ദിലീപിനെ ഓടിനടന്ന് പള്ള് പറയുന്ന രാജസേനൻ പടച്ച 10 ദുരന്തചിത്രങ്ങൾ.. നന്ദിയുണ്ട് ദിലീപേ നന്ദിയുണ്ട്!!

ഇമ്മിണി നല്ലൊരാൾ (2205)

നായിക നടിയായ സ്നേഹ (നവ്യ നായർ) ജൂനിയര്‍ നടനായ ജീവൻ (ജയസൂര്യ) എന്നിവരുടെ കഥ പറഞ്ഞ ഇമ്മിണി നല്ലൊരാൾ എഴുതിയതും സംവിധാനും ചെയ്തതും രാജസേനനാണ്. രാജസേനൻ ഫേഡ് ഔട്ടാകുന്നു എന്ന സൂചന നൽകിയ ചിത്രം കൂടിയാണിത്. 2005 ൽ ഇറങ്ങി.

മധുചന്ദ്രലേഖ (2006)

ജയറാം, മമ്ത മോഹൻദാസ്, ഉർവശി എന്നിവരാണ് പ്രധാന വേഷങ്ങളിൽ എത്തിയത്. 2006 ൽ പുറത്തിറങ്ങിയ മധുചന്ദ്രലേഖ വൻ പരാജയമായിരുന്നു.

കനക സിംഹാസനം (2006)

രാജസേനന്റെ അടുത്ത ചിത്രവും ജയറാമിനെ നായകനാക്കിയായിരുന്നു. 2006ൽ തന്നെ പുറത്തിറങ്ങിയ കനക സിംഹാസനം. ഈ പടവും എട്ട് നിലയിൽ പൊട്ടി.

റോമിയോ (2007)

കഴിഞ്ഞ പത്ത് വർഷത്തിനിടെ തീയറ്ററിൽ അൽപമെങ്കിലും ഓളമുണ്ടാക്കിയ ഏക രാജസേനൻ ചിത്രമാണ് റോമിയോ. ഇപ്പോൾ രാജസേനൻ കുറ്റം പറയുന്ന ദിലിപായിരുന്നു ഈ ചിത്രത്തിലെ നായകൻ.

ഭാര്യ ഒന്ന് മക്കൾ മൂന്ന് (2009)

എഴുത്തിനും സംവിധാനത്തിനും പുറമേ രാജസേനൻ തന്നെ നായകനാകുകയും ചെയ്ത ചിത്രമാണ് 2009 ൽ പുറത്തിറങ്ങിയ ഭാര്യ ഒന്ന് മക്കൾ മൂന്ന്. സിതാരയായിരുന്നു രാജസേനന്റെ ഭാര്യ റോളിലെത്തിയത്. പടം ഓടിയില്ല.

ഒരു സ്മോൾ ഫാമിലി (2010)

രാജസേനന്റെ അടുത്ത അഭിനയ പരീക്ഷണം. 1 വർഷത്തെ ഗ്യാപ്പിൽ ഇറങ്ങിയ ഈ ചിത്രത്തിന് പേര് ഒരു സ്മോൾ ഫാമിലി. ഗോകുലം ഗോപാലൻ നിർമിച്ച പടത്തിൽ രാജസേനനൊപ്പം മുഖ്യവേഷത്തിലെത്തിയത് സീത. പടം പൊട്ടി.

ഇന്നാണ് ആ കല്യാണം (2011)

2011 ൽ പുറത്തിറങ്ങിയ ഡ്രാമ മൂവിയാണ് ഇന്നാണ് കല്യാണം. രജിത് മേനോനും മാളവികയും ശരണ്യ മോഹനും പ്രധാന വേഷത്തിൽ അഭിനയിച്ചു. പക്ഷേ പടം ഓടിയില്ല.

മൂന്ന് ചിത്രങ്ങൾ കൂടി

പിന്നീടുള്ള ആറ് വര്‍ഷങ്ങളിലായി മൂന്ന് ചിത്രങ്ങൾ കൂടി രാജസേനൻ പ്രഖ്യാപിച്ചു. ഇതിൽ പലതും തീയറ്ററിലെത്തിയത് പോലും ആരും അറിഞ്ഞില്ല. 2013ൽ പുറത്തിറങ്ങിയ 72 മോഡൽ, 2013ൽ തന്നെ റേഡിയോ ജോക്കി, 2014 ൽ വൂണ്ട്... ഇതിലൊന്ന് പോലും ശ്രദ്ധിക്കപ്പെട്ടില്ല.