കൊച്ചുകുട്ടിയെപ്പോലെ അന്ന് ബിജു മേനോന്‍ പൊട്ടിക്കര‍ഞ്ഞു, രസകരമായ സംഭവം പറഞ്ഞ് കുഞ്ചാക്കോ ബോബന്‍

തെലുങ്ക് സിനിമ

ബിജു ഒരു തെലുങ്ക് സിനിമയിൽ അഭിനയിക്കാൻ പോയപ്പോഴുണ്ടായ രസകരമായ സംഭവമുണ്ട്. കടലിൻ്റെ നടുക്ക് ഒരു ബോട്ടിൽ ബിജുവിനെ കെട്ടിത്തൂക്കിയിട്ടിരിക്കുകയാണ്. നായകനായി അഭിനയിക്കുന്നത് അതിലെ നിർമ്മാതാവിൻ്റെ മകനാണ്. അതിനിടയിലാണ് രസകരമായ സംഭവം നടന്നതെന്ന് കുഞ്ചാക്കോ ബോബന്‍ പറയുന്നു.

റീടേക്ക്

അയാൾ ഡയലോഗ് തെറ്റിച്ചത് കൊണ്ട് റീടേക്കുകൾ കുറേ പോകേണ്ടി വന്നു. തലകുത്തി കിടക്കുന്ന ബിജുവിന് നിർമ്മാതാവിൻ്റെ മോനായത് കൊണ്ട് തന്നെ ഒന്നും മിണ്ടാൻ കഴിയാത്ത അവസ്ഥയിൽ അത് ചെയ്യേണ്ടി വന്നു. പിന്നീട് കുറേ ടൈം കഴിഞ്ഞിട്ടും ഷോട്ട് ഒക്കെ ആകാതിരുന്നപ്പോൾ ബിജു ദേഷ്യപ്പെട്ടു. ഒടുവിൽ കടലിലെ ഉപ്പു കാറ്റ് ഏറ്റു തളർന്നു കിടന്ന ബിജുവിനെ നിലത്തിറക്കി. മസിലൊക്കെ പിടിച്ചു .

കരഞ്ഞുപോയി

അവിടെ നിന്ന് ബിജു നേരേ പോയത് നിർമ്മാതാവിൻ്റെ അടുത്തേക്കാണ്. ഇപ്പോൾ പൊട്ടിത്തെറിക്കുമെന്ന തോന്നൽ ഉണ്ടാക്കിയ ബിജു നിർമ്മാതിവിന് മുന്നിൽ കൊച്ചു കുട്ടികളെ പോലെ കരയുകയാണ് ചെയ്തത്. ഈ കളിക്ക് ഞാനില്ലെന്ന മട്ടിൽ എന്നായിരുന്നുവെന്നും കുഞ്ചാക്കോ ബോബൻ പറയുന്നു.

കൂട്ടുകെട്ട്

ബിജു മേനോനും കുഞ്ചാക്കോ ബോബനും തമ്മിലുള്ള സ്‌ക്രീന്‍ കെമിസ്ട്രിക്ക് ഗംഭീര പിന്തുണയായിരുന്നു ലഭിച്ചത്. കുറേയേറെ സിനിമകള്‍ ഒരുമിച്ച് ചെയ്തതിന് ശേഷമായി ഇരുവരും ബ്രേക്കെടുക്കുകയായിരുന്നു. ഇതിനിടയിലാണ് ബിജു മേനോന്‍ ആസിഫിനും പൃഥ്വിക്കുമൊപ്പമെല്ലാം എത്തിയത്. കൂട്ടുകെട്ടുകളെല്ലാം മികച്ചതായി എന്ന് മാത്രമല്ല സിനിമകളും മികച്ച നേട്ടമാണ് സ്വന്തമാക്കിയത്.