്. ​ഒരു തമിഴ് ചാനലിന് നൽകിയ അഭിമുഖത്തിലാണ് കലാ മാസ്റ്റർ ഇക്കാര്യങ്ങൾ പങ്കുവെച്ചത്. 20 വർഷമായി ഈ ​ഗണപതി വി​ഗ്രഹം തന്റെ വീട്ടലുണ്ടെന്ന് കലാ മാസ്റ്റർ പറയുന്നു. വീട്ടിൽ കൊണ്ട് വന്ന ശേഷം തന്റെ ജീവിതത്തിൽ ഒരുപാട് ഉയർച്ചകളുണ്ടായി.

37 വയസായത് കാരണം എനിക്ക് കുഞ്ഞ് പിറക്കുമോ എന്ന് തോന്നിയിരുന്നു. അത്ഭുതം പോലെ ആ അനു​ഗ്രഹങ്ങളെല്ലാം തന്നത് ​ഗണപതി ഭ​ഗവാനാണെന്നും കലാ മാസ്റ്റർ വ്യക്തമാക്കി. വീട്ടിൽ ഒരാളുണ്ടെന്ന തോന്നലുണ്ട്. ദിവസേന പൂജ നടക്കും. പൂജകളിൽ ഭർത്താവും മകനും പങ്കെടുക്കും. വിനായക ചതുർത്ഥി ആഘോഷമാക്കാറുണ്ടെന്നും കലാ മാസ്റ്റർ വ്യക്തമാക്കി.

ഇഷ്ടമാണെങ്കിൽ ഒരാൾക്ക് മാത്രം ഈ വി​ഗ്ര​ഹം എടുത്ത് പൊക്കാൻ പറ്റും. അദ്ദേഹത്തിന് തോന്നിയില്ലെങ്കിൽ നാല് പേർ വിചാരിച്ചാലും ഈ വി​ഗ്രഹം എടുക്കാൻ പറ്റില്ല. എന്തെങ്കിലും നല്ല കാര്യങ്ങൾ നടന്നാൽ മൗനം വ്രതം എടുക്കാറുണ്ട്. ഈ വി​ഗ്രഹത്തിന് മാത്രമായി മുപ്പതോളം വസ്ത്രങ്ങളുണ്ടെന്നും കലാ മാസ്റ്റർ വ്യക്തമാക്കി.

റിലീസിനൊരുങ്ങുന്ന ചന്ദ്രമുഖി 2 എന്ന ചിത്രത്തിൽ ഡാൻസ് കൊറിയോ​ഗ്രാഫ് ചെയ്തിരിക്കുന്നത് കലാ മാസ്റ്ററാണ്. ഡാൻസ് അറിയാത്ത നടി കങ്കണ റണൗത്തിനെയാണ് കലാ മാസ്റ്റർ ക്ലാസിക്കൽ ഡാൻസിൽ ചുവട് വെപ്പിച്ചത്. നേരത്തെ ചന്ദ്രമുഖി ഒന്നാം ഭാ​ഗത്തിനും ​കൊറിയോ​ഗ്രാഫർ കലാ മാസ്റ്ററായിരുന്നു. തമിഴ്നാട് സർക്കാരിന്റെ പുരസ്കാരവും ഈ ചിത്രത്തിലൂടെ കലാ മാസ്റ്റർ നേടി.