ലാലങ്കളിന്റെ ജീന്‍ അപ്പുച്ചേട്ടനും കിട്ടിയിട്ടുണ്ട്! ഡയലോഗൊക്കെ പെട്ടെന്ന് പഠിക്കുമെന്നും കല്യാണി

പ്രണവും കല്യാണിയും

മോഹന്‍ലാലും പ്രിയദര്‍ശനും തമ്മിലുള്ള ഓണ്‍ സ്‌ക്രീനും കെമിസ്ട്രിയെക്കുറിച്ചും ഓഫ് സ്‌ക്രീന്‍ സൗഹൃദത്തെക്കുറിച്ചുമൊക്കെ എല്ലാവര്‍ക്കും അറിയാവുന്നതാണ്. ഇരുവരുടേയും കുടുംബാഗംങ്ങള്‍ തമ്മിലും അടുത്ത സൗഹൃദമാണ്. പ്രണവും കല്യാണിയും തമ്മില്‍ പ്രണയത്തിലാണെന്ന തരത്തിലുള്ള ഗോസിപ്പുകള്‍ ഒരുകാലത്ത് പ്രചരിച്ചിരുന്നു. കുപ്രചാരണങ്ങളെ ഇരുവരും ചിരിച്ച് തള്ളുകയായിരുന്നു. നീണ്ട നാളത്തെ കാത്തിരിപ്പിനൊടുവില്‍ ഒരുമിച്ച് അഭിനയിക്കുകയാണ് ഇരുവരും ഇപ്പോള്‍.

തമാശ നിറഞ്ഞ അനുഭവം

അപ്പുച്ചേട്ടനൊപ്പം അഭിനയിക്കുന്നത് വളരെ രസകരമാണെന്നാണ് കല്യാണി പറയുന്നത്. കളിക്കൂട്ടുകാരാണ് തങ്ങളെന്നും വര്‍ഷങ്ങളായി തങ്ങളുടെ കുടുംബങ്ങള്‍ തമ്മിലും അടുത്ത ബന്ധമാണുള്ളതെന്ന് താരപുത്രി പറയുന്നു. അതിനാല്‍ത്തന്നെ ഒരുമിച്ചഭിനയിക്കുകയെന്ന കാര്യം വലരെ ഫണ്ണിയായാണ് തോന്നിയത്. വളരെ നാച്വലറായാണ് അപ്പുച്ചേട്ടന്‍ ഓരോ കാര്യങ്ങളും ചെയ്യുന്നത്. ലാല്‍ മാമയുടെ ജീന്‍ അദ്ദേഹത്തിനും കിട്ടിയിട്ടുണ്ട്. ഡയലോഗുകളും വരികളുമൊക്കെ ഓര്‍ത്തുവെക്കുന്നതില്‍ അസാമാന്യ കഴിവാണ് അദ്ദേഹത്തിന്. അത് തന്നെ അത്ഭുതപ്പെടുത്തിയെന്നും താരപുത്രി പറയുന്നു. ചരിത്ര സിനിമയായതിനാല്‍ പ്രത്യേക സംഭാഷണങ്ങളാണ് ഉപയോഗിക്കുന്നത്. തന്നെ സംബന്ധിച്ച് ഒറ്റകേള്‍വിയിലൊന്നും അതോര്‍ത്ത് വെയ്ക്കാന്‍ പറ്റുന്നില്ല, എന്നാല്‍ അപ്പുച്ചേട്ടന് അങ്ങനെയെല്ലെന്നും താരപുത്രി പറയുന്നു.

സിദ്ധാര്‍ത്ഥും അനിയും

കല്യാണിയുടെ സഹോദരനായ സിദ്ധാര്‍ത്ഥാണ് ചിത്രത്തിന്‍രെ വിഎഫ്എക്‌സ് അസോസിയേറ്റ്. സാന്‍ഫ്രാന്‍സിസ്‌കോയില്‍ നിന്നും പഠനം പൂര്‍ത്തിയാക്കിയതിന് പിന്നാലെയായാണ് താരപുത്രന്‍ ഈ സിനിമയില്‍ ജോയിന്‍ ചെയ്തത്. ഐവി ശശിയുടെ മകനായ അനി ശശി മരക്കാറിന്റെ അസിസ്റ്റന്റ് ഡയറക്ടറായും കോ സ്്ക്രിപ്റ്റ് റൈറ്ററായും പ്രവര്‍ത്തിക്കുന്നുണ്ട്. ഇവര്‍ക്ക് പുറമേ കീര്‍ത്തി സുരേഷും ചിത്രത്തില്‍ അഭിനയിക്കുന്നുണ്ട്. താരപുത്രന്‍മാരുടെയും താരപുത്രികളുടേയും സമാഗമത്തിന് കൂടിയാണ് മരക്കാര്‍ സാക്ഷ്യം വഹിക്കുന്നത്.

അച്ഛന്റെ വിമര്‍ശനം

തന്റെ ഏറ്റവും വലിയ വിമര്‍ശകരിലൊരാളാണ് ഡാഡിയെന്നും കല്യാണി പറയുന്നു. അച്ഛനൊപ്പം ആദ്യമായി അഭിനയിക്കുന്നതിന്‍രെ ടെന്‍ഷന്‍ തനിക്കുണ്ടായിരുന്നു. തന്റെ അഭിനയം കണ്ട് അദ്ദേഹം വിമര്‍ശിക്കാറുണ്ട്. എവിടെയാണ് താന്‍ ഇംപ്രൂവ് ചെയ്യേണ്ടതെന്നതിനെക്കുറിച്ച് അദ്ദേഹത്തിന് കൃത്യമായ ധാരണയുണ്ട്. പ്രിയദര്‍ശന്റെ അസോസിയേറ്റായി പ്രവര്‍ത്തിച്ച വിക്രം കുമാറിന്റെ ഹലോ എന്ന തെലുങ്ക് സിനിമയിലൂടെയാണ് കല്യാണി തുടക്കം കുറിച്ചത്. മരക്കാറിനെ പുറമെ പുതിയ തെലുങ്ക് സിനിമകളിലും കല്യാണി അഭിനയിക്കുന്നുണ്ട്.

അനി പറഞ്ഞത്?

തന്റെ ആദ്യ ഷോട്ടെടുക്കുന്നതിന് മുന്‍പ് പ്രിയനങ്കിള്‍ ഒരു ദീര്‍ഘനിശ്വാസമെടുത്ത് എല്ലാം ശരിയായി വരണമെന്ന് പ്രാര്‍ത്ഥിക്കുമെന്ന് തനിക്കുറപ്പായിരുന്നുവെന്നായിരുന്നു അനി ശശി തന്നോട് പറഞ്ഞതെന്നും കല്യാണി പറയുന്നു. അച്ഛനോടൊപ്പം പ്രവര്‍ത്തിക്കണമെന്ന് വളരെ മുന്‍പേ ആഗ്രഹിച്ചിരുന്നുവെങ്കിലും അങ്ങനെയൊരുവസരം ലഭിച്ചപ്പോള്‍ ടെ്ന്‍ഷനായിരുന്നു തനിക്കെന്നും കല്യാണി പറയുന്നു.

ടെന്‍ഷനിലായിരുന്നു

മുന്‍പില്ലാത്ത തരത്തിലുള്ള ടെന്‍ഷനോടെയാണ് താന്‍ മരക്കാറിലേക്കെത്തിയതെന്ന് താരപുത്രി പറയുന്നു. 90 ലധികം സിനിമകളൊരുക്കിയ ഡാഡും ഇതേ ടെന്‍ഷനിലായിരുന്നുവെന്നുള്ളതാണ് തമാശ. തന്റെ ഭാഗം ചിത്രീകരിക്കുന്നതിനിടയിലാണ് അദ്ദേഹം നെര്‍വേസ് ആകുന്നത്. ഷോട്ടിന് വേണ്ടി റെഡിയാവുമ്പോഴുള്ള തന്റെ ഹൃദയമിടിപ്പിനെക്കുറിച്ച് അവിടെക്കൂടിയവര്‍ക്കെല്ലാം കേള്‍ക്കാമെന്നും കല്യാണി പറയുന്നു.

അച്ഛന്‍ അങ്ങനെ പറഞ്ഞതിന് പിന്നിലെ കാരണം

തനിക്കൊപ്പം പ്രവര്‍ത്തിക്കുന്നതിന് മുന്‍പ് മകള്‍ മറ്റ് സംവിധായകര്‍ക്കൊപ്പം പ്രവര്‍ത്തിക്കണമെന്നായിരുന്നു പ്രിയദര്‍ശന്റെ ആഗ്രഹം. ഇപ്പോഴത്തെ നെര്‍വേസ് മുന്‍കൂട്ടി ക്ണ്ട് തന്നെ കംഫര്‍ട്ടാക്കി മാറ്റുന്നതിന് വേണ്ടിയാണ് അദ്ദേഹം അങ്ങനെ ചെയ്തതെന്നും താരപുത്രി പറയുന്നു. തന്റെ സിനിമയിലൂടെയായിരിക്കരുത് മകളുടെ അരങ്ങേറ്റമെന്നായിരുന്നു പ്രിയദര്‍ശന്‍ ആഗ്രഹിച്ചിരുന്നത്. ഹലോ എന്ന തെലുങ്ക് ചിത്രത്തിലൂടെ തുടക്കം കുറിച്ച കല്യാണിയുടെ ആദ്യ മലയാള സിനിമയാണ് മരക്കാര്‍.