'ഇത് എന്റെ ഏറ്റവും വലിയ സന്തോഷം, ഒരു വർഷത്തിന് ശേഷം അത് സംഭവിക്കുന്നു'; പുതിയ വിശേഷം പറഞ്ഞ് അമൃത നായർ!

'അത് കിട്ടിയപ്പോള്‍ കളയാന്‍ തോന്നിയില്ല. ഈയൊരു സാഹചര്യത്തിൽ ഒരു പ്രോജക്ട് കൊണ്ട് മാത്രം മുന്നോട്ട് പോകാന്‍ പറ്റില്ല. അതൊരു സീരിയല്‍ അല്ല... പ്രോഗ്രാമാണ്. ഇതേ കുറിച്ച് കുടുംബവിളക്കിന്റെ അണിയറയില്‍ പറഞ്ഞപ്പോള്‍ എന്തെങ്കിലും അഡ്ജസ്റ്റ് ചെയ്യാന്‍ പറ്റുമോന്ന് നോക്കാമെന്ന് പറഞ്ഞു.'

'പക്ഷെ ആ പരിപാടിയുടെ ഷെഡ്യൂള്‍ ഡേറ്റും സീരിയലിന്റേയും ഒരുപോലെ വന്നപ്പോള്‍ ഒന്നും ചെയ്യാന്‍ പറ്റാത്ത അവസ്ഥയായി. എവിടെ ഡേറ്റ് കൊടുത്താലും ഞാൻ കാരണം അവിടൊരു പ്രശ്‌നം ഉണ്ടാവാന്‍ പാടില്ലല്ലോ. അങ്ങനെ ആലോചിച്ചിരുന്നപ്പോള്‍ ഏതെങ്കിലും ഒരെണ്ണം ഒഴിവാക്കേണ്ടി വരുമെന്നായി.'

'അങ്ങനെ രണ്ടില്‍ ഒന്ന് എന്ന അവസ്ഥ വന്നപ്പോള്‍ എനിക്ക് കുടുംബവിളക്ക് വേണ്ടെന്ന് വെക്കേണ്ടി വരികയായിരുന്നുവെന്നാണ്' അമൃത പെട്ടന്നുള്ള പിന്മാറ്റത്തിനുള്ള കാരണമായി പറഞ്ഞത്. ഇപ്പോഴിത ‌തന്റെ ജീവിതത്തിൽ സംഭവിച്ച ഏറ്റവും വലിയൊരു വിശേഷത്തെ കുറിച്ച് പങ്കുവെച്ച് എത്തിയിരിക്കുകയാണ് അമൃത നായർ.

ഒരു വർഷത്തെ ഇടവേളയ്ക്ക് ശേഷം വീണ്ടും മിനി സ്ക്രീനിലേക്ക് തിരിച്ചെത്തുന്നു എന്ന സന്തോഷമാണ് അമൃത പങ്കുവെച്ചത്. കുടുംബവിളക്കിന് ശേഷം വീണ്ടുമൊരു സീരിയലിന്റെ ഭാ​ഗമായിരിക്കുകയാണ് അമൃത നായർ. സൂര്യ ടിവിയിൽ സംപ്രേഷണം ചെയ്യുന്ന കളിവീട് സീരിയലിലാണ് അമൃത നായർ ഭാ​ഗമായിരിക്കുന്നത്.

റബേക്ക സന്തോഷ്, നിതിൻ ജേക്ക് ജോസഫ് എന്നിവരാണ് കളിവീട് എന്ന സീരിയലിൽ കേന്ദ്രകഥാപാത്രങ്ങളെ അവതരിപ്പിക്കുന്നത്. പൂജ എന്ന കഥാപാത്രത്തെയാണ് റബേക്ക സന്തോഷ് അവതരിപ്പിക്കുന്നത്. അർജുനായിട്ടാണ് നിതിൻ അഭിനയിക്കുന്നത്.

അർജുന്റെ സഹോദരൻ അഖിലായി അഭിനയിക്കുന്ന ജീവയുടെ ​ഗോപാലിന്റെ നായികയായിട്ടാണ് അമൃത നായർ കളിവീടിൽ അഭിനയിക്കുന്നത്. സൂര്യ ടിവിയിൽ സംപ്രേഷണം ചെയ്യുന്ന സീരിയലുകളിൽ ഏറ്റവും കൂടുതൽ‌ ജനപ്രീതിയും കളിവീട് സീരിയലിനാണ്.

ഇപ്പോഴിത കളിവീട് സീരിയലിന്റെ ഭാ​ഗമായ സന്തോഷം പങ്കുവെച്ച് അമൃത പോസ്റ്റ് ചെയ്ത വീഡിയോ വൈറലാവുകയാണ്.

'ഇത് എന്റെ ജീവിതത്തിലെ വലിയ സന്തോഷമാണ്. ഒരു വർഷത്തെ ഇടവേളയ്ക്ക് ശേഷം ഞാൻ മിനി സ്ക്രീനിലേക്ക് തിരിച്ച് വരുന്നുവെന്നതാണ് സന്തോഷം. കുറുപ്പ് മാരാരിക്കുളം സാർ സംവിധാനം ചെയ്യുന്ന കളിവീട് എന്ന സീരിയലിലൂടെയാണ് തിരിച്ചുവരവ്. പ്രധാന്യമുള്ള കഥാപാത്രം തന്നെയാണ്.'

'എന്റെ തുടക്കവും സൂര്യയിൽ നിന്നാണ്. ഇത് വരെയുള്ള സപ്പോർട്ട് ഇനിയും എനിക്ക് നിങ്ങൾ തരണം. എനിക്ക് കളിവീടിലെ ചിലരെ മാത്രമെ പരിചയമുണ്ടായിരുന്നുള്ളു. പക്ഷെ സെറ്റിൽ ചെന്നപ്പോൾ എല്ലാവരും നല്ല സപ്പോർട്ടായിരുന്നു. സീരിയൽ കണ്ട ശേഷം എല്ലാവരും അഭിപ്രായം പറയണം' അമൃത നായർ പറഞ്ഞു. നിരവധിപേരാണ് താരത്തിന് ആശംകളുമായി എത്തിയത്.