പൂച്ച കാരണം സിനിമ നിർത്തി വയ്ക്കേണ്ടി വരുമെന്ന് വിചാരിച്ചു, സംഭവത്തെ കുറിച്ച് ലാൽ ജോസ്

സിനിമയുടെ ഏറ്റവും വലിയ ടെൻഷൻ പൂച്ച തന്നെയായിരുന്നു എന്നാണ് ലാൽ ജോസ് പറയുന്നത്. മിഡിലിസ്റ്റിൽ എല്ല വീടുകളിലും ഒരു പൂച്ച കാണും. അവരുടെ സ്ഥിരം വളർത്തു മൃഗമാണ്. മറ്റ് വളർത്ത് മൃഗങ്ങളെ പോലെയല്ല പൂച്ച. പരിശീലനം കൊടുത്തിട്ടും ഒരു കാര്യവുമില്ല. നമ്മൾ പറയുന്നത് പൂച്ച അനുസരിക്കില്ല. അതിന് ഇഷ്ടമുള്ളത് മാത്രമേ ചെയ്യുകയുള്ളൂ. അത് തന്നെയായിരുന്നു ഈ സിനിമ ചെയ്യുമ്പോഴുള്ള ഏറ്റവും വലിയ ടെൻഷനും.

ചിത്രത്തിൽ ആദ്യം പരിശീലനം നൽകിയ പൂച്ചയെ ആയിരുന്നു കൊണ്ടു വന്നത്.. എന്നാൽ കൂട്ടിൽ നിന്ന് ഇറക്കി വിട്ടതിന് പിന്നാലെ കാറിന് അടിയിൽ കയറി ഇരിക്കുകയായിരുന്നു. പിന്നീട് അത് പുറത്തേയ്ക്ക് വന്നില്ല. പൂച്ചയെ കാരണം സിനിമ നിർത്തി വയ്ക്കേണ്ടി വരുമെന്ന് വരെ വിചാരിച്ചിരുന്നു. എന്നാൽ പിന്നീട് മറ്റൊരു വീട്ടിൽ വളർത്തുന്ന പൂച്ചയെ കിട്ടുകയായിരുന്നു. വയറ്റിൽ ലവ് ചിഹ്നമുള്ള കാണാൻ ഭംഗിയുളള പൂച്ചയായിരുന്നു അത്. ആദ്യം അതും പ്രശ്നം തന്നെയായിരുന്നു. പിന്നെ പൂച്ച ഇണങ്ങുകയായിരുന്നു. തങ്ങൾക്ക് ആവശ്യമുള്ളതെല്ലാം പൂച്ച ചെയ്തു തന്നുവെന്നും ലാൽ ജോസ് പറഞ്ഞു.

പൂച്ചയ്ക്കൊപ്പമുള്ള ഷൂട്ടിംഗ് അനുഭവവും സംവിധനം സംവിധായകൻ പങ്കുവെയ്ക്കുന്നുണ്ട്. പൂച്ചയ്ക്ക് വേണ്ടി കാത്തിരിക്കേണ്ട അവസ്ഥയായിരുന്നു എന്നാണ് ലാൽ ജോസ് പറയുന്നത്. '' ഒരു ദിവസം ഫുൾ പുള്ളിക്കാരിയുടെ മൂഡ് അനുസരിച്ച് ഫോളോ ചെയ്ത് ഷൂട്ട് ചെയ്യുകയായിരുന്നു. ബാക്കി എല്ലാ ഷൂട്ടിംഗും പൂർത്തിയായതിന് ശേഷം പൂച്ചയുടെ മാത്രം ഷോട്ടുകൾ ഒരു ദിവസം എടുത്തു. പുള്ളിക്കാരി റെഡിയാവുമ്പോൾ ക്യാമറ വെച്ച് ഷൂട്ട് ചെയ്തു. ഗൾഫിലുള്ള മലയാളികൾക്ക് പൂച്ച വളരെ ഫെമിലിയറാണ്. വീടുകളിലൊക്കെയുളളതാണ്. ഈ പൂച്ച സൗബിന്റെ കഥാപാത്രത്തെ ഒരു പാഠം പഠിപ്പിക്കുന്നു. ഒരു മാറ്റം കൊണ്ടു വരുന്നു. പൂച്ച വഴിയുണ്ടാവുന്ന ഒരു സംഭവമാണ് ചിത്രമെന്നും ലാൽ ജോസ് പറയുന്നു.

Recommended Video

ലാൽജോസിന്റെ ചന്ദ്രനുദിക്കുന്ന ദിക്കിൽ | Old Movie Review | filmibeat Malayalam

ചിത്രത്തിൽ മംമ്ത സൗബിൻ കോമ്പോയെ കുറിച്ചും ലാൽ ജോസ് പറയുന്നു. ഇരുവരും ആദ്യമായിട്ടാണ് ഒന്നിച്ച് അഭിനയിക്കുന്നത്. ഇരുവരും നല്ല അഭിനേതാക്കാളാണ്. സുലേഖ എന്നത് അതീവ സുന്ദുരിയണ്. സൗബിന്റെ കാര്യക്ടർ സുലേഖയുടെ സൗന്ദര്യം കണ്ടാണ് വീഴുന്നത്. സുലേഖ ഒരു പ്രത്യേക സാഹചര്യത്തിലാണ് വിവാഹത്തിന് സമ്മതിക്കുന്നത്. എന്നാൽ ഇയാളെ കണ്ട് കഴിയുമ്പോൾ ഇഷ്ടപ്പെടുന്നു. ഇവരുടെ ഹൈറ്റ് വ്യത്യാസവും മറ്റുമൊന്നും സിനിമയിൽ ചർച്ച ചെയ്യുന്നില്ലെന്നും ഇപ്പോഴുള്ള താരങ്ങൾ കഥാപാത്രങ്ങളുടെ പ്രായം നേക്കാറില്ലെന്നും കഥപാത്രത്തെ നോക്കിയാണ് സിനിമ ചെയ്യുന്നതെന്നും ലാൽ ജോസ് പറയുന്നു.