മോഹൻലാലിന്റെ ജോർജുകുട്ടി വീണ്ടും എത്തുന്നു? ദൃശ്യത്തിന്റെ രണ്ടാം ഭാഗം, സൂചന നൽകി നടൻ...

ദൃശ്യത്തിന്റെ രണ്ടാം ഭഗാത്തിനെ കുറിച്ച് ചിന്തയുണ്ടെന്ന് ലാലേട്ടൻ ഒരിക്കൽ തന്നോട് സൂചിപ്പിച്ചിരുന്നു. ചിത്രത്തിന്റെ അടുത്ത ഭാഗത്ത കുറിച്ച് ജീത്തു ആലോചിക്കുന്നുണ്ടെന്നാണ് അന്ന് അദ്ദേഹം പറഞ്ഞിരുന്നത്. കഥ കേൾക്കുകയും ഇഷ്ടപ്പെട്ടുവെന്നും ലാലേട്ടൻ അന്ന് തന്നോട് പറഞ്ഞിരുന്നു. എന്നാൽ പിന്നെ അതിനെ കുറിച്ച് മറ്റൊന്നു മറിയില്ല. ചിലപ്പോൾ സിനിമയുടെ വർക്കുകൾ നടക്കുന്നുണ്ടാകും.

ചിത്രത്തിന്റെ രണ്ടാം ഭാഗത്തിനുളള സാധ്യതയെ കുറിച്ചും ഷാജോൺ വ്യക്തമാക്കി. രണ്ടാം ഭാഗത്തിന് വളരെയധികം സാധ്യതയുളള ചിത്രമാണിത്. എന്നാൽ അത് ഏത് തരത്തിലുളളതാകുമെന്ന തനിയ്ക്ക് അറിയില്ല . മലയാളി പ്രേക്ഷകരും ചിത്രത്തിന്റെ രണ്ടാം ഭാഗത്തിനായി കാത്തിരിക്കുകയാണെന്ന് ആ കുറിപ്പിന് ലഭിച്ച സ്വീകാര്യതയിൽ നിന്ന് തനിയ്ക്ക് മനസ്സിലായി. ദൃശ്യത്തിന്റെ രണ്ടാം ഭാഗം സംഭവിക്കുമെന്ന് താനും പ്രതീക്ഷിക്കുന്നു എന്നും താരം പറഞ്ഞു.

ചിത്രം പുറത്തിറങ്ങി ഇത്രയും വർഷങ്ങൾക്ക് ശേഷവും മലയാളികളുടെ മനസ്സിൽ ഈ കഥാപാത്രം ആഴത്തിൽ പതിഞ്ഞ് കിടക്കുന്നു എന്നു പറയുന്നത് വലിയ കാര്യം തന്നെയാണ്. കുറിപ്പ് വൈറലായതോടെ നിരവധി പേർ തനിയ്ക്ക് അത് ഷെയർ ചെയ്യുകയും വിളിച്ച് പറയുകയും ചെയ്തിരുന്നു. ദൃശ്യത്തിൽ സഹദേവൻ എന്ന പോലീസുകാരനായിട്ടാണ് ഷാജോൺ എത്തിയത്. അതുവരെ കോമഡി കഥാപാത്രത്തിൽ പ്രത്യക്ഷപ്പെട്ട താരത്തെ, രൂപത്തിലും ഭാവത്തിലും വേറൊരു ഗെററുപ്പിലാണ് ചിത്രത്തിൽ കണ്ടത്. ഇത് അദ്ദേഹത്തിന്റെ കരിയർ തന്നെ മാറ്റി മറിക്കുകയായിരുന്നു.

ജീത്തു ജോസഫ്- മോഹൻലാൽ- ആന്റണി പെരുമ്പാവൂർ എന്നിവർ ഒന്നിച്ച ചിത്രം ബോക്സോഫീസിൽ വൻ കളക്ഷനായിരുന്നു നേടിയത്. മലയാളത്തിൽ ജോർജ്ജ് കുട്ടിയും കുടുംബവും ഹിറ്റായതോടെ ദൃശ്യം തമിഴിലും ഹിന്ദിയിലും എത്തിയിരുന്നു. തമിഴിൽ മോഹൻ ലാൽ ചെയ്ത കഥാപാത്രത്തെ അവതരിപ്പിച്ചത് കമൽ ഹാസനായിരുന്നു അത് ബോളിവുഡിൽ എത്തിയപ്പോൾ അജയ് ദേവ്ഗണാണ്. മൂന്ന് ഭാഷയിലും മികച്ച പ്രേക്ഷക ശ്രദ്ധ നേടാൻ ചിത്രത്തിനായിരുന്നു.