എസ്ര എന്ന ഹൊറര്‍ ചിത്രത്തെ ബോക്‌സോഫീസില്‍ ഇത്രയും വലിയ വിജയമാക്കിയതിന് പിന്നിലെ രഹസ്യം

ഹൊറര്‍ ചിത്രമാണ്, അതുക്കൊണ്ട് ഇക്കാര്യങ്ങളും

അടുത്ത കാലത്ത് ഹൊറര്‍ ചിത്രങ്ങളില്‍ അഭിനയിക്കാന്‍ മടി കാണിച്ച നടനാണ് പൃഥ്വിരാജ്. ഹൊറര്‍ ചിത്രമാണെങ്കില്‍ ഒകെ. പക്ഷേ കോമഡി ഹൊറര്‍ ചിത്രങ്ങളില്‍ അഭിനയിക്കില്ലെന്ന് നടന്‍ നേരത്തെ തുറന്ന് പറഞ്ഞിരുന്നു. എസ്രയെ സംബന്ധിച്ചിടത്തോളം ചിത്രത്തിന്റെ വിജയം അത് തന്നെയായിരുന്നു. പേടിപ്പെടുത്തുന്ന രംഗങ്ങള്‍ ഉണ്ട്. എന്നാല്‍ അതെല്ലാം വാരിക്കോരിയിടാതെ ആവശ്യമുള്ള സ്ഥലങ്ങളില്‍ മാത്രമാണ് ഉപയോഗിച്ചിരിക്കുന്നത്. ചിത്രത്തിലെ തമാശ രംഗങ്ങളും എല്ലാം വളരെ സൂഷ്മതയോടെയാണ് ഉപയോഗിച്ചിരിക്കുന്നത്.

മികച്ച കഥ

ചിത്രത്തിന്റെ മികച്ച കഥയാണ് എസ്രയുടെ വിജയത്തിന്റെ ഒരു കാരണം. ഇതുവരെ പ്രേക്ഷകര്‍ കണ്ട് മടുത്ത ഹൊറര്‍ ചിത്രങ്ങളിലെ ഒരു സീന്‍ പോലും എസ്രയില്‍ ഉണ്ടായിരുന്നില്ല. ഒട്ടും ആവര്‍ത്തന വിരസത തോന്നതെയാണ് ചിത്രത്തിലെ ഒരു സീനും മുന്നോട്ട് പോകുന്നത്.

പൃഥ്വിരാജിന്റെ സാന്നധ്യം

ചിത്രത്തില്‍ പൃഥ്വിരാജ് നായകനായി എത്തിയതാണ് ചിത്രത്തിന്റെ വിജയം. സമീപക്കാലത്ത് ഒട്ടേറെ മികച്ച ചിത്രങ്ങളില്‍ അഭിനയിച്ച പൃഥ്വിരാജ് തെരഞ്ഞെടുക്കുന്ന ഓരോ ചിത്രവും ആലോചിച്ചിട്ടാകുമെന്ന് പ്രേക്ഷകര്‍ക്ക് നന്നായി അറിയാം.

ഒരു ഹോളിവുഡ് ചിത്രം കാണുന്നത് പോലെ

ഹോളിവുഡ് ചിത്രത്തിന്റെ നിലവാരത്തിലാണ് എസ്ര ഒരുക്കിയത്. ചെറിയ ബജറ്റില്‍ ഒരുക്കിയ ചിത്രത്തിന്റെ ടെക്‌നിക്കല്‍ പെര്‍ഫക്ഷനെല്ലാം എടുത്ത് പറയേണ്ടതാണ്.