ഓർമ്മകൾ കുറച്ചേയുള്ളൂ, അടുത്തവര്‍ക്ക് അദ്ദേഹത്തെ ഓര്‍ക്കാന്‍ അതുമതി, കണ്ണന്‍ സാഗറിന്‍റെ കുറിപ്പ് വൈറല്‍

ജിമ്മി ചേട്ടന്‍

ഈ ഷോ ഗൾഫ് നാടുകളിൽ യാത്രപോയി, ആ കൂടെ ഗായകനും, അഭിനേതാവുമായി പ്രിയപ്പെട്ട കലാഭവൻ ജിമ്മിചേട്ടൻ ഉണ്ടായിരുന്നു, ഒരു ചെറുതമാശക്കുപോലും ആർത്ഥലച്ചു ചിരിക്കുന്ന നിഷ്കളങ്കനായ, ജീവിതത്തിൽ പലർക്കും സംഭവിച്ച ചിലകാര്യങ്ങൾ തമാശകലർത്തി ഇദ്ദേഹം പറയാറുണ്ട്, പിന്നെ പരിസരം മറന്നുള്ള ചിരിയുടെ പൊടിപൂരമാണ്.

പോസിറ്റീവ് എനര്‍ജി

സംഗീതവും, അത്യാവശ്യം അഭിനയവും, എപ്പോഴും ചിരിച്ച മുഖവും, അതിലേറെ സ്നേഹവും നിറഞ്ഞ, ജിമ്മിചേട്ടാന്നു വിളിച്ചു കൂടെ കൂടിയപ്പോഴക്കെ, സാമീപ്യം കൊണ്ട് പോസിറ്റീവ് എനർജിയോടെ നിലനിന്ന ജേഷ്ട്ടതുല്യനായ ഒരു കലാ പ്രതിഭ തന്നെയായിരുന്നു, കലാഭവൻ ജിമ്മിയെന്ന അനുഗ്രഹീതനായ ഇദ്ദേഹം...
കഴിഞ്ഞ ദിവസം ഒരു ഞെട്ടലോടെയാണ് ആ വാർത്ത കാതുകളിൽ വന്നത്, വിശ്വസിക്കാൻ ആയില്ല, മറ്റു വാട്സ്ആപ്പ് ഗ്രൂപ്പുകളിൽ പരതി നോക്കി ശരിയാണ് അദ്ദേഹം യാത്രയായി.

അതുമതി

കുറച്ചേ ഉള്ളൂ ഓർമ്മകൾ എങ്കിലും, അദ്ദേഹത്തോടെ അടുത്തവർക്ക് അതുമതി ജീവിതത്തിൽ ഓർത്തിരിക്കാൻ, അതുപോലെ മനസിനോട് അടുക്കുന്ന ഒരു മാസ്മരിക സ്വഭാവം അദ്ദേഹത്തിന് ദൈവം നൽകിയിട്ടുണ്ട്, ആരോടും പിണങ്ങാത്ത, കൂടുതൽ ഇഷ്ട്ടപ്പെടുന്ന ജിമ്മിചേട്ടന്. മരണം വരുമൊരു നാൾ, ഓർക്കുക മർത്യാനീ"...
ഈ മരണപ്പാട്ടു അത്രഫീലിൽ പാടിയിരിക്കുന്നത് ഇദ്ദേഹമാണ്.

Recommended Video

താരപ്രഭക്കിടയിലും ലുക്കിൽ തിളങ്ങിയത് ഇക്ക തന്നെ | FilmiBeat Malayalam

ഭക്തിഗാനങ്ങള്‍

ഒരുപാട് ക്രിസ്തീയ ഭക്തിഗാനങ്ങൾ പാടി ഹിറ്റാക്കിയിട്ടുണ്ട്, കലാഭവന്റെ വേൾഡ് ടൂറിൽ നിറ സാനിദ്യമായിരുന്നു കലാഭവൻ ജിമ്മിചേട്ടൻ. മനസിന്‌ ഓർമ്മകൾ വരുമ്പോൾ ചുണ്ടകളിൽ ഒരു വിതുമ്പൽ,കണ്ണുകൾക്ക്‌ ഒരു നനവ്, ആ മുഖത്തുള്ള ചിരിമായുന്നില്ല. പ്രിയ സോദരന്, അനുഗ്രഹീതനായ ആ കലാകാരന്, കണ്ണീർ പൂക്കളാൽ പ്രണാമം,. ഇനിയൊരു ജന്മമുണ്ടെങ്കിൽ, നമുക്കാ, സരയൂ തീരത്തുകാണാമെന്നുമായിരുന്നു കണ്ണന്‍ സാഗര്‍ കുറിച്ചത്.