കാവ്യ മാധവന്റെ സന്തോഷത്തില്‍ പങ്കുചേരാന്‍ ദിലീപും മീനൂട്ടിയും മാത്രമല്ല! ആരാധകരുമുണ്ട്! കാണൂ!

ഫാന്‍സ് ഗ്രൂപ്പുകള്‍ സജീവം

കാവ്യ മാധവന്റെ സന്തോഷം ആരാധകരും ആഘോഷമാക്കി മാറ്റിയിട്ടുണ്ട്. നീണ്ട നാളത്തെ ഇടവേളയ്ക്ക് ശേഷം താരത്തിന്റെ പേരിലുള്ള ഫാന്‍സ് ഗ്രൂപ്പുകള്‍ സജീവമായിരിക്കുകയാണ് ഇപ്പോള്‍. പുതിയ ചിത്രങ്ങളും വിശേഷങ്ങളുമൊക്കെയായി ഗ്രൂപ്പുകള്‍ സജീവമാണ്. ഇന്‍സ്റ്റഗ്രാമിലും ചിത്രങ്ങള്‍ പോസ്റ്റ് ചെയ്യുന്നുണ്ട്. നിമിഷനേരം കൊണ്ടാണ് പല പോസ്റ്റുകളും വൈറലായി മാറുന്നത്. വിവാഹ ശേഷം അഭിനയത്തില്‍ സജീവമല്ലെങ്കിലും ഇടയ്ക്ക് നൃത്തവുമായി താരമെത്തിയിരുന്നു. അമേരിക്കന്‍ ഷോയില്‍ തിളങ്ങി നിന്നതും താരമായിരുന്നു.

ഗോസിപ്പുകള്‍ യാഥാര്‍ത്ഥ്യമാക്കിയ വിവാഹം

ഗോസിപ്പുകള്‍ യാഥാര്‍ത്ഥ്യമാക്കിയ താരവിവാഹം കൂടിയായിരുന്നു ഇവരുടേത്. തന്റെ പേരില്‍ ബലിയാടാക്കപ്പെട്ട ആളെത്തന്നെ വിവാഹം കഴിക്കാന്‍ തീരുമാനിക്കുകയായിരുന്നുവെന്ന് അന്ന് ദിലീപ് വ്യക്തമാക്കിയിരുന്നു. ആദ്യ വിവാഹം വേര്‍പിരിഞ്ഞ ഇരുവരേയും ചേര്‍ത്ത് ഗോസിപ്പുകള്‍ പ്രചരിച്ചിരുന്നു. സിനിമയ്ക്കപ്പുറത്ത് ജീവിതത്തിലും കാവ്യയെ ഒപ്പം ചേര്‍ക്കാന്‍ തീരുമാനിച്ചപ്പോള്‍ ആരാധകരായിരുന്നു ഏറെ സന്തോഷിച്ചതും.

പ്രതിസന്ധി ഘട്ടത്തിലെ പിന്തുണ

വ്യക്തി ജീവിതത്തില്‍ മുന്‍പെങ്ങുമില്ലാത്ത തരത്തിലുള്ള പ്രതിസന്ധികള്‍ ദിലീപിനെ തേടിയെത്തിയപ്പോള്‍ ശക്തമായ പിന്തുണ നല്‍കി കാവ്യ മാധവനും ഒപ്പമുണ്ടായിരുന്നു. രൂക്ഷവിമര്‍ശനങ്ങളുമായി സിനിമാലോകവും താരത്തിനെതിരെ തിരിഞ്ഞിരുന്നു. താരസംഘടനയായ എഎംഎംഎയില്‍ നിന്നും താരത്തെ പുറത്താക്കണമെന്നാവശ്യപ്പെട്ട് ഒരു വിഭാഗം രംഗത്തെത്തിയിരുന്നു. ശക്തമായ പിന്തുണ നല്‍കി കാവ്യ ദിലീപിന്റെ കുടുംബത്തിനെ ചേര്‍ത്തുപിടിച്ചിരുന്നു.

ആഘോഷങ്ങളിലൊന്നും ഒപ്പമില്ല

വിവാഹത്തിന് ശേഷമുള്ള പല ആഘോഷങ്ങളിലും കാവ്യ തനിച്ചായിരുന്നു. പിറന്നാള്‍ ദിനത്തില്‍ ജയിലില്‍ നിന്നും താരം വിളിച്ചുവെന്ന് റിപ്പോര്‍ട്ടുകളുണ്ടായിരുന്നു. ഓണത്തിനും സമാനമായ അവസ്ഥയിലായിരുന്നു താരം. പതറിപ്പോകാവുന്ന ഘട്ടമായിരുന്നിട്ട് കൂടി തന്റേടത്തോടെ പിടിച്ചുനില്‍ക്കുകയായിരുന്നു ഈ താരപത്‌നി.

കുഞ്ഞതിഥിക്കായുള്ള കാത്തിരിപ്പില്‍

ദിലീപും കാവ്യയും കുഞ്ഞതിഥിയെ വരവേല്‍ക്കാനുള്ള തയ്യാറെടുപ്പിലാണെന്ന തരത്തിലുള്ള റിപ്പോര്‍ട്ടുകള്‍ നേരത്തെയും പ്രചരിച്ചിരുന്നു. സിനിമാതിരക്കുകള്‍ക്കിടയില്‍ കുടുംബത്തിലെ സന്തോഷത്തെക്കുറിച്ച് ജനപ്രിയ നായകന്‍ മിണ്ടിയിരുന്നില്ല. കാവ്യ മാധവന്റെ അച്ഛനാണ് ഈ സന്തോഷത്തെക്കുറിച്ച് അറിയിച്ചത്. മെഡിക്കല്‍ ബിരുദ പഠനത്തിനായി മീനാക്ഷി ചെന്നൈയിലേക്ക് പോയന്നും അദ്ദേഹം പറഞ്ഞിരുന്നു.

മീനാക്ഷിക്ക് നല്‍കിയ പിന്തുണ

വളര്‍ന്നുവരുന്ന മകള്‍ക്ക് കൂട്ടായൊരാള്‍, രണ്ടാം വിവാഹത്തിന് മുന്‍പ് ദിലീപ് പറഞ്ഞത് ഇങ്ങനെയായിരുന്നു. സിനിമാതിരക്കുകള്‍ക്കിടയില്‍ പലപ്പോഴും മകളെ വേണ്ടത്ര പരിഗണിക്കാന്‍ പറ്റണമെന്നില്ല. അതിനിടയിലാണ് ഇനിയൊരു വിവാഹമെന്ന ആവശ്യവുമായി മീനാക്ഷി തന്നെ സമീപിച്ചതെന്നും എല്ലാ കാര്യത്തെക്കുറിച്ചും കൃത്യമായി അറിയാവുന്ന കാവ്യ മാധവനെ ജീവിതത്തിലേക്ക് ക്ഷണിക്കുകയായിരുന്നുവെന്നും അന്ന് ദിലീപ് പറഞ്ഞിരുന്നു. അച്ഛന്‍ അപ്രതീക്ഷിത സംഭവത്തെത്തുടര്‍ന്ന് തളര്‍ന്നുപോയപ്പോള്‍ മകള്‍ക്ക് ശക്തമായ പിന്തുണയാണ് കാവ്യ മാധവന്‍ നല്‍കിയത്.

പാപ്പരാസികളുടെ സ്വന്തം താരം

കാവ്യ മാധവനും മീനാക്ഷിയും സ്വരച്ചേര്‍്ച്ചയിലല്ലെന്ന് തരത്തിലുള്ള റിപ്പോര്‍ട്ടുകള്‍ ഒരിടയ്ക്ക് പ്രചരിച്ചിരുന്നു. അമേരിക്കന്‍ ഷോയിലെ ഫോട്ടോ പങ്കുവെച്ചാണ് ദിലീപ് ഇതേക്കുറിച്ച് പ്രതികരിച്ചത്. റിമി ടോമി, നമിത പ്രമോദ്, കാവ്യ മാധവന്‍ തുടങ്ങിയവര്‍ക്കൊപ്പം ചിരിച്ചുല്ലസിക്കുന്ന മീനാക്ഷിയുടെ ഫോട്ടോ കണ്ടപ്പോഴാണ് പാപ്പരാസികള്‍ക്ക് തൃപ്തിയായത്. ഇതിന് പിന്നാലെയും താരകുടുംബത്തെ തേടി നിരവധി വിവാദങ്ങളെത്തിയിരുന്നു.

സിനിമയിലേക്കൊരു തിരിച്ചുവരവില്ല?

വിവാഹത്തിന് ശേഷം സിനിമാഭിനയം നിര്‍ത്തുന്ന നായികമാരുടെ സ്ഥിരം ശൈലിയാണ് കാവ്യ മാധവനും പിന്തുടര്‍ന്നത്. കുടുംബ കാര്യങ്ങളുമായി ഒതുങ്ങിക്കഴിയാനാണ് താരം തീരുമാനിച്ചതെന്ന് അടുത്ത വൃത്തങ്ങള്‍ സൂചിപ്പിച്ചിരുന്നു. ഇതിന് പിന്നാലെയായാണ് പത്മസരോവരത്തിലെ പുതിയ സന്തോഷത്തെക്കുറിച്ചുള്ള റിപ്പോര്‍ട്ടുകളെത്തിയത്.