Don't Miss!
- News നമുക്കൊരു ഒന്നൊന്നര മൾട്ടിബാഗർ ഉണ്ടെന്ന് പറ; ഇത്രയും വർഷം കൊണ്ട് 1,38,900 ശതമാനം നേട്ടം..! ആരായാലും ഞെട്ടും
- Finance 10,000 രൂപ വളർന്നത് 1 ലക്ഷമായി, കീശ വീർപ്പിച്ച് മൾട്ടിബാഗർ ഓഹരി, മുന്നേറ്റം തുടരുമെന്ന് ബ്രോക്കറേജ്
- Technology പോക്കറ്റ് കാലിയാക്കാത്ത ഒരു എഐ ക്യാമറാ ഫോൺ; മോട്ടോ എഡ്ജ് 50 പ്രോയുടെ ഇന്ത്യൻ ലോഞ്ച് സ്ഥിരീകരിച്ചു
- Automobiles സ്കോഡയുടെ ബജറ്റ് ഇവി; വരാനിരിക്കുന്ന എപിക്കിന്റെ ഹൈലൈറ്റുകൾ ഇവയൊക്കെ
- Travel മംഗലാപുരത്ത് നിന്ന് രാമേശ്വരത്തേയ്ക്ക് നേരിട്ട് ട്രെയിൻ; പഴനി, മധുരൈ, കൊടൈക്കനാൽ യാത്രകൾ ഇനി എളുപ്പം
- Sports IPL 2024: രോഹിത് ഫാന്സ് അതിരുവിടുന്നോ? ഹാര്ദിക്കിന് ചിലത് പറയാനുണ്ട്! മുന്നറിയിപ്പോ?
- Lifestyle സ്ത്രീകളെ അപകടത്തിലാക്കും അണുബാധകള്: അറിയേണ്ടത് ഇതെല്ലാം
മണിച്ചിത്രത്താഴ് കാണേണ്ട, റിഹേഴ്സലും വേണ്ട; ഒടുവിൽ ചന്ദ്രമുഖി കണ്ടപ്പോൾ ജ്യോതികയുടെ പ്രതികരണം; കലാ മാസ്റ്റർ
മലയാളത്തിലെ ക്ലാസിക് സിനിമകളിൽ ഒന്നായാണ് ഫാസിൽ ഒരുക്കിയ മണിച്ചിത്രത്താഴ് എന്ന സിനിമയെ പ്രേക്ഷകർ കാണുന്നത്. 1993 ൽ പുറത്തിറങ്ങിയ സിനിമ വൻ ഹിറ്റായിരുന്നു. ശോഭന, മോഹൻലാൽ, സുരേഷ് ഗോപി, നെടുമുടി വേണു, തിലകൻ തുടങ്ങിയ താര നിരകൾ അണിനിരന്ന സിനിമ പിന്നീട് മറ്റു ഭാഷകളിലേക്ക് റീമേക്ക് ചെയ്യപ്പെടുകയും ഉണ്ടായി.
ഹിന്ദിയിൽ ഭൂൽ ഭുലയ്യ എന്ന പേരിലും തമിഴിൽ ചന്ദ്രമുഖി എന്ന പേരിലുമാണ് സിനിമ റീമേക്ക് ചെയ്യപ്പെട്ടത്. 2002 ലാണ് ചന്ദ്രമുഖി എന്ന സിനിമ റിലീസായത്. രജനീകാന്ത്, ജ്യോതിക, പ്രഭു, നയൻതാര എന്നിവരായിരുന്നു സിനിമയിലെ പ്രധാന കഥാപാത്രങ്ങൾ.
ശോഭന മലയാളത്തിൽ ചെയ്ത വേഷമാണ് ജ്യോതിക തമിഴിൽ ചെയ്തത്. സിനിമ വലിയ ഹിറ്റുമായി. രജനീകാന്ത് എന്ന സൂപ്പർ സ്റ്റാറിന്റെ സിനിമ ആയതിനാൽ തന്നെ സിനിമയിൽ നടന്റെ താരമൂല്യം പരിഗണിച്ചുള്ള ചില മാറ്റങ്ങളും ഉണ്ടായിരുന്നു.
നടന്റെ കരിയറിലെ തന്നെ വലിയ ഹിറ്റുകളിൽ ഒന്നായി സിനിമ മാറി. മണിച്ചിത്രത്താഴിലെ ക്ലെെമാക്സ് രംഗമാണ് സിനിമയിലെ പ്രധാന ഹൈലറ്റുകളിൽ ഒന്ന്. ഒരു മുറൈ വന്ത് പാരായ എന്ന എന്ന ഗാനവും ശോഭനയുടെ ഡാൻസും ഇന്നും പ്രേക്ഷക മനസ്സിൽ നിലനിൽക്കുന്നു.
ഇതേ രംഗം തമിഴിലും ഹിന്ദിയിലുമുണ്ട്. ചന്ദ്രമുഖിയിൽ രാ... രാ എന്ന ഗാനമാണ് ക്ലെെമാക്സിൽ വന്നത്. ജ്യോതിക മികച്ച രീതിയിൽ തമിഴ് പ്രേക്ഷകർക്ക് വേണ്ട രീതിയിൽ ഈ ഗാനത്തിൽ അഭിനയിക്കുകയും ചെയ്തു. ഈ ഗാനത്തിന് കൊറിയോഗ്രാഫി ചെയ്തതിനെ പറ്റി സംസാരിക്കുകയാണ് കലാ മാസ്റ്റർ. അമൃത ടിവിയോടാണ് പ്രതികരണം.
'ചന്ദ്രമുഖിയുടെ ഗാനം കേട്ടപ്പോൾ ഇത് ചെയ്യാൻ പറ്റില്ലെന്ന നെഗറ്റീവ് സംസാരമാണ് വന്നത്. കാരണം ജ്യോതികയ്ക്ക് ക്ലാസിക്കൽ അറിയില്ല. റിഹേഴ്സൽ ചെയ്യുമ്പോൾ എന്തിനാണ് കലാ മാസ്റ്റർ ജ്യോതികയ്ക്ക് കൊറിയോഗ്രഫി ചെയ്യുന്നതെന്ന് സംസാരം വന്നു. ഞാൻ ഒന്നും പറഞ്ഞില്ല'
'ജ്യോതിക വന്നു. റിഹേഴ്സൽ കണ്ടിട്ട് ഇത്രയും ബുദ്ധിമുട്ടുള്ള സ്റ്റെപ്പുകൾ എനിക്കാണോ എന്ന് ചോദിച്ചു. ഞാൻ പറഞ്ഞു ഇവിടെ ചെയ്യില്ല. ഷൂട്ടിംഗിൽ ചെയ്യാം എന്ന് ഞാൻ പറഞ്ഞു. എനിക്ക് റിഹേഴ്സൽ വേണമെന്ന് പറഞ്ഞു. പക്ഷെ വേണ്ടെന്ന് ഞാൻ പറഞ്ഞു. കാരണം ക്ലാസിക്കൽ ഡാൻസിന് റിഹേഴ്സൽ കൊടുക്കുമ്പോൾ മുദ്ര പോവും'
'പെട്ടെന്ന് പറഞ്ഞാൽ ചെയ്യും. അല്ലെങ്കിൽ ചെയ്ത് ചെയ്ത് മോശമാവും. വിനീത് എനിക്ക് വലിയ സപ്പോർട്ട് ആയിരുന്നു. ഞാൻ വിനീതിനോടൊപ്പം നിറയെ സിനിമകൾ ചെയ്തു. ഓരോ ഷോട്ടും സമയമെടുത്താണ് എടുത്തത്. അത് കഴിഞ്ഞ് ഷൊർണൂരിൽ നിന്നും ചെന്നെെയിലേക്ക് വരുമ്പോൾ ജ്യോതിക പറഞ്ഞു, ഞങ്ങൾ നിങ്ങളെ കാത്തിരിക്കുകയാണ്. പ്രിവ്യൂവിൽ ഡാൻസ് കാണാനെന്ന്. കാണ്ടപ്പോൾ ഭയങ്കര ഹാപ്പി ആയി'
'ഞാൻ ജ്യോതികയ്ക്ക് സാരി സമ്മാനം നൽകി. ജ്യോതിക എനിക്ക് ഡയമണ്ട് വള തന്നു. ഒരു ഫ്രണ്ട്ലി ഗിഫ്റ്റ് ആയിരുന്നു. മണിച്ചിത്രത്താഴും കന്നഡ റീമേക്കും കണ്ടിരുന്നില്ല. കാണണമെന്ന് ഡയറക്ടർ പറഞ്ഞു. കണ്ടാൽ ആ മൂവ്മെന്റുകൾ മനസ്സിലുണ്ടാവും. കാണാതെ ചെയ്യാം എന്ന് പറഞ്ഞു,' കലാ മാസ്റ്റർ പറഞ്ഞതിങ്ങനെ.
-
'നിവിനെ നമുക്ക് കൺട്രോൾ ചെയ്യാൻ പറ്റില്ല, ചിരി വന്നിട്ട് തന്നെയാണ് ആ പ്രോഗ്രാമിൽ ചിരിക്കുന്നത് നിബന്ധനയില്ല'
-
'ഇനി ആരും എന്റെ കളി കളിക്കരുത്... എനിക്ക് തെറ്റുപറ്റി...'; ആറാം സീസണിലെ ആദ്യ എവിക്ഷനിലൂടെ രതീഷ് പുറത്തേക്ക്!
-
ദിലീപേട്ടന് പിടിക്കാന് പറ്റിയില്ല, തെങ്ങിന് മുകളില് നിന്നും താഴേക്ക് വീണു! ജോക്കര് സിനിമയെ കുറിച്ച് പക്രു