'ഭാര്യ ​ഗർഭിണിയായിരിക്കെ കാണാൻ വന്ന സഹോദരി'; കാർത്തിക്ക് രണ്ടാമതും വിവാഹിതനായത് ഇങ്ങനെ?

എൺപതുകളിൽ തമിഴ് സിനിമാ രം​ഗത്ത് തരം​ഗം സൃഷ്ടിച്ച നടനാണ് കാർത്തിക്. റൊമാന്റിക് ഹീറോയായി തിളങ്ങിയ കാർത്തിക് നിരവധി സിനിമളിൽ ശ്രദ്ധേയ വേഷങ്ങൾ അവതരിപ്പിച്ചു. പ്ര​ഗൽഭ ഫിലിം മേക്കർ ഭാരതിരാജയാണ് കാർത്തിക്കിനെ തമിഴ് സിനിമാ രം​ഗത്തേക്ക് കൊണ്ട് വരുന്നത്. വളരെ പെട്ടെന്നായിരുന്നു കാർത്തിക്കിന്റെ കുതിച്ചുയരൽ. 125 സിനിമകളിലേറെ കാർത്തിക് അഭിനയിച്ചു. 1987 മുതൽ 91 വരെയായിരുന്നു കാർത്തിക്കിന്റെ കരിയറിലെ സുവർണകാലം.

90 കളുടെ അവസാനത്തോടെ നടന്റെ താരമൂല്യത്തിൽ ഇടിവ് സംഭവിച്ചു. ഇപ്പോൾ സിനിമാ രം​ഗത്ത് കാർ‌ത്തിക് സജീവമല്ല. കാർത്തിക്കിന്റെ മകനാണ് യുവ നടൻ ​ഗൗതം കാർത്തിക്. ആദ്യ ഭാര്യ ​രാ​ഗിണി മുത്തുരാമനിൽ കാർത്തിക്കിന് പിറന്ന രണ്ട് മക്കളിൽ ഒരാളാണ് ​ഗൗതം കാർത്തിക്. രാ​ഗിണി മുത്തുരാമന്റെ സഹോദരി രതി മുത്തുരാമനെയാണ് കാർത്തിക് രണ്ടാമത് വിവാഹം ചെയ്തത്. 1988 ലാണ് രാ​ഗിണി-കാർത്തിക് വിവാഹം നടന്നത്. 1992 ൽ രതിയെയും നടൻ വിവാഹം ചെയ്തു. ആദ്യ വിവാഹം നിലനിൽക്കെയായിരുന്നു രണ്ടാം വിവാഹം.

​കാർത്തിക്കിന്റെ ജീവിതത്തെക്കുറിച്ചും കരിയറിലുണ്ടായ വീഴ്ചയെക്കുറിച്ചും സിനിമാ, രാഷ്ട്രീയ നിരീക്ഷകൻ ഡോ. കാന്തരാജും ഫിലിം ജേർണലിസ്റ്റ് ചെയ്യാറു ബാലുവും പറഞ്ഞ വാക്കുകളാണിപ്പോൾ ശ്രദ്ധ നേടുന്നത്. ഒരു കാലത്ത് കാർത്തിക്കിന് സ്ത്രീ പ്രേക്ഷകർക്കിടയിലുണ്ടായിരുന്ന സ്വീകാര്യത വളരെ വലുതായിരുന്നെന്ന് കാന്തരാജ് പറയുന്നു. ആ​ഗായം തമിഴ് എന്ന ചാനലിനോടാണ് പ്രതികരണം.

രാധ-കാർത്തിക് ജോഡി അക്കാലത്ത് ജനപ്രിയമായിരുന്നെന്നും ഡോ കാന്തരാജ് ഓർത്തു. ആദ്യ ഭാര്യ രാ​ഗിണിക്കൊപ്പമുള്ള കാർത്തിക്കിന്റെ ജീവിതത്തെക്കുറിച്ചും കാന്തരാജ് സംസാരിച്ചു. കല്യാണം കഴിഞ്ഞ് ​ഭാര്യ ​ഗർഭിണിയായപ്പോൾ അവരുടെ സഹോദരി കാണാൻ വന്നു. ഭാര്യയുടെ സഹോദരിയുമായി അടുക്കുകയും ഇവരെ രണ്ടാമത് വിവാഹം ചെയ്യുകയുമായിരുന്നെന്ന് ഡോ കാന്തരാജ് പറയുന്നു.

നേരത്തെ ഫിലിം ജേർണലിസ്റ്റ് ചെയ്യാറു ബാലുവും കാർത്തിക്കിനെക്കുറിച്ച് സമാന വിഷയങ്ങൾ സംസാരിച്ചിരുന്നു. കാർത്തിക്കും മകൻ ​ഗൗതം കാർത്തിക്കും തമ്മിൽ ഇപ്പോഴും അകൽച്ചയിലാണെന്ന് ചെയ്യാറു ബാലു വെളിപ്പെടുത്തി. മകന്റെ വിവാഹം ആഘോഷപൂർവം നടത്തണമെന്ന് കാർത്തിക്കിനുണ്ടായിരുന്നു. എന്നാൽ ക്ഷണിക്കാൻ കുറച്ച് കത്തുകൾ മാത്രമാണ് ​ഗൗതം നൽകിയത്. വിവാഹത്തിന് കുറച്ച് സമയം മുമ്പാണ് ​കാർത്തിക് ചടങ്ങിനെത്തിയത് പോലുമെന്നും ചെയ്യാറു പറഞ്ഞു.

അതേസമയം അച്ഛനുമായി അസ്വരസ്യമുണ്ടെന്ന് കാർത്തിക് എവിടെയും പറഞ്ഞിട്ടില്ല. എന്നാൽ പിതാവിന്റെ സാമീപ്യം തനിക്ക് കുട്ടിക്കാലത്ത് ലഭിച്ചിട്ടില്ലെന്ന് ​ഗൗതം തുറന്ന് പറഞ്ഞിട്ടുണ്ട്. അടുത്തിടെ നൽകി ​ഒരു അഭിമുഖത്തിലാണ് കാർത്തിക്കിനെക്കുറിച്ച് ​ഗൗതം കാർത്തിക് സംസാരിച്ചത്. തന്റെ കുട്ടിക്കാലത്താണ് മാതാപിതാക്കൾ വേർപിരിഞ്ഞതെന്ന് ​ഗൗതം കാർത്തിക് തുറന്ന് പറഞ്ഞു. എന്നെയും അനിയനെയും വളർത്തിയത് അമ്മയാണ്. അച്ഛൻ സിനിമകളുടെ തിരക്കിലായിരുന്നു. വർഷത്തിൽ രണ്ട് തവണ ഫോൺ കോൾ വരും. ഇടയ്ക്ക് വന്ന് കാണും.

സുഹൃത്തുക്കളും കസിൻസുമാണ് അക്കാത്ത് തനിക്ക് ആശ്വാസമായതെന്നും ​ഗൗതം കാർത്തിക് തുറന്ന് പറഞ്ഞു. ആദ്യമായാണ് തന്റെ കുടുംബത്തെക്കുറിച്ച് ​ഗൗതം കാർത്തിക് തുറന്ന് പറഞ്ഞത്. തമിഴ് സിനിമാ രം​ഗത്ത് ​ഗൗതം കാർത്തിക് ഇന്ന് സജീവമാണ്. 2013 ൽ ​കടൽ എന്ന സിനിമയിലൂടെയാണ് നടൻ അഭിനയ രം​ഗത്തേക്ക് കടന്ന് വന്നത്. കഴിഞ്ഞ വർഷമാണ് ​ഗൗതം കാർത്തിക്കും നടി മഞ്ജിമ മോഹനും തമ്മിലുള്ള വിവാഹം നടന്നത്. ചെന്നെെയിൽ ലളിതമായ ചടങ്ങിലാണ് വിവാഹം നടന്നത്.