വലിയ കളക്ഷന്‍ നേടിയ ജയറാം ചിത്രം, എന്നാല്‍ അവസാനം സംഭവിച്ചത്, അനുഭവം പങ്കുവെച്ച് നിര്‍മ്മാതാവ്‌

പറഞ്ഞ സമയത്തും പറഞ്ഞ ബഡ്ജറ്റിലും രാജസേനന്‍ ചിത്രീകരിച്ചുതന്ന പടമാണ് കൊട്ടാരംവീട്ടിലെ അപ്പൂട്ടനെന്ന് കലിയൂര്‍ ശശി പറയുന്നു. 'എന്നാല്‍ സിനിമ മെയിന്‍ സെന്‌ററുകളില്‍ അധികം ഓടിയില്ല, അന്ന് ഡിസ്ട്രിബ്യൂഷന്‍ തര്‍ക്കമുണ്ടായിരുന്നു. പിന്നെ ആദ്യത്തെ ഡിസ്ട്രിബ്യൂട്ടറില്‍ നിന്നും സെന്‍ട്രല്‍ പിക്‌ചേഴ്‌സും സെഞ്ച്വറിയും പടം വാങ്ങി. റിലീസ് ചെയ്യാന്‍ ആദ്യത്തെ വിതരണക്കാരില്‍ നിന്നും അവര്‍ പൈസ മേടിച്ചു'.

'അന്ന് എറ്റവും കൂടുതല്‍ കളക്ഷന്‍ ലഭിച്ചത് കൊച്ചിന്‍ മലബാര്‍ ഏരിയകളിലാണ്. ട്രാവന്‍കൂര്‍ കളക്ഷനില്‍ മൂന്നാം സ്ഥാനമായിരുന്നു. എന്നാല്‍ ഇന്ന് കൂടുതല്‍ കളക്ഷന്‍റെ കാര്യത്തില്‍ ട്രാവന്‍കൂര്‍, കൊച്ചി, മലബാര്‍ എന്നിങ്ങനെയാണ് വരുന്നത്. മെയിന്‍ സെന്‌ററുകളേക്കാള്‍ കൂടുതല്‍ ബി ക്ലാസ് തിയ്യേറ്ററുകളില്‍ അന്ന് കൊട്ടാരംവീട്ടിലെ അപ്പൂട്ടന്‍ ഭയങ്കരമായിട്ട് ഓടി'.

ബി തിയ്യേറ്ററുകളില്‍ നിന്നെല്ലാം വലിയ ഷെയറാണ് ചിത്രത്തിന് ലഭിച്ചത്, നിര്‍മ്മാതാവ് പറയുന്നു. 'പക്ഷേ എനിക്കൊന്നും വന്നില്ല. എന്‌റെ ഡിസ്ട്രിബ്യൂട്ടര്‍ മറ്റ് രണ്ട് ഡിസ്ട്രിബ്യൂട്ടര്‍ക്ക് പൈസ കൊടുക്കാനുണ്ട്. എനിക്ക് ഒന്നും വന്നില്ല. അങ്ങനെ ഒരുപാട് പ്രശ്‌നങ്ങളായി. അസോസിയേഷന്‍ ഇടപെട്ടു. ജയറാമിന്‌റെ പടം എന്തായാലും ഓടും, ഒരു മിനിമം ഓട്ടം എന്തായാലും പ്രതീക്ഷിക്കാം'.

Recommended Video

വന്‍ താരനിരയുമായി ബിഗ്‌ബോസ് ഗ്രാന്‍ഡ് 18ന് | FilmiBeat Malayalam

'ഭയങ്കരമായിട്ട് ജനം സ്വീകരിച്ചതാണ് പടം. അതിന്‌റെ മൊത്തം കളക്ഷന്‍റെ തോത് വലിയ അമൗണ്ടാണ്. എനിക്ക് ഒരു അമ്പത് ലക്ഷം രൂപയെങ്കിലും മിനിമം കിട്ടിയിരിക്കണം. അന്നത്തെ അമ്പത് ഇന്നത്തെ അഞ്ച് കോടിയാണ്. പടം ഓടി നല്ലവണം. എനിക്ക് ആ പടത്തിന് 74 ലക്ഷം രൂപയായിട്ടുണ്ട്. എനിക്ക് പടം റിലീസ് ചെയ്യുമ്പോഴേക്കും 82 ലക്ഷം രൂപ വിറ്റുകിട്ടിയിട്ടുണ്ട്. ഡിസ്ട്രിബ്യൂഷന്‍ അമൗണ്ടും വിറ്റതെല്ലാം കൂടെ', കലിയൂര്‍ ശശി പറഞ്ഞു.