ചീത്തപ്പേര് മാറണമെങ്കിൽ അമ്മ വരണം!! ആ തൂവെളള ഷർട്ട് പിന്നിൽ ഇങ്ങനെയൊരു കഥയുണ്ട്...

എന്തിന് ഡിലീറ്റ് ചെയ്തു

ചിത്രത്തിലെ എല്ലാ സീനുകൾക്കും മികച്ച കൈയ്യടിയാണ് തിയേറ്ററുകളിൽ നിന്ന് ലഭിച്ചത്. രംഗങ്ങളെല്ലാം ഒന്നിനൊന്ന് മെച്ചം. സ്വഭാവിക നർമമാണ് ഈ ചിത്രത്തിൽ ഉടനീളം ഉപയോഗിച്ചിരിക്കുന്നത്. മോശമായ വാക്കുകളെ ഡബിൾ മീനിങ്ങ് വരുന്ന പദപ്രയോഗങ്ങളോ ചിത്രത്തിന്റെ ഒരുഭാഗത്ത് പോലും ഉപയോഗിച്ചിട്ടില്ല. ഡിലീറ്റ് സീൻ പുറത്തു വന്നതോടെ എന്തിന് ഈ രംഗങ്ങൾ ചിത്രത്തിൽ നിന്ന് ഒഴിവാക്കി എന്നാണ് പ്രേക്ഷകർ ചോദിക്കുന്നത്.

ആ വെള്ള ഷർട്ടിന്റെ പിന്നിലെ കഥ

സൗബിൻ ഷാഹിർ, ഷെയിൻ നിഗം, മാത്യൂ, ശ്രീനാഥ് ഭാസി എന്നിവരാണ് ഈ രംഗത്തുള്ളത്. അമ്മയെ തിരികെ വീട്ടിൽ കൂട്ടിക്കൊണ്ട് വരാൻ വേണ്ടി പോകുന്നതിനായുളള തയ്യാറെടുപ്പാണ് വീഡിയോയിൽ. ഇതിനായി തുണിക്കടയിൽ നിന്ന് പുതിയ വെളള ഷർട്ട് വാങ്ങുന്നതാണ് വീഡിയോയുടെ പ്രമേയം. '' ഈ വെളള ഷർട്ട് ഇട്ട് ചെന്നാലൊന്നും അമ്മ വരുന്ന് എനിയ്ക്ക് തോന്നണില്ലാട്ടാ എന്ന ബോബിയുടെ ഡയലോഗും അതിനു ശേഷമാളള ഫ്രാങ്കിയുടേയും ബോണിയുടേയും സജിയുടേയും എക്സ്പ്രഷൻ ഡയലോഗില്ലെങ്കിൽ പോലും നമ്മളെ ചിരിപ്പിക്കുന്നുണ്ട്.

അണിയറ പ്രവർത്തകരുടെ സൈക്കളോജിക്കൽ മൂവ്

ചിത്രത്തെ പോലെ തന്നെ മികച്ച പ്രതികരണമാണ് ഈ വീഡിയോയ്ക്കും ലഭിക്കുനംനത്. പ്രേക്ഷകരെ കൊണ്ട് വീണ്ടും ഈ ചിത്രം കാണിക്കാനുളള അണിയറ പ്രവർത്തകരുടെ സൈക്കളോജിക്കൽ മൂവാണ് ഇപ്പോൾ പുറത്തു വിട്ട് രംഗമെന്ന് പ്രേക്ഷകർ പറയുന്നുണ്ട്. കൂടാതെ ഈ രംഗം എന്തിന് ഡിലീറ്റ് ചെയ്തു എന്നുളള ചോദ്യവും ഉയർന്നു വരുന്നുണ്ട്. ഇപ്പോഴും ചിത്രം മികച്ച പ്രതികരണം ലഭിച്ചു കൊണ്ട് തിയേറ്ററുകളിൽ വിജയ പ്രദർശനം തുടരുകയാണ്. 2019 ൽ പുറത്തിറങ്ങിയതിൽ വൻ വിജയമായ ചിത്രമായിരുന്നു ഇത്

ചിരിപ്പിച്ച സൗബിന്റെ വാക്കുകൾ

പുറത്തു വന്ന ചിത്രത്തിന് രണ്ടാം ടീസറിന് മികച്ച പ്രേക്ഷക സ്വീകാര്യതയായിരുന്നു ലഭിച്ചിരുന്നത്. ഫഹദ് ഫാസിൽ , സൗബിൻ എന്നിവരുടെ കോമ്പിനേഷനോടെയായിരുന്നു ട്രെയിലറിന്റെ ആരംഭം. ഗേൾസിനെ അത്യാവശ്യം ഫ്രീഡം ആനുവദിച്ചു കൊടുക്കുന്ന ഫാമിലിയാണ് ഞങ്ങടെ എന്ന ഫഹദിന്റെ ആ ഡയലോഗോടു കൂടി കുമ്പളങ്ങിയുടെ ഏറ്റവും പുതിയ ട്രെയിലർ പുറത്തു വന്നിട്ടുണ്ട്. കഴിഞ്ഞ ദിവസം പുറത്തു വന്ന ഏറ്റവും പുതിയ ട്രെയിലറിന് മികച്ച പ്രേക്ഷക സ്വീകാര്യതയാണ് ലഭിക്കുന്നത്. ട്രെയിലറിന്റെ അവസാനമായി വന്നേ ഒന്നൂടെ കാണാം എന്നുളള സൗബിന്റെ സ്വരശുദ്ധമായ ആ ഡായലോഗ് മലയാളി പ്രേക്ഷകർ ഏറ്റെടുത്തിട്ടുത്തിരുന്നു.