വിവാദമായ ലിവിങ് ടു​ഗെതർ ജീവിതം, 2000ത്തിൽ വിവാഹം, എംജിയുടെ കൈകളിൽ താൻ സുരക്ഷിതയാണെന്ന് ലേഖ!

മുപ്പത്തിയാറ് വർഷമായി ഇരുവരും വിജയകരമായി ദാമ്പത്യ ജീവിതം മുന്നോട്ട് കൊണ്ടുപോവുകയാണ്. ഇരുവരും തങ്ങളുടെ പ്രിയപ്പെട്ട വെക്കേഷൻ സ്പോട്ടായ അമേരിക്കയിൽ അവധി ആഘോഷിക്കുകയാണ് ഇപ്പോൾ.

അതിന്റെ ചിത്രങ്ങളും വീഡിയോകളും രണ്ടുപേരും സോഷ്യൽമീഡിയയിൽ പങ്കുവെച്ചിട്ടുണ്ട്. ചിത്രങ്ങൾക്കൊപ്പം ഇരുവരും എഴുതിയ വാക്കുകളാണ് ഇപ്പോൾ ശ്രദ്ധനേടുന്നത്. അമേരിക്കയിൽ വിദേശികളെപ്പോലെ ഫ്രീക്ക് ലുക്കിൽ സ്റ്റൈലിഷായിട്ടാണ് ഇരുവരുമുള്ളത്.

'ഈ കൈകളിൽ എന്നും സുരക്ഷിതയാണെ'ന്ന ക്യാപ്ഷനോടെയായാണ് ലേഖ എം.ജി ശ്രീകുമാർ തന്നെ കൈകളിൽ വാരിയെടുത്തുള്ള ചിത്രം പങ്കുവെച്ചത്.

'ഈ മനോഹരതീരത്ത് എനിക്കിനിയൊരു ജന്മം തരുമോയെന്നായിരുന്നു' എംജി ചിത്രങ്ങൾ പങ്കുവെച്ച് കുറിച്ചത്. നിരവധി പേരാണ് ഇവരുടെ ചിത്രങ്ങൾക്ക് താഴെ കമന്റുകളുമായെത്തിയത്. 'സ്‌നേഹിക്കാനും സ്‌നേഹിക്കപ്പെടാനും കഴിയുന്നത് ദൈവാനുഗ്രഹമാണ്. ദൈവത്തോട് സന്തോഷത്തോടെ നന്ദി പറയുക.'

'താങ്കൾ ഭാഗ്യവാനാണ്. ഇനിയും ഒരുപാടുനാൾ ഇതുപോലെ സന്തോഷത്തോടെയും സമാധാനത്തോടെയും ജീവിക്കാൻ ദൈവം നിങ്ങളെ അനുഗ്രഹിക്കട്ടെ.' എന്നൊക്കെയായിരുന്നു കമന്റുകൾ.

പതിവുപോലെ തന്നെ ഇവരെ വിമർശിച്ചുള്ള കമന്റുകളും ചിത്രങ്ങൾക്ക് താഴെയുണ്ട്. വിവാഹത്തിന് മുമ്പ് 14 വർഷക്കാലം എംജിയും ലേഖയും ഒന്നിച്ചാണ് താമസിച്ചത്.

2000ൽ മൂകാംബികയിൽ വെച്ചായിരുന്നു ഇരുവരും വിവാഹിതരായത്. വിവാഹത്തെക്കുറിച്ചും അതിന് മുമ്പുള്ള ജീവിതത്തെക്കുറിച്ചുമെല്ലാം ഇരുവരും തുറന്നുപറഞ്ഞിരുന്നു. പിറന്നാളാഘോഷങ്ങളും മറ്റ് വിശേഷദിവസങ്ങളുമെല്ലാം ഒന്നിച്ചാണ് തങ്ങൾ ആഘോഷിക്കുന്നതെന്നും ഇരുവരും പറഞ്ഞിരുന്നു.

കേരളത്തിൽ ലിംവിങ് ടുഗെദർ കഴിയാൻ പറ്റാതായപ്പോളാണ് വിവാഹം കഴിക്കാൻ തീരുമാനിച്ചത് എന്നാണ് വിവാഹത്തെ കുറിച്ച് ചോദിച്ചപ്പോൾ ഒരിക്കൽ എംജിയും ഭാര്യ ലേഖയും പറഞ്ഞത്.

'14 വർഷത്തോളം ലിവിംഗ് ടുഗേദറായി കഴിഞ്ഞതിന് ശേഷമാണ് വിവാഹം കഴിച്ചത്. കേരളത്തിൽ ലിംവിങ് ടുഗെദറിൽ കഴിയാൻ നിൽക്കക്കള്ളി ഇല്ലാതായപ്പോഴാണ് ഒരു സുപ്രഭാതത്തിൽ മുകാംബിക ക്ഷേത്രത്തിലേക്ക് പോയി വിവാഹം കഴിക്കാൻ തീരുമാനിച്ചത്.'

Recommended Video

എംജി ശ്രീകുമാർ മതം മാറിയോ?മറുപടി ഇങ്ങനെ | FilmiBeat Malayalam

'രാവിലെ ഏഴ് മണിക്കാണ് ഞാൻ അമ്മയെ വിളിക്കുന്നത്. അമ്മേ ഇന്ന് എന്റെ വിവാഹമാണെന്ന് പറഞ്ഞു. അത് കേട്ട് അമ്മ ഞെട്ടി. ആരാണ് പെണ്ണെന്ന് ചോദിച്ചു. ലേഖയെ വീട്ടുകാർക്ക് അറിയാമായിരുന്നു. ലേഖ നേരത്തെ തന്നെ എന്റെ വീട്ടിൽ വന്നിട്ടുണ്ട്.'

'ലേഖയുടെ പേര് പറഞ്ഞു. അമ്മ നന്നായി വാടാ മക്കളേ എന്നായിരുന്നു മറുപടി നൽകിയത്' എന്നാണ് എം.ജി ശ്രീകുമാർ പറഞ്ഞത്. ലേഖയ്ക്ക് ഒരു മകളുണ്ട്. വിവാഹം കഴിഞ്ഞ് മകൾ അമേരിക്കയിലാണെന്നും ഇടയ്ക്ക് കാണാനായി വരാറുണ്ടെന്നും ലേഖ പറഞ്ഞിരുന്നു.

മകളോടൊപ്പമുള്ള ലേഖയുടെ ചിത്രങ്ങൾ വൈറലായിരുന്നു. അമേരിക്കയിലേക്ക് ഇരുവരും പോയതും മകളെ കാണാൻ കൂടി വേണ്ടിയാണ്.