ധനുഷിന്റെ കൂടെയുള്ള കിടപ്പറ ദൃശ്യം എത്ര തവണ ചെയ്തു? വിമര്‍ശകന്റെ വായടപ്പിച്ച് നടി മാളവിക

സാധാരണ ആരാധകര്‍ നടിമാരോട് ചോദിക്കാറുള്ളത് പോലെ അനേകം ചോദ്യങ്ങളാണ് മാളവികയ്ക്കും നേരിടേണ്ടി വന്നത്. കുറച്ച് പേര് സിനിമയെ കുറിച്ച് ചോദിച്ചപ്പോള്‍ കൂടുതല്‍ പേരും വ്യക്തി ജീവിതത്തെ കുറിച്ചാണ് ചോദിച്ചത്. നടിയുടെ പ്രണയവും വിവാഹവുമൊക്കെ ചോദ്യമായി വന്നെങ്കിലും അതിലേറ്റവും ശ്രദ്ധേയം മാരന്‍ എന്ന സിനിമയെ പറ്റിയുള്ള ചോദ്യമാണ്. ധനുഷ് നായകനായി അഭിനയിച്ച തമിഴിലെ ഹിറ്റ് സിനിമയാണ് മാരന്‍.

മാളവിക മോഹനന്‍ ആണ് നായികയായിട്ടെത്തിയത്. ചിത്രത്തില്‍ ധനുഷിനൊപ്പം മാളവിക കിടപ്പറ രംഗങ്ങളില്‍ അഭിനയിച്ചിരുന്നു. ഇത് പുറത്ത് വലിയ ചര്‍ച്ചയായി മാറുകയും ചെയ്തു. 'മാരനിലെ കിടപ്പറ രംഗം എത്ര തവണ ടേക്ക് എടുത്താണ് ചിത്രീകരിച്ചത്' എന്നാണ് ഒരാള്‍ നടിയോട് ചോദിച്ചത്.

വളരെ പെട്ടെന്ന് തന്നെ നടി അതിന മറുപടി പറയുകയും ചെയ്തു. 'നിങ്ങളുടെ തലയുടെ ഉള്‍ഭാഗം തീര്‍ച്ചയായും ഒരു ദുഃഖകരമായ സ്ഥലമാണ്' എന്നാണ് മാളവികയുടെ മറുപടി. ആവശ്യമില്ലാത്ത ചോദ്യത്തിന് മാളവിക നല്‍കിയ ശക്തമായ മറുപടിയാണ് ഇപ്പോള്‍ ഇന്റര്‍നെറ്റിലൂടെ വൈറലാവുന്നത്. vഇത്തരക്കാർക്ക് കൊടുക്കാൻ പറ്റുന്ന മികച്ച മറുപടിയാണ് മാളവിക പറഞ്ഞതെന്നാണ് ആശംസകൾ അറിയിച്ചെത്തിയ ആരാധകർ പറയുന്നത്.

ചലച്ചിത്ര ഛായാഗ്രാഹകനായ കെ യു മോഹനന്റെ മകളാണ് മാളവിക. കണ്ണൂര്‍ സ്വദേശിനിയാണെങ്കിലും മാളവിക വളര്‍ന്നതൊക്കെ മുംബൈയിലാണ്. 2013 ലാണ് പട്ടം പോലെ എന്ന ചിത്രത്തിലൂടെ മാളവിക വെള്ളിത്തിയിലെത്തുന്നത്. ആദ്യ രണ്ട് സിനിമയ്ക്ക് ശേഷം കന്നട, ഹിന്ദി, തമിഴ് തുടങ്ങി അന്യഭാഷ ചിത്രങ്ങളില്‍ സജീവമായി. രജനികാന്തിന്റെ പേട്ടയിലൂടെ തമിഴിലേക്കുള്ള അരങ്ങേറ്റം. ശേഷം വിജയിയുടെ കൂടെ മാസ്റ്ററിലും അഭിനയിച്ചു.

Recommended Video

മാളവികയുടെ ട്രോള്‍ ഏറ്റെടുത്ത് ആരാധകര്‍ | FilmiBeat Malayalam

ഏറ്റവുമൊടുവില്‍ മാളവികയുടേതായി റിലീസായ ചിത്രമാണ് മാരന്‍. കാര്‍ത്തിക് നരേന്‍ സംവിധാനം ചെയ്ത ചിത്രം 2022 മാര്‍ച്ചിലാണ് റിലീസ് ചെയ്യുന്നത്. ചിത്രത്തില്‍ താര എന്ന നായിക വേഷമാണ് മാളവിക ചെയ്തത്. ഇനി ബോളിവുജില്‍ നിര്‍മ്മിക്കുന്ന യുദ്ര എന്ന സിനിമയുടെ തിരക്കുകളിലാണ് നടി. സിദ്ദന്‍ത് ചതുര്‍വേദിയും രാഘവ് ജുയലുമാണ് ചിത്രത്തിലെ മറ്റ് കേന്ദ്ര കഥാപാത്രങ്ങളെ അവതരിപ്പിക്കുന്നത്.