'കേശു അണ്ണനും നെയ്യാറ്റിൻകര ഗോപേട്ടനുമെല്ലാം ഫാർ ഫാർ ബെറ്റർ'; 'ജാക്ക് ആന്റ് ജിൽ' ദുരന്തമെന്ന് അശ്വതി!

ബിഗ്‌ബോസ് വീട്ടിലെ ഓരോരുത്തരുടേയും കളികളേയും മറ്റും വിമർശനാത്മകമായി വിലയിരുത്താറുള്ള അശ്വതി 'ഹേയ് ബിഗ്‌ബോസെ... ഇവരെയെല്ലാം ഒഴിവാക്കി എന്നെ വിളിക്കൂ' എന്ന് പറഞ്ഞ് ഇട്ട പോസ്റ്റും ശ്രദ്ധേയമായിരുന്നു.

ഇപ്പോൾ മഞ്ജു വാര്യർ അഭിനയിച്ച് അടുത്തിടെ റിലീസ് ചെയ്ത ജാക്ക് ആന്റ് ജിൽ സിനിമ കണ്ടതിനെ കുറിച്ച് അശ്വതി എഴുതിയ കുറിപ്പാണ് വൈറലാകുന്നത്.

'ജാക്ക് ആന്റ് ജിൽ' ദുരന്തമായ സിനിമയാണെന്നാണ് അശ്വതി കുറിച്ചിരിക്കുന്നത്. ജാക്ക് ആന്റ് ജിൽ ജീവിതത്തിൽ ഒരു ശരാശരി മനുഷ്യൻ നേരിടുന്ന പോലത്തെ പല ദുരന്തങ്ങൾ നേരിട്ടിട്ടുണ്ടെങ്കിലും ഇന്നലെ രാത്രി ഇത് കണ്ട് നേരിട്ടതിന്റെ അത്രയും ഉണ്ടാകില്ല എന്നാണ് തോന്നണത്. അതോ എനിക്ക് ആ സോഷ്യലോ സയൻസോ ഫിക്ഷനോ മനസിലാവാഞ്ഞിട്ടാണോ?.'

'ഹമ്മേ.... ന്റെ കേശു അണ്ണനും നെയ്യാറ്റിൻകര ഗോപേട്ടനും എല്ലാം ഫാർ ഫാർ ബെറ്റർ ആയിരുന്നു ഇത് വെച്ചു നോക്കുമ്പോൾ. മഞ്ജു ചേച്ചി... ചേച്ചിടെ കൈയിലെ തേപ്പ് പെട്ടി കണ്ടപ്പോഴേ മനസിലാക്കണമാരുന്നു.... അല്ലേ ഞങ്ങൾ ഫാൻസിനെ തേച്ചതാണെന്ന്...'

'ക്ഷമിക്കണം.... പറയാതിരിക്കാൻ വയ്യ!. ഞാൻ അടുത്ത് കണ്ടതിൽ വെച്ച് ഏറ്റവും മോശം സിനിമ...' എന്നാണ് അശ്വതി സോഷ്യൽമീഡിയയിൽ കുറിച്ചത്. സന്തോഷ് ശിവൻ സംവിധാനം ചെയ്ത ചിത്രമാണ് ജാക്ക് ആന്റ് ജിൽ.

സന്തോഷ് ശിവൻ, അജിൽ എസ്.എം, സുരേഷ് രവീന്ദ്രൻ എന്നിവർ ചേർന്നാണ് തിരക്കഥ എഴുതിയിരിക്കുന്നത്. മെയ് 20നാണ് സിനിമ തിയേറ്ററുകളിൽ റിലീസ് ചെയ്തത്. ചിത്രത്തിലെ കിം കിം എന്ന ഗാനവും ഏറെ തരംഗമായിരുന്നു.

സയൻസ് ഫിക്ഷൻ കോമഡി ഗണത്തിൽപ്പെടുന്ന ചിത്രമാണ് ജാക്ക് ആൻഡ് ജിൽ. കാളിദാസ് ജയറാം, സൗബിൻ ഷാഹിർ, നെടുമുടി വേണു, അജു വർഗീസ്, ഇന്ദ്രൻസ്, ബേസിൽ ജോസഫ് തുടങ്ങി വലിയൊരു താരനിരയും മഞ്ജുവിനൊപ്പം ചിത്രത്തിൽ അഭിനയിച്ചിരുന്നു.

ഗോകുലം ഗോപാലൻ, സന്തോഷ് ശിവൻ, എം.പ്രശാന്ത് ദാസ് എന്നിവർ ചേർന്നാണ് ചിത്രം നിർമിച്ചിരിക്കുന്നത്. ആമസോൺ പ്രൈമിൽ ജൂൺ 16ന് മുതലാണ് ജാക്ക് ആന്റ് ജിൽ സ്ട്രീം ചെയ്ത് തുടങ്ങിയത്.

സിനിമാപ്രേമികൾക്ക് വലിയ പ്രതീക്ഷയുണ്ടായിരുന്ന ചിത്രം കൂടിയായിരുന്നു ജാക്ക് ആന്റ് ജിൽ. ഉറുമിക്ക് ശേഷം സന്തോഷ് ശിവൻ സംവിധാനം ചെയ്ത സിനിമ കൂടിയായിരുന്നു ഇത്. ആദ്യമായാണ് മഞ്ജു വാര്യർ സന്തോഷ് ശിവന്റെ സംവിധാനത്തിൽ അഭിനയിച്ചത്.