ഇത് ഫാമിലി ഹിറ്റ് തന്നെ! ലോനപ്പന്റെ മാമോദീസയുമായി ജയറാമും സംഘവുമെത്തി! ആദ്യ പ്രതികരണങ്ങള്‍ ഇങ്ങനെ!

ലോനപ്പന്‍മാരുണ്ടാവാം

ഗ്രാമീണ പശ്ചാലത്തലത്തിലൊരുക്കിയ സിനിമകളെ എന്നും മലയാളി പ്രേക്ഷകര്‍ ഇരുകൈയ്യും നീട്ടി സ്വീകരിച്ചിട്ടുണ്ട്. അത്തരത്തിലുള്ള സിനിമയുമായാണ് ജയറാമിന്റെ ഇത്തവണത്തെ വരവ്. പ്രേക്ഷകര്‍ക്ക് ഇഷ്ടപ്പെടുന്ന തരത്തിലുള്ള ചേരുവകളെല്ലാം സിനിമയിലുണ്ടെന്ന് അണിയറപ്രവര്‍ത്തകരും വ്യക്തമാക്കിയിരുന്നു. നമുക്കിടയിലെ ലോനപ്പന്‍മാരുടെ കഥയുമായാണ് ഇത്തവണ ജയറാം എത്തിയതെന്ന് പ്രേക്ഷകരും പറയുന്നു. റിലീസ് ചെയ്ത സിനിമയ്ക്ക് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.

ശാന്തി കൃഷ്ണയുടെ വരവ്

മലയാളികളുടെ എക്കാലത്തെയും പ്രിയപ്പെട്ട അഭിനേത്രികളിലൊരാളാണ് ശാന്തികൃഷ്ണ. ജയറാമിന്റെ സഹോദരിയായാണ് താരം ഇത്തവണ എത്തിയിട്ടുള്ളത്. ഇടക്കാലത്ത് അമ്മ വേഷങ്ങളിലൂടെയായിരുന്നു താരം തിരിച്ചെത്തിയത്. ഒരുകാലത്ത് നായികയായി തിളങ്ങി നിന്നിരുന്ന താരത്തിന് രണ്ടാം വരവിലും മികച്ച സ്വീകാര്യതയായിരുന്നു ലഭിച്ചത്. അഭിനയപ്രാധാന്യമുള്ള സിനിമകളാണ് താരവും ലക്ഷ്യമാക്കുന്നത്. ഇത്തവണത്തെ വരവില്‍ നിരാശപ്പെടാനില്ലെന്നാണ് പ്രേക്ഷകരുടെ വിലയിരുത്തല്‍.

നിഷ സാരംഗമുണ്ട്

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട അഭിനേത്രികളിലൊരാളാണ് നിഷ സാരംഗ്. സീരിയല്‍ വിരോധികള്‍ പോലും കുത്തിയിരുന്ന കാണുന്ന ഹാസ്യപരിപാടിയായ ഉപ്പും മുളകിലെ നീലുവായാണ് താരം നിറഞ്ഞുനില്‍ക്കുന്നത്. പരമ്പരകളില്‍ മാത്രമല്ല സിനിമയിലേക്കും താരമെത്തിയിരുന്നു. ജയരാമിന്റെ സഹോദരിയായാണ് ഇത്തവണ താരമെത്തുന്നത്. കായിക അധ്യാപികയായാണ് നിഷയുടെ വരവ്

സഹോദരിമാര്‍ക്കൊപ്പം ലോനപ്പന്‍

ചാമക്കുന്ന് എന്ന ഗ്രാമത്തിലെ ഒരു ക്രിസ്ത്യന്‍ കുടുംബത്തില്‍ നടക്കുന്ന രസകരമായ സംഭവങ്ങളിലൂടെയാണ് സിനിമ മുന്നേറുന്നത്. ലോനപ്പനും സഹോദരിമാരുമാണ് സിനിമയെ നയിക്കുന്നത്. ഇവരുടെ ജീവിതത്തില്‍ അരങ്ങേറുന്ന അപ്രതീക്ഷിത സംഭവങ്ങളും രസകരമായ കാര്യങ്ങളുമൊക്കെയാണ് ചിത്രത്തെ നയിക്കുന്നത്.