മാമാങ്കം മമ്മൂട്ടിക്ക് സമ്മാനിച്ച നേട്ടങ്ങള്‍! റെക്കോര്‍ഡുകള്‍ പൊളിച്ചെഴുതിയ ചരിത്ര സിനിമ!

റിലീസിലെ റെക്കോര്‍ഡുകള്‍

റിലീസ് ദിനത്തില്‍ തന്നെ നിരവധി റെക്കോര്‍ഡുകളായിരുന്നു സിനിമയെ തേടിയെത്തിയത്. ഈ ചിത്രത്തിലൂടെ മമ്മൂട്ടി സ്വന്തമാക്കുന്ന റെക്കോര്‍ഡുകളെക്കുറിച്ചുള്ള ചര്‍ച്ചകളും പ്രവചനങ്ങളുമൊക്കെ നേരത്തെ നടന്നിരുന്നു. 45 രാജ്യങ്ങളിൽ റീലിസ് ആയ ആദ്യ മലയാള ചിത്രമെന്ന നേട്ടം മാമാങ്കത്തിന് സ്വന്തമാണ്. ലൂസിഫറിനെ വെട്ടിയാണ് ചിത്രം ഈ റെക്കോര്‍ഡ് നേടിയത്. നിലവിൽ റീലിസ് ആയതിൽ ഏറ്റവും വലിയ ബഡ്ജറ്റ് ഉള്ള ചിത്രവും മാമാങ്കമാണ്.

കലക്ഷനിലെ മുന്നേറ്റം

കലക്ഷന്‍ റിപ്പോര്‍ട്ടുകളെക്കുറിച്ചുള്ള ചര്‍ച്ചകള്‍ തുടക്കത്തില്‍ തന്നെ നടന്നിരുന്നു. കരിയറില്‍ ആദ്യ 100 കോടി നേട്ടം മമ്മൂട്ടി സ്വന്തമാക്കിയത് അടുത്തിടെയായിരുന്നു. മധുരരാജയിലൂടെയായിരുന്നു താരത്തിന് ഈ നേട്ടം സ്വന്തമായത്. അടുത്ത 100 കോടിയാവുമോ, കരിയറിലെ ആദ്യ 200 കോടിയാവുമോയെന്നൊക്കെയായിരുന്നു ചര്‍ച്ചകള്‍.ആദ്യ 4 ദിവസം കൊണ്ട് 60 കോടിയാണ് മാമാങ്കത്തിന് ലഭിച്ചത്. മമ്മൂട്ടി യുടെ രണ്ടാമത്തെ കരിയറിലെ രണ്ടാമത്തെ 100 കോടി, ഒരു വര്‍ഷത്തില്‍ 2 നൂറ് കോടി ചിത്രവും ഈ റെക്കോര്‍ഡുകളും മാമാങ്കത്തിന്‍രെ പേരിലാണ്.

പ്രദര്‍ശനത്തിലെ നേട്ടങ്ങള്‍

കലക്ഷനിലും റിലീസിലും മാത്രമല്ല പ്രദര്‍ശനത്തിലും മാമാങ്കം ചില നേട്ടങ്ങള്‍ സ്വന്തമാക്കിയിരുന്നു. കേരളത്തിൽ ആദ്യ ദിവസം 2000 ഷോ കളിച്ച ആദ്യത്തെ സിനിമ മാമാങ്കമാണ്. ലോകവ്യാപകമായി 45000 ഷോ കൾ 15 ദിവസം കൊണ്ട് പൂർത്തീകരിച്ച പടമെന്ന റെക്കോര്‍ഡും ഈ മമ്മൂട്ടി ചിത്രത്തിന് സ്വന്തമാണ്. കേരളത്തിൽ മാത്രം 18 ദിവസം കൊണ്ട് 15,000 കഴിഞ്ഞ സിനിമയും ഇതാണ്. മമ്മൂട്ടി യുടെ ഏറ്റവും വലിയ ഷോ കൗണ്ടുള്ള ചിത്രവും മാമാങ്കമാണ്.

Recommended Video

Mamangam Crossed Rs. 135Cr Mark | FilmiBeat Malayalam

25 ദിവസം കൊണ്ട്

100 ഓളം തീയേറ്ററിൽ 25 ദിവസം പൂർത്തിയാകാൻ പോകുന്ന പടമേതെന്ന് ചോദിച്ചാല്‍ അതിനുള്ള ഉത്തരവും മാമാങ്കമാണ്. 25 ദിവസത്തിനുള്ളില്‍ 135 കോടി നേട്ടം സ്വന്തമാക്കിയെന്ന റെക്കോര്‍ഡും മാമാങ്കത്തിനുണ്ട്. മമ്മൂട്ടിയുടെ തയ്യാറെടുപ്പുകള്‍ വെറുതെയായില്ലെന്നതിനുള്ള ഉദാഹരണം കൂടിയാണ് ഈ നേട്ടങ്ങള്‍. തുടക്കത്തില്‍ സിനിമയ്ക്കെതിരെ വിമര്‍ശനം ഉന്നയിച്ചവര്‍ പോലും പിന്നീട് കൈയ്യടിക്കുന്ന കാഴ്ചയായിരുന്നു.