ഞാനും ഭർത്താവും അജ്മാനിലുണ്ട്! ഒളിച്ചു താമസിക്കുന്നില്ല, വ്യാജ വാർത്തയെ കുറിച്ച് കുങ്കുമപ്പൂവ് താരം

താനും ഭർത്താവും ഒളിവിൽ താമസിക്കുകയാണെന്നുള്ള വാർത്ത ശ്രദ്ധയിൽപ്പെട്ടിരുന്നു. എന്നാൽ അത് തീർത്തും അടിസ്ഥാന രഹിതമാണെന്നും താരം പറഞ്ഞു. ഞാനും ഭർത്താവും യുഎഇ സർക്കാരിന് കീഴിൽ ബിസിനസ് ചെയ്യുന്നവരാണ്. ഞാനോ ഭർത്താവോ ഒളിവിൽ പോയിട്ടില്ല. ഇപ്പോഴും യുഎഇയിലെ അജ്മാനിലുണ്ട്. ആർക്കും വേണമെങ്കിലും എന്നെ കാണുകയും വിളിക്കുകയും ചെയ്യാം- പ്രസില്ല പറഞ്ഞു.

കഴിഞ്ഞ 10 വർഷമായി കുടുംബത്തിനോടൊപ്പം യുഎഇ ലാണ് താമസം. മൂന്നു വർഷം മുൻപ് പ്രസില്ലയുടെ പേരിൽ ഇവർ അജ്മാൻ കേന്ദ്രീകരിച്ച് കെട്ടിട നിർമാണ കമ്പനി ആരംഭിച്ചു. മൂന്ന് മാസം മുൻപ് ജെറിന്റെ സുഹൃത്തും അയൽവാസിയുമായ രാജേഷ് ബാബു സെയിൽസ് മാനേജരായി കമ്പനിയിൽ ചേർന്നു. അടുത്തിടെ തനിക്ക് ശമ്പളം നൽകുന്നില്ലെന്ന് കാണിച്ച് രാജേഷ് ബാബു അജ്മാൻ ലേബർ കോടതിയിൽ പരാതി നൽകുകയായിരുന്നു. ഇതിന് ശേഷമായിരുന്നു വാർത്ത വന്നത്.

ഇതിനെ കുറിച്ച് താരം പറയുന്നത് ഇങ്ങനെയാണ്. രണ്ടാഴ്ചയിലേറെയായി ജോലിയക്ക് വരാഞ്ഞതിനെ തുടർന്ന് ഇയാളെ ജോലിയിൽ നിന്ന് മാറ്റുകയായിരുന്നു. ഇതിന്റെ പ്രതികാരമായിട്ടാണ് ഇത്തരത്തിലുളള ദുഷ്പ്രചരണം നടത്തുന്നതെന്ന് നടി അഭിമുഖത്തിൽ പറഞ്ഞു. കൂടാതെ രാജേഷ ബാബു കമ്പനിയക്ക് ചില ബാധ്യതകളും വരുത്തിവെച്ചിട്ടുണ്ട്.സെയിൽസ് മാനേജർ മാത്രമായിരുന്ന അയാൾ കമ്പനിയുടെ പാർട്ണറാണെന്നാണ് പറഞ്ഞു പരത്തുകയായിരുന്നു .രാജേഷ് ബാബുവിന്റെ പരാതിയിൽ അജ്മാൻ കോടതി ഏഴു ലക്ഷം രൂപ നഷ്ടപരിഹാരം നൽകാൻ വിധിച്ചു എന്ന് പറയുന്നതും പച്ച കള്ളമാണെന്നും പ്രസില്ല പറഞ്ഞു.

യുഎഇയിൽ ഒളിച്ചു കഴിയുന്നത് എന്തിനാണ്. യുഎഇ ലെ തൊഴിൽ നിയമം അനുസരിച്ച് പ്രശ്ന പരിഹാരം ഉണ്ടാകുമെന്നല്ലാ ഒളിച്ചു കഴിയേണ്ട ആവശ്യമില്ല. ഒളിച്ചു കഴിയുക എന്ന് പറയുന്നത് വലിയ തമാശയാണ്. താൻ യുഎഇ ലെ എല്ലാ സ്ഥലത്തും സഞ്ചരിക്കുന്ന ആളാണ്. ഇടയ്ക്ക് ഒരു ഷോർട്ട് ഫിലിം അഭിനയിച്ചിരുന്നു.വ്യാജ പ്രചാരണത്തിനെതിരെ അജ്മാൻ പോലീസിലും ദുബായിലെ ഇന്ത്യൻ കോൺസുലേറ്റിലും പരാതി നൽകുമെന്നും താര അഭിമുഖത്തിൽ പറഞ്ഞു...