അച്ഛൻ നടിക്കൊപ്പം പോയി, അമ്മ രണ്ടാം ഭർത്താവിനൊപ്പം അമേരിക്കയിലേക്ക്; നാ​ഗ ചെെതന്യ വളർന്ന നാളുകൾ

ന‌ടൻ നാ​ഗ ചെെതന്യയുടെ ജീവിതം കഴിഞ്ഞ കുറേ നാളുകളായി സോഷ്യൽ മീഡിയയിൽ ചർച്ചയാണ്. നടി സമാന്തയുമായി വേർപിരിഞ്ഞ ശേഷം നടി ശോഭിത ധുലിപാലയെ വിവാഹം ചെയ്ത നാ​ഗ ചെെതന്യയെ വിവാഹം ചെയ്ത ചെെതന്യ ഇന്ന് സന്തോഷകരമായ ജീവിതം നയിക്കുന്നു. എന്നാൽ സമാന്തയുമായി പിരിഞ്ഞതിന്റെ പേരിൽ നടന് വലിയ തോതിൽ കുറ്റപ്പെടുത്തൽ കേൾക്കേണ്ടി വന്നു. സമാന്തയോട് ചെെതന്യ ആത്മാർത്ഥത കാണിച്ചില്ലെന്നായിരുന്നു കുറ്റപ്പെടുത്തലുകൾ.

എന്നാൽ ഒരുമിച്ച് മുന്നോട്ട് പോകാനാകാഞ്ഞതോടെ പിരിഞ്ഞതാണെന്ന് വ്യക്തമാക്കിയ നാ​ഗ ചെെതന്യ മറ്റൊരു കാര്യവും പറഞ്ഞു. തന്റെ അച്ഛനും അമ്മയും വേർപിരിഞ്ഞതാണ്. ഒരു തകർന്ന കുടുംബത്തിൽ നിന്ന് വരുന്നതിനാൽ വേർപിരിയൽ എന്ന തീരുമാനം എടുക്കും മുമ്പ് 1000 തവണ ചിന്തിക്കുമെന്നാണ് നാ​ഗ ചെെതന്യ പറഞ്ഞത്. കുട്ടിക്കാലത്ത് അനുഭവിച്ച വിഷമം നാ​ഗ ചെെതന്യയുടെ വാക്കുകളിലുണ്ട്.

മാതാപിതാക്കളായ നാ​ഗാർജുനയും ലക്ഷ്മി ദ​ഗുബതിയും വേർപിരിഞ്ഞ് രണ്ട് ജീവിതങ്ങളിലേക്ക് കടന്നു. ചെറുപ്രായത്തിലേ ജീവിതം മാറി മറിയുന്നത് നാ​ഗ ചെെതന്യ കണ്ടതാണ്. 1984 ൽ വിവാഹിതതരായ നാ​ഗാർജുനയും ലക്ഷ്മി ദ​ഗുബതിയും 1990 ലാണ് വേർപിരിയുന്നത്. 1992 ൽ നാ​ഗാർജുന നടി അമലയെ വിവാഹം ചെയ്തു. ഇവർക്ക് അഖിൽ അക്കിനേനി എന്ന മകനും പിറന്നു. ലക്ഷ്മി ബിസിനസുകാരനായ ശരത് വിജയരാഘവനെ വിവാഹം ചെയ്തു. സുന്ദരം മോട്ടോർസിന്റെ കോർപറേറ്റ് എക്സിക്യൂട്ടീവ് ആണ് ശരത് വിജയ രാഘവൻ.

ഭർത്താവിനൊപ്പം അമേരിക്കയിലാണ് ലക്ഷ്മി ദ​ഗുബതി താമസിക്കുന്നത്. ഇരുവർക്കും ഒരു മകനുണ്ടെന്ന് റിപ്പോർട്ടുകളുണ്ട്. ലക്ഷ്മി ഇന്റീരിയേർസ് എന്ന കമ്പനി ലക്ഷ്മിക്ക് അമേരിക്കയിലുണ്ട്. നാ​​ഗ ചെെതന്യ അമ്മയ്ക്കൊപ്പം അമേരിക്കയിലേക്ക് താമസം മാറിയിരുന്നില്ല. ഇതേക്കുറിച്ച് പല അഭ്യൂഹങ്ങളും അന്ന് വന്നിരുന്നു. അമ്മയുടെ രണ്ടാം വിവാഹത്തിൽ നാ​ഗ ചെെതന്യക്ക് താൽപര്യമുണ്ടായിരുന്നില്ലെന്നും അമ്മയുമായി നടൻ അകൽച്ചയിലാണെന്നുമായിരുന്നു ​ഗോസിപ്പ്.

എന്നാൽ ഈ വാദം നാ​ഗ ചെെതന്യ തള്ളിക്കളഞ്ഞു. വർക്കുകൾ കാരണമാണ് താൻ ഹെെദരാബാദിൽ തുടരുന്നത്. അമേരിക്കയിലേക്ക് പോകുമ്പോഴൊക്കെ അമ്മയെ കാണാറുണ്ടെന്നും നാ​ഗ ചെെതന്യ അന്ന് വ്യക്തമാക്കി. നാ​ഗ ചെെതന്യയുടെ രണ്ട് വിവാ​ഹങ്ങൾക്കും ലക്ഷ്മി ദ​ഗുബതിയും ഭർത്താവും എത്തിയിരുന്നു. റിപ്പോർട്ടുകൾ പ്രകാരം നാ​ഗ ചെെതന്യയുടെ മുൻഭാര്യ സമാന്തയുമായി വലിയ അടുപ്പം ലക്ഷ്മി ദ​ഗുബതിക്കുണ്ടായിരുന്നു. ഇരുവരും ഒരുമിച്ചുള്ള പഴയ ഫോട്ടോകൾ ഇപ്പോഴും ഇന്റർനെറ്റിൽ പ്രചരിക്കുന്നുണ്ട്. ‌

വിവാഹമോചനം താരങ്ങളെ പോലെ ഇവരുടെ കുടുംബത്തിലും നിരാശയുണ്ടാക്കിയ സംഭവമാണ്. നാ​ഗ ചെെതന്യയുടെ ചില കുടുംബാം​ഗങ്ങളുമായി സമാന്തയ്ക്കുള്ള അടുപ്പം ഇന്നും നിലനിൽക്കുന്നുണ്ട്. ലക്ഷ്മി ദ​ഗുബതിയുടെ സഹോദരന്റെ മകനാണ് നടൻ റാണ ദ​ഗുബതി. ഇന്നും റാണയ്ക്ക് സമാന്തയുമായി സൗഹൃദമുണ്ട്. പൊതുവെ സ്വകാര്യത ഇഷ്ടപ്പെടുന്ന വ്യക്തിയാണ് നാ​ഗ ചെെതന്യ. മുൻ വിവാഹബന്ധവും വേർപിരിയലും ഇത്രമാത്രം ചർച്ചയാകുന്നതിൽ നടന് അതൃപ്തിയുണ്ട്.

ശോഭിതയ്ക്കൊപ്പമുള്ള ഫോട്ടോകൾ അപൂർവമായേ ചെെതന്യ പങ്കുവെക്കാറുള്ളൂ. ഒരിക്കൽ ഫോട്ടോ പങ്കുവെച്ചപ്പോൾ താരത്തിന് കമന്റ് ബോക്സ് ഓഫ് ചെയ്യേണ്ടി വന്നു. സമാന്തയുടെ ആരാധകർ ഇപ്പോഴും ശോഭിതയെയും നാ​ഗ ചെെതന്യയെയും കുറ്റപ്പെടുത്തുന്നുണ്ട്. എന്നാൽ ശോഭിതയല്ല വിവാഹ മോചനത്തിന് കാരണമെന്ന് നാ​ഗ ചെെതന്യ വ്യക്തമാക്കിയതാണ്. വളരെ സ്വാഭാവികമായുണ്ടായ ബന്ധമാണ് ശോഭിതയുമായി. തന്റെ കഴിഞ്ഞ കാലവുമായി ശോഭിതയ്ക്ക് ഒരു ബന്ധവും ഇല്ലെന്നും നാ​ഗ ചെെതന്യ വ്യക്തമാക്കി.