കാവ്യ മാധവനും ദിലീപും വടക്കുന്നാഥ ക്ഷേത്രത്തില്‍! സോഷ്യല്‍ മീഡിയയില്‍ തരംഗമായി ലേറ്റസ്റ്റ് ചിത്രം!

ചന്ദ്രനുദിക്കുന്ന ദിക്കില്‍ എന്ന ലാല്‍ ജോസ് ചിത്രത്തിനിലായിരുന്നു ദിലീപും കാവ്യ മാധവനും ആദ്യമായി ഒരുമിച്ച് അഭിനയിച്ചത്. കമിതാക്കളായിരുന്നുവെങ്കിലും ഇടയ്ക്ക് വെച്ച് ഇരുവരും വേര്‍പിരിയുകയും ഇവരുടെ ജീവിതത്തിലേക്ക് ബിജു മേനോനും സംയുക്ത വര്‍മ്മയും എത്തിച്ചേരുന്നതുമായിരുന്നു സിനിമയില്‍ കണ്ടത്. ബാലതാരമായി സിനിമയിലേക്കെത്തിയ കാവ്യ ആദ്യമായി നായികയായപ്പോള്‍ നായകനായത് ദിലീപായിരുന്നു. ഇവരുടെ കെമിസ്ട്രിക്ക് ശക്തമായ പിന്തുണ ലഭിച്ചതോടെ മലയാള സിനിമയിലെ ഹിറ്റ് താരജോഡിയായി മാറുകയായിരുന്നു ഇരുവരും.

തൃശ്ശൂരിലെ വടക്കുന്നാഥ ക്ഷേത്രത്തിലേക്ക് ദിലീപും കാവ്യ മാധവനും എത്തിയിരുന്നു. ക്ഷേത്രത്തിന് പുറത്തുവെച്ച് ജീവനക്കാര്‍ക്കൊപ്പം ഇരുവരും ഫോട്ടോയ്ക്ക് പോസ് ചെയ്തിരുന്നു. ആ ചിത്രമാണ് ഇപ്പോള്‍ ഗ്രൂപ്പുകളിലൂടെ വൈറലായിക്കൊണ്ടിരിക്കുന്നത്. നിരവധി പേരാണ് ചിത്രത്തിന് കീഴില്‍ കമന്റുകളുമായി എത്തിയിട്ടുള്ളത്. കഴിഞ്ഞ വര്‍ഷം വിജയദശമി ദിനത്തിലായിരുന്നു ഇവരുടെ ജീവിതത്തിലേക്ക് കുഞ്ഞതിഥി എത്തിയത്.

വിവാഹത്തോടെ പല നായികമാരും സിനിമാജീവിതം അവസാനിപ്പിക്കാറുണ്ട്. കാവ്യ മാധവനും അതേ തീരുമാനത്തിലാണോയെന്ന സംശയത്തിലാണ് ആരാധകര്‍. സിനിമയിലേക്കുള്ള വരവ് അടുത്തൊന്നുമില്ലെന്നായിരുന്നു ഇവരോട് അടുത്ത വൃത്തങ്ങള്‍ പറഞ്ഞത്. കുടുബത്തെ നോക്കി മുന്നേറാനാണ് താരത്തിന്റെ തീരുമാനമെന്ന തരത്തിലുള്ള വിവരങ്ങളും പുറത്തുവന്നിരുന്നു. പുതിയ വിശേഷങ്ങളെക്കുറിച്ച് അറിയുമ്പോഴെല്ലാം ആരാധകര്‍ ചോദിക്കുന്നത് ഇതേക്കുറിച്ചാണ്.

മുന്‍പെങ്ങുമില്ലാത്ത തരത്തിലുള്ള പ്രതിസന്ധികളിലൂടെയായിരുന്നു ഇരുവരും കടന്നുപോയത്. സിനിമയെ വെല്ലുന്ന തരത്തിലുള്ള കാര്യങ്ങളായിരുന്നു ജീവിതത്തിലും അരങ്ങേറിയത്. വിവാഹത്തിന് ശേഷം അത്ര നല്ല അനുഭവങ്ങളായിരുന്നില്ല ഇവരെ കാത്തിരുന്നത്. ആദ്യവര്‍ഷത്തെ അനുഭവം ഇതായിരുന്നുവെങ്കിലും പിന്നീട് അവസ്ഥ മാറിയിരുന്നു. കഴിഞ്ഞ വര്‍ഷമായിരുന്നു ഇവര്‍ക്കിടയിലേക്ക് മകള്‍ എത്തിയത്.

ശക്തമായ പിന്തുണയാണ് ആരാധകര്‍ ഇവര്‍ക്ക് നല്‍കിക്കൊണ്ടിരിക്കുന്നത്. ബഹിഷ്‌ക്കരണ ഭീഷണിക്കിടയില്‍ തിയേറ്ററുകളിലേക്കെത്തിയ രാമലീലയെ ഇവര്‍ ഇരുകൈയ്യും നീട്ടി സ്വീകരിച്ചിരുന്നു. സിനിമാജീവിതം അവസാനിച്ചുവെന്ന കരുതിയിടത്തുനിന്നും ശക്തമായ തിരിച്ചുവരവ് നടത്തുകയായിരുന്നു ദിലീപ്. നിരവധി സിനിമകളാണ് താരത്തിന്റേതായി ഒരുങ്ങുന്നത്.

ദിലീപിന്റേയും കാവ്യ മാധവന്റേയും മകളായ മഹാലക്ഷ്മിയുടെ മുഖം കാണാനായി കാത്തിരിക്കുകയാണ് ആരാധകര്‍. ഇരുപത്തെട്ടിനിടയിലെ ചിത്രങ്ങള്‍ പുറത്തുവന്നിരുന്നുവെങ്കിലും മകളുടെ ചിത്രം ഇരുവരും പങ്കുവെച്ചിരുന്നില്ല. ഒരു വയസ്സ് തികയുമ്പോള്‍ ദിലീപ് തന്നെ മകളുടെ ഫോട്ടോ പുറത്തുവിടുമെന്ന പ്രതീക്ഷയിലാണ് ആരാധകര്‍.